ಶ್ರೀ ಗಿರಿಸಿದ್ದೇಶ್ವರ ಸ್ವಾಮಿ ಬ್ರಹ್ಮರಥೋತ್ಸವ ಸಂಪನ್ನ

ಲಿಂಗದಹಳ್ಳಿ: ಗುಳ್ಳದ ಗ್ರಾಮದೇವರಾದ ಶ್ರೀ ಗಿರಿಸಿದ್ದೇಶ್ವರ ಸ್ವಾಮಿ ಪುರಾತನ ದೇವಾಲಯ ಶಿಥಿಲಗೊಂಡ ಕಾರಣ ಗ್ರಾಮಸ್ಥರು ಮತ್ತು ದಾನಿಗಳೆಲ್ಲರೂ ಸೇರಿ ಭವ್ಯ ದೇವಾಲಯ ನಿರ್ಮಾಣಕ್ಕೆ ಮುಂದಾಗಿರುವುದು ಸಂತಸದ ಸಂಗತಿ ಎಂದು ಮಾಜಿ ಶಾಸಕ ಡಿ.ಎಸ್.ಸುರೇಶ್ ಹೇಳಿದರು. 

ಶ್ರೀ ಗಿರಿಸಿದ್ದೇಶ್ವರ ಸ್ವಾಮಿಯ ರಥೋತ್ಸವದಲ್ಲಿ ಪಾಲ್ಗೊಂಡು ಮಾತನಾಡಿ, ಶ್ರೀ ಗಿರಿಸಿದ್ದೇಶ್ವರ ಸ್ವಾಮಿ ನಾಡಿಗೆ ಮಳೆ, ಬೆಳೆ ನೀಡಿ ಸಮೃದ್ಧಿ ಉಂಟುಮಾಡಲಿ. ಜಾತ್ರಾ ಮಹೋತ್ಸವಗಳಲ್ಲಿ ಗುಳ್ಳದಮನೆ ಗ್ರಾಮದೊಂದಿಗೆ ಮಲ್ಲೇನಹಳ್ಳಿ, ಕೆಂಚಾಪುರ, ಲಿಂಗದಹಳ್ಳಿ, ನಂದಿ, ಸುಣ್ಣದಹಳ್ಳಿ, ಸುತ್ತಮುತ್ತಲಿನ ಭಕ್ತರು ಭಾಗವಹಿಸುತ್ತಿರುವುದು ಸಂತಸ ತಂದಿದೆ ಎಂದರು.

ಟಿಎಪಿಸಿಎಂಎಸ್ ಮಾಜಿ ಅಧ್ಯಕ್ಷ ಗುಳ್ಳದಮನೆ ವಸಂತಕುಮಾರ್ ಮಾತನಾಡಿ, ಗುಳ್ಳದಮನೆ ಹಾಗೂ ಮಲ್ಲೇನಹಳ್ಳಿ, ಕೆಂಚಾಪುರ ಗ್ರಾಮಸ್ಥರೆಲ್ಲರೂ ಸೇರಿ ಗಿರಿಸಿದ್ದೇಶ್ವರ ಸ್ವಾಮಿಯ ಶಿಲ್ಪಕಲಾ ದೇಗುಲವನ್ನು ನಿರ್ಮಾಣ ಮಾಡುತ್ತಿದ್ದಾರೆ ಎಂದು ಹೇಳಿದರು. ಲಿಂಗದಹಳ್ಳಿ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಎಲ್.ವಿ.ಓಂಕಾರಣ್ಣ, ಪ್ರಮುಖರಾದ ಸಿದ್ದಪ್ಪ, ಭೈರಪ್ಪ ಮತ್ತು ಸಾವಿರಾರು ಭಕ್ತಾದಿಗಳು ರಥೋತ್ಸವದಲ್ಲಿ ಪಾಲ್ಗೊಂಡಿದ್ದರು.