ಡ್ಯಾಮ್, ಆಧುನಿಕ ಯಂತ್ರೋಪಕರಣಗಳು, ಸಾರಿಗೆ ವ್ಯವಸ್ಥೆಗಳಿಲ್ಲದಲ್ಲೇ ಶ್ರದ್ಧೆಯಿಂದ ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡವರಾಗಿದ್ದಾರೆ. ತಮ್ಮ ಅನುಭವದ ಅವಧಿಯಲ್ಲಿ 4 ಭೀಕರ ಬರಗಾಲ ಕಂಡಿದ್ದಾರೆ. 1965-66ರಲ್ಲಿ ಬರಗಾಲದ ತೀವ್ರತೆಗೆ ಆಹಾರಕ್ಕೂ ತೊಂದರೆ ಉಂಟಾಗಿದ್ದು, ನ್ಯಾಯಬೆಲೆ ಅಂಗಡಿಗಳಿಂದ ಆಹಾರ ಪೂರೈಕೆ ಮಾಡಲಾಗುತ್ತಿತ್ತು. ಅಂತಹ ಸಂದರ್ಭದಲ್ಲೂ ಕೃಷಿ ಕೈಬಿಡದೆ ಶ್ರದ್ಧೆಯಿಂದ ನಡೆಸಿಕೊಂಡು ಬಂದವರು ಚಿಣ್ಣಪ್ಪ.
ಪ್ರೌಢಶಾಲಾ ಶಿಕ್ಷಣ ಮುಗಿಯುತ್ತಿದ್ದಂತೆ ಪಾಲಕರ ಜತೆ ಕೃಷಿ ಕಾಯಕದಲ್ಲಿ ತೊಡಗಿಸಿಕೊಂಡು ಅಡಕೆ, ಕರಿಮೆಣಸು, ಕಾಫಿ ಮುಖ್ಯ ಬೆಳೆಯಾಗಿ ಬೆಳೆಯುತ್ತಿದ್ದು, ಅರ್ಧ ಎಕರೆ ಭೂಮಿಯಲ್ಲಿ ಭತ್ತ ಬೆಳೆಯುತ್ತಿದ್ದಾರೆ. ಇದರಿಂದ ವಾರ್ಷಿಕ 15 ರಿಂದ 20 ಲಕ್ಷ ರೂ. ಆದಾಯ ಗಳಿಸುತ್ತಿದ್ದಾರೆ. ಕೃಷಿ ಭೂಮಿಗೆ ಬೇಕಾದ ಸಾವಯವ ಗೊಬ್ಬರವನ್ನು ಮನೆಯಲ್ಲಿಯೇ ಉತ್ಪಾದಿಸಿ ಬಳಸುತ್ತಾರೆ.
