ಮಲಗಿದ್ದ ದಂಪತಿಗೆ ಬೆಂಕಿ ಇಟ್ಟು ಕೊಲೆ ಮಾಡಿದ್ದ ಆರೋಪಿಗಳು ಅಂದರ್​..!

ಚಿಕ್ಕೋಡಿ: ಮಲಗಿದ್ದ ದಂಪತಿಗೆ ಬೆಂಕಿ ಇಟ್ಟು ಕೊಲೆ ಮಾಡಿದ ಆರೋಪಿಗಳನ್ನು ಐಗಳಿ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

ಬಾವಿಯ ನೀರಿನ ಪಾಳೆಗೋಸ್ಕರ ಹತ್ತಿದ ಜಗಳ ಕೊಲೆಯಲ್ಲಿ ಅಂತ್ಯವಾಗಿತ್ತು. ಮಹಾದೇವ ಮಾದರ್ ಹಾಗೂ ರೇಖಾ ಮಹಾದೇವ ಮಾದರ್ ದಂಪತಿ ಮನೆಯಲ್ಲಿ ಮಲಗಿರುವಾಗ ಕಳೆದ 10ರಂದು ತಡರಾತ್ರಿ 2 ಗಂಟೆಗೆ ದುಷ್ಕರ್ಮಿಗಳು ಮನೆಗೆ ಬೆಂಕಿ ಇಟ್ಟಿದ್ದರು.

ಇದನ್ನೂ ಓದಿರಿ: ‘ಹೆಂಡತಿ ತಂಬಾಕು ತಿಂತಾಳೆ, ನಂಗೆ ಡಿವೋರ್ಸ್​ ಕೊಡಿಸಿ..’ ಗಂಡನ ಬೇಡಿಕೆಗೆ ಕೋರ್ಟ್​ ಹೇಳಿದ್ದೇನು?

ದುಷ್ಕೃತ್ಯದಿಂದ ತೀವ್ರವಾಗಿ ಗಾಯಗೊಂಡಿದ್ದ ಪತಿ ಮಹಾದೇವ ಹಾಗೂ ಪತ್ನಿ ರೇಖಾ ಮಾದರ ಚಿಕಿತ್ಸೆ ಫಲಿಸದೆ ಹುಬ್ಬಳ್ಳಿಯ ಕೀಮ್ಸ್ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದರು. ರೇಷನ್​ನಲ್ಲಿ ಸೀಮೆ ಎಣ್ಣೆ ಪಡೆದು ಕೃತ್ಯ ಎಸಗಿದ್ದಾರೆನ್ನಲಾಗಿದೆ.

ಇದೀಗ ಆರೋಪಿಗಳಾದ ಶಂಕರ್ ಮಾದರ, ಸದಾಶಿವ ಮಾದರ ಹಾಗೂ ಸುನೀಲ ಮಾದರ್​ ಎಂಬುವವರನ್ನು ಪೊಲೀಸರು ಬಂಧಿಸಿದ್ದಾರೆ. ಮೃತ ಮಹದೇವ ಸೊಸೆ ಶಿಲ್ಪಾ ದೂರಿನನ್ವಯ ಪ್ರಕರಣ ದಾಖಲಿಸಿಕೊಂಡಿದ್ದ ಐಗಳಿ ಪೊಲೀಸರು, ಆರೋಪಿಗಳ ಹೆಡೆಮುರಿ ಕಟ್ಟಿದ್ದಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/thats-not-a-man-in-bed-youll-never-guess-what-this-viral-pic-shows/

https://www.vijayavani.net/telangana-minister-talasani-srinivas-yadav-offers-2-5-kg-gold-saree-at-temple-on-kcrs-birthday/

https://www.vijayavani.net/amendment-to-improve-child-welfare-committees-functioning/