ಮೆಕ್ಕೆಜೋಳ ಖರೀದಿ ಕೇಂದ್ರ ಆರಂಭಕ್ಕೆ ಒತ್ತಾಯ

ನಗರದ ಪ್ರವಾಸಿ ಮಂದಿರದಿAದ ಡಿಸಿ ಕಚೇರಿವರೆಗೆ ಮೆರವಣಿಗೆ ನಡೆಸಿದ ಪ್ರತಿಭಟನಾಕಾರರು, ಮೆಕ್ಕೆಜೋಳ ಬೆಲೆ ಕುಸಿತ ದಿಂದ ರೈತರು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಆದ್ದರಿಂದ ಸರ್ಕಾರ ಗರಿಷ್ಠ ಮಿತಿಯಿಲ್ಲದೇ ಬೆಂಬಲ ಬೆಲೆಯಡಿ ಮೆಕ್ಕೆಜೋಳ ಖರೀದಿಸಬೇಕು ಎಂದು ಆಗ್ರಹಿಸಿದರು.

ಖರೀದಿ ಕೇಂದ್ರ ತೆರೆಯದೇ ನಿರ್ಲಕ್ಷಿಸಿರುವುದರಿಂದ ಈಗಾಗಲೇ ಅನೇಕರು ಕಡಿಮೆ ಬೆಲೆಗೆ ಮಾರಾಟ ಮಾಡಿದ್ದಾರೆ. ತಕ್ಷಣ ಖರೀದಿ ಕೇಂದ್ರಗಳನ್ನು ತೆರೆದು ರೈತರಿಗೆ ಧೈರ್ಯ ತುಂಬುವ ಕೆಲಸವನ್ನು ಸರ್ಕಾರ, ಜಿಲ್ಲಾಡಳಿತ ಮಾಡಬೇಕು ಎಂದು ಒತ್ತಾ ಯಿಸಿದರು.

ಶೇಂಗಾ ಬೆಳೆ ಸಂಪೂರ್ಣ ಹಾಳಾಗಿದ್ದರೂ ಬೆಳೆ ಪರಿಹಾರ, ಬೆಳೆ ವಿಮೆ ಈವರೆಗೂ ಬಿಡುಗಡೆಯಾಗಿಲ್ಲ. ಅತಿವೃಷ್ಟಿಯಿಂದ ನಷ್ಟ ವಾಗಿರುವ ಈರುಳ್ಳಿಗೂ ಪರಿಹಾರ ಮತ್ತು ವಿಮೆ ಪರಿಹಾರ ಕೊಟ್ಟಿಲ್ಲ. ಈರುಳ್ಳಿಯನ್ನು ಬೆಂಬಲ ಬೆಲೆಯಡಿ ಖರೀದಿಸಬೇಕೆಂಬ ಬೇ ಡಿಕೆ ಈಡೇರಿಲ್ಲ. ೨೦೨೨-೨೩ನೇ ಸಾಲಿನ ಬೆಳೆ ಪರಿಹಾರ ದುರುಪಯೋಗ ಪ್ರಕರಣ ವಿರುದ್ಧ ಕಾನೂನು ಕ್ರಮ ಜರುಗಿಸಿ ನೈಜ ಫಲಾನುಭವಿಗಳಿಗೆ ಪರಿಹಾರ ನೀಡಬೇಕು ಎಂದು ಮನವಿ ಮಾಡಿದರು.

ಸಂಘದ ಜಿಲ್ಲಾಧ್ಯಕ್ಷ ಡಿಎಸ್‌ಹಳ್ಳಿ ಮಲ್ಲಿಕಾರ್ಜುನ್, ಕಬ್ಬಿಗೆರೆ ನಾಗರಾಜ್, ಬಾಗೇನಾಳ ತಿಪ್ಪೇಸ್ವಾಮಿ, ನಿಜಲಿಂಗಪ್ಪ,ಶಿವಮೂ ರ್ತಿ, ಮಂಜುನಾಥ, ಪ್ರವೀಣ, ಮಲ್ಲೇಶ್, ಸಂಜೀವಪ್ಪ, ಸದಾಶಿವ, ಮಾರುತಿ, ಕಲ್ಲೇಶ್, ಪ್ರವೀಣ್‌ಕುಮಾರ್, ನಿರಂಜನ ಮೂರ್ತಿ, ಲೋಕಜ್ಜ, ಕುಮಾರ್, ವೆಂಕಟೇಶ್,ನಾಗಣ್ಣ, ರಾಜಶೇಖರ್, ಮಂಜುನಾಥ್, ನಾಗಭೂಷಣ, ಹನುಮಂತರೆಡ್ಡಿ, ನಾಗೇಶ್, ಮಲ್ಲಿ ಕಾರ್ಜುನ್, ಹನುಮಂತಪ್ಪ, ಜಯಪ್ಪ, ಧನಂಜಯ, ಬಾಬುರೆಡ್ಡಿ ಇತರರು ಇದ್ದರು.