ದೇಶದ ೪ ಕೋಟಿಯಷ್ಟು ಮಕ್ಕಳು ದುಶ್ಚಟಕ್ಕೆ ದಾಸರು

ದೇಶದೊಳಗೆ ೧೩-೧೫ ವರ್ಷದೊಳಗಿನ ೩ರಿಂದ ೪ ಕೋಟಿಯಷ್ಟು ಮಕ್ಕಳು, ೧೮ ವರ್ಷ ಮೇಲ್ಪಟ್ಟ ೨೦ ಕೋಟಿಗೂ ಹೆಚ್ಚು ಯು ವಜನರು ಒಂದಿಲ್ಲೊಂದು ರೀತಿಯ ತಂಬಾಕು ಉತ್ಪನ್ನಗಳ ಸೇವನೆಯ ದುಶ್ಚಟಕ್ಕೆ ದಾಸರಾಗುತ್ತಿರುವುದು ಆತಂಕಕಾರಿ ಸಂಗತಿ ಯಾಗಿದೆ.

ತಂಬಾಕು ಸೇವನೆಯಿಂದ ಬರುವ ವಿವಿಧ ಕಾಯಿಲೆಗಳಿಗೆ ವಿಶ್ವದಲ್ಲಿ ಪ್ರತಿ ೪-೫ ಸೆಕೆಂಡಿಗೆ ಒಬ್ಬರಂತೆ ಜೀವ ಕಳೆದು ಕೊಳ್ಳುತ್ತಿ ದ್ದಾರೆ. ಕ್ಯಾನ್ಸರ್ ರೋಗಿಗಳ ಪೈಕಿ ಶೇ. ೫೦ ರಷ್ಟು ಮಂದಿ ಕ್ಯಾನ್ಸರ್ ೩ ಅಥವಾ ೪ನೇ ಹಂತ ತಲುಪಿದಾಗ ಆಸ್ಪತ್ರೆಗೆ ದೌಡಾ ಯಿಸಿ ಜೀವ ಉಳಿಸಿಕೊಳ್ಳಲು ಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ ಎಂಬ ಮಾಹಿತಿ ಇದೆ.

ಭಾರತದಲ್ಲಿ ಶೇ. ೨೬.೪ಕ್ಕೂ ಅಽಕ ಪಾಲಕರು ಧೂಮಪಾನಿಗಳಾಗಿz್ದÁರೆ. ೧೩-೧೫ ವಯೋಮಾನದವರ ಪೈಕಿ ಶೇ. ೧೯ ರಷ್ಟು ಹುಡುಗರು, ಶೇ. ೮.೩ಕ್ಕಿಂತ ಹೆಚ್ಚು ಹುಡುಗಿಯರು ತಂಬಾಕು ಉತ್ಪನ್ನಗಳನ್ನು ಸೇವಿಸುತ್ತಿದ್ದಾರೆ. ಶೇ. ೨೧.೯ ಯುವಕ, ಯುವತಿಯರು ತಮ್ಮ ಮನೆಯಲ್ಲೇ ಧೂಮಪಾನ ಮಾಡುವುದರಿಂದ ಇತರರೂ ಇದರ ದುಷ್ಪರಿಣಾಮಕ್ಕೆ ಒಳಗಾಗುತ್ತಿದ್ದಾರೆ.

ಶೇ.೪೨ ರಷ್ಟು ಮಂದಿ ಕೆಲಸದ ಸ್ಥಳಗಳಲ್ಲಿ, ಶೇ. ೪೪.೩ ರಷ್ಟು ಮನೆಯಲ್ಲಿ ಹಾಗೂ ಶೇ. ೩೭.೨ ರಷ್ಟು ಮಂದಿ ಸಾರ್ವಜನಿಕ ಸ್ಥಳಗಳಲ್ಲಿ ಪರೋಕ್ಷ ಧೂಮಪಾನಕ್ಕೆ ಒಳಗಾಗಿ ಕ್ಯಾನ್ಸರ್, ಶ್ವಾಸಕೋಶ, ಗರ್ಭಪಾತ, ಹೃದಯ ಸಂಬಂಽ ಸೇರಿ ಮಾರಣಾಂತಿಕ ಕಾಯಿಲೆಗಳು ಸೇರಿ ಇತರ ಅನಾರೋಗ್ಯ ಸಮಸ್ಯೆಗಳನ್ನು ಎದುರಿಸುವಂತಾಗಿದೆ.

ಕರ್ನಾಟಕದಲ್ಲಿ ೧೫ ವರ್ಷಕ್ಕಿಂತ ಮೇಲ್ಪಟ್ಟವರಲ್ಲಿ ಶೇ. ೩೦ರಷ್ಟು ಮಂದಿ ತಂಬಾಕು ಉತ್ಪನ್ನಗಳನ್ನು ಸೇವಿಸುತ್ತಿದ್ದಾರೆ. ಇದರಲ್ಲಿ ಶೇ. ೧೧.೯ ಧೂಮಪಾನಿಗಳಿದ್ದರೆ, ಶೇ. ೧೯.೪ ರಷ್ಟು ಜಗಿಯುವ ತಂಬಾಕುಗಳ ಸೇವಿಸುವವರಾಗಿದ್ದಾರೆ. ೧೮ ವಯೋಮಾನ ಮೇಲ್ಪಟ್ಟವರು ಹೆಚ್ಚಿನ ಸಂಖ್ಯೆಯಲ್ಲಿ ಧೂಮಪಾನಿಗಳಾಗಿದ್ದಾರೆ.

ಇದರಿಂದ ಪ್ರತಿ ವರ್ಷ ವಿಶ್ವದಲ್ಲಿ ೮೦ ಲಕ್ಷ, ಭಾರತದಲ್ಲಿ ೧೩.೫ ಲಕ್ಷ ಜನರು ಬಲಿಯಾಗುತ್ತಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ, ಗ್ಲೋ ಬಲ್ ಅಡಲ್ಟ್ ಟೊಬ್ಯಾಕೋ ಸರ್ವೆ ಇಂಡಿಯಾ ದಶಕದ ಹಿಂದೆಯೇ ನಡೆಸಿದ ಸರ್ವೆಯಲ್ಲಿ ಈ ಅಂಕಿ-ಅಂಶ ಬೆಳಕಿಗೆ ಬಂದಿದೆ. ಹೊಸದಾಗಿ ಸರ್ವೆ ಕೈಗೊಂಡರೆ ಈ ಸಂಖ್ಯೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ.

ಧೂಮಸಹಿತ ಸಿಗರೇಟ್, ಬೀಡಿ, ಸಿಗಾರ್ ಇನ್ನಿತರೆ ತಂಬಾಕು ವಸ್ತುಗಳಲ್ಲಿ ೭೦೦೦ ರಾಸಾಯನಿಕ, ಅದರಲ್ಲಿ ಶೇ. ೬೯ರಷ್ಟು ಕ್ಯಾನ್ಸರ್‌ಕಾರಕ ವಸ್ತುಗಳಿವೆ. ಇನ್ನಿತರೆ ಉತ್ಪನ್ನಗಳಲ್ಲೂ ೩೦೯೫ ರಾಸಾಯನಿಕ ವಸ್ತುಗಳಿದ್ದು, ಅದರಲ್ಲೂ ಶೇ. ೨೮ ರಷ್ಟು ಕ್ಯಾನ್ಸರ್‌ಕಾರಕ ವಸ್ತುಗಳಿವೆ. ಶೇ. ೧೫ ಮಂದಿ ಈ ರೋಗದ ಆರಂಭಿಕ ಹಂತದಲ್ಲೇ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆಂಬ ಮಾಹಿತಿ ಇದೆ.