ಗೋಹತ್ಯೆ ವಿರುದ್ಧ ಎಚ್ಚೆತ್ತುಕೊಳ್ಳಿ

 ಶೃಂಗೇರಿ: ದೇಶದ ಹಲವೆಡೆ ಹಿಂದೂಗಳ ಮೇಲೆ ನಿರಂತರವಾಗಿ ದೌರ್ಜನ್ಯ ನಡೆಯುತ್ತಿದೆ. ಹಿಂದೂಗಳು ಗೋಮಾತೆಯಲ್ಲಿ ಮುಕ್ಕೋಟಿ ದೇವತೆ ನೆಲೆಸಿವೆ ಎಂಬ ಶ್ರದ್ಧಾನಂಬಿಕೆ ಇಟ್ಟು ಪೂಜನೀಯ ಭಾವನೆಯಿಂದ ಪೂಜಿಸುತ್ತಾರೆ. ಆದರೆ ಪ್ರಸ್ತುತ ಗೋಹತ್ಯೆ ಅವಿರತವಾಗಿ ನಡೆಯುತ್ತಿದ್ದು ಇದರ ವಿರುದ್ಧ ಹಿಂದೂಗಳು ಎಚ್ಚೆತ್ತುಕೊಳ್ಳಬೇಕು ಎಂದು ಭದ್ರಾವತಿ ವಿಶ್ವ ಹಿಂದು ಪರಿಷತ್ ಮುಖಂಡ ರಾಘವನ್ ಒಡಿವೇಲ್ ತಿಳಿಸಿದರು.

ಹಿಂದೂಗಳ ಮೇಲೆ ದೌರ್ಜನ್ಯ ಎಸಗುತ್ತಿರುವ ಜಿಹಾದಿ ಮತಾಂಧ ಶಕ್ತಿಗಳ ವಿರುದ್ಧ ಸೋಮವಾರ ವಿಶ್ವ ಹಿಂದು ಪರಿಷತ್ ಮತ್ತು ಬಜರಂಗದಳ ಶೃಂಗೇರಿ ಪ್ರಖಂಡಯಿಂದ ಮೆಸ್ಕಾಂ ಎದುರು ನಡೆದ ಪ್ರತಿಭಟನಾ ಸಭೆಯಲ್ಲಿ ಅವರು ಮಾತನಾಡಿದರು.

ಗೋಹತ್ಯೆ ವಿರುದ್ಧ ರಾಜ್ಯ ಹಾಗೂ ಕೇಂದ್ರ ಸರ್ಕಾರಗಳ ಕಾನೂನು ಬಿಗಿ ಇದ್ದರೂ ಕೂಡ ಗೋಹತ್ಯೆ ನಡೆಯುತ್ತಿದೆ. ಗೋಹತ್ಯೆ, ಹಿಂದೂಗಳ ಮೇಲೆ ದೌರ್ಜನ್ಯ ನಡೆದಾಗ ಇಲಾಖೆಗಳು ಪ್ರಕರಣಗಳನ್ನು ದಾಖಲಿಸಲು ಹಿಂದೇಟು ಹಾಕುತ್ತಿವೆ. ಗಣಪತಿ ಮೂರ್ತಿಯ ಸ್ಥಾಪನೆಗೆ ಇಲಾಖೆಯ ಅನುಮತಿ ಪತ್ರ ಬೇಕು. ನಾವು ಗೋಮಾತೆಯನ್ನು ರಕ್ಷಿಸಬೇಕು. ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಹಿಂದೂಗಳಿಗೆ ಒಂದು ನ್ಯಾಯ-ಅನ್ಯಮತೀಯರಿಗೆ ಮತ್ತೊಂದು ನ್ಯಾಯ. ಇದನ್ನು ತಡೆಯುವುದು ವಿಶ್ವ ಹಿಂದೂ ಪರಿಷತ್ ಮತ್ತು ಬಜರಂಗದಳದ ಮೂಲ ಧ್ಯೇಯವಾಗಿದ್ದು ಹಿಂದೂಗಳು ಸಂಘಟಿತರಾಗಬೇಕು ಎಂದು ತಿಳಿಸಿದರು.

ಶೃಂಗೇರಿ ವಿಶ್ವ ಹಿಂದು ಪರಿಷತ್ ಮುಖಂಡ ದಿವೀರ್ ಮಲ್ನಾಡ್  ಮಾತನಾಡಿ, ಶೃಂಗೇರಿ ಕ್ಷೇತ್ರದಲ್ಲಿ ಗೋಹತ್ಯೆಗೆ ಮಿತಿ ಎಂಬುದು ಇಲ್ಲವಾಗಿದೆ. ಇತ್ತೀಚೆಗೆ ಪುಟ್ಟ ಹೆಣ್ಣು ಮಗುವಿನ ಮೇಲೆ ಅನ್ಯಮತೀಯರು ನಡೆಸಿದ ದೌರ್ಜನ್ಯಕ್ಕೆ ಇಲಾಖೆ ತಕ್ಕಪಾಠ ಕಲಿಸಿದೆ. ಪಟ್ಟಣ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ ಹಿಂದೂಗಳ ಮತಾಂತರ ನಡೆಯುತ್ತಿದ್ದು ನಾವು ಜಾಗೃತರಾಗಬೇಕು. ಇಲ್ಲವಾದಲ್ಲಿ ಪವಿತ್ರ ಕ್ಷೇತ್ರದಲ್ಲಿ ಗೋವುಗಳ ರಕ್ತ ಚೆಲ್ಲುತ್ತದೆ ಎಂದರು.

ಬಸ್‌ನಿಲ್ದಾಣದಿಂದ ಮುಖ್ಯಬೀದಿಯಲ್ಲಿ ಸಾಗಿ ಬಂದ ಪ್ರತಿಭಟನೆಯಲ್ಲಿ ಮಾಜಿ ಸಚಿವ ಡಿ.ಎನ್.ಜೀವರಾಜ್, ರಾಜ್ಯ ಬಿಜೆಪಿ ಎಸ್ಸಿ ವಕ್ತಾರ ಬಿ.ಶಿವಶಂಕರ್, ಮುಖಂಡರಾದ ಉಮೇಶ್ ತಲಗಾರು,ನೂತನ್‌ಕುಮಾರ್, ಹರೀಶ್.ವಿ.ಶೆಟ್ಟಿ, ಎಚ್.ಎಸ್.ವೇಣುಗೋಪಾಲ್, ಬಿಜೆಪಿ ಮಹಿಳಾ ಘಟಕದ ಅಧ್ಯಕ್ಷೆ ಭಾಗ್ಯಲಕ್ಷ್ಮೀ, ಪಪಂ ಮಾಜಿ ಸದಸ್ಯರಾದ ಸುಜಾತಾ, ಶ್ರೀ

ೀವಿದ್ಯಾ, ರಾಧಿಕಾ ಇದ್ದರು.