ಹುಣಸೆಕಟ್ಟೆ, ಕುರುಮರಡಿ ಕೆರೆಗಳಿಗೆ ನೀರು ತುಂಬಿಸಲು ಒತ್ತಾಯ

ಭದ್ರಾ ಮೇಲ್ದಂಡೆ ಯೋಜನೆ ಜಿಲ್ಲೆಯ ರೈತರಿಗೆ ವರದಾನವಾಗಿದೆ. ಆದರೆ, ಚಿತ್ರದುರ್ಗ ತಾಲೂಕಿನ ಅತ್ಯಂತ ಕಡಿಮೆ ಪ್ರದೇಶ ನೀರಾವರಿಗೆ ಒಳಪಡಲಿದೆ. ಶೋಷಿತ ಸಮುದಾಯಗಳು ವಾಸಿಸುವ ಪ್ರದೇಶದ ಕೆರೆಗಳು ಯೋಜನೆ ವ್ಯಾಪ್ತಿಯಿಂದ ಹೊರಗಿರುವುದು ಆತಂಕ ಮೂಡಿಸಿದೆ.

ಹುಣಸೆಕಟ್ಟೆ ಆಸುಪಾಸಿನ ಹಳ್ಳಿಗಳ ನೂರಾರು ಕುಟುಂಬಗಳು ಹೂವು ಬೆಳೆಯುತ್ತಿದ್ದು, ಬರ ಎದುರಾದಾಗಲೆಲ್ಲ ತೊಂದರೆ ಅನು ಭವಿಸುವಂತಾಗಿದೆ. ಅಂತರ್ಜಲ ಕುಸಿದಾಗ ರೈತರಿಗೆ ಸಂಕಷ್ಟ ಎದುರಾಗಲಿದೆ. ಆದ್ದರಿಂದ ಅಂತರ್ಜಲ ಹೆಚ್ಚಳಕ್ಕೆ ಸರ್ಕಾರ ಕ್ರಮಕೈಗೊಳ್ಳಬೇಕು.

ಯೋಜನೆಯಡಿ ಜಗಳೂರಿಗೆ ನೀರು ಪೂರೈಕೆ ಮಾರ್ಗ ಹುಣಸೆಕಟ್ಟೆ ಸಮೀಪದಲ್ಲಿದೆ. ಹುಣಸೆಕಟ್ಟೆಯ ೨ ಸಣ್ಣ ಕೆರೆಗಳನ್ನು ತುಂಬಿಸಿದರೆ ಈ ಭಾಗದ ಜನ ಜಾನುವಾರುಗಳಿಗೆ ಕುಡಿವ ನೀರಿಗೆ ಅನುಕೂಲದೆ ಜತೆಗೆ ಅಂತರ್ಜಲ ವೃದ್ಧಿಸಲಿದೆ.

ಕೈ ಬಿಟ್ಟಿರುವ ಕುರುಮರಡಿಕೆರೆ ಗ್ರಾಮದ ಕೆರೆಯನ್ನೂ ಯೋಜನೆ ವ್ಯಾಪ್ತಿಗೆ ಒಳಪಡಿಸಿ ನೀರು ತುಂಬಿಸಬೇಕು. ಇದು ಸಾಧ್ಯ ವಾಗದಿದ್ದರೆ ವಿವಿ ಸಾಗರ ಜಲಾಶಯದಿಂದ ಕೆರೆ ತುಂಬಿಸಲು ಕ್ರಿಯಾ ಯೋಜನೆ ರೂಪಿಸಬೇಕು ಎಂದು ಒತ್ತಾಯಿಸಿದರು.

ಸಂಘದ ಜಿಲ್ಲಾಧ್ಯಕ್ಷ ಧನಂಜಯ ಹಂಪಯ್ಯನ ಮಾಳಿಗೆ, ಚಿಕ್ಕಪ್ಪನಹಳ್ಳಿ ರುದ್ರಸ್ವಾಮಿ, ಬಸ್ತಿಹಳ್ಳಿ ಸುರೇಶ್‌ಬಾಬು, ಕೆ.ಎಂ. ಕಾಂತರಾಜು, ತಿಪ್ಪೇಸ್ವಾಮಿ, ಕೆಂಚಪ್ಪ, ವೆಂಕಟೇಶ್, ಮಾರುತಿ, ಪ್ರಭು, ಮೋಹನ್, ಸುರೇಶ್ ಇತರರು ಇದ್ದರು.