ವಿವಾದದ ಕೇಂದ್ರ ಬಿಂದುವಾದ ಸುಳ್ಳು ನಾಮಫಲಕ ಅಳವಡಿಕೆ

ಕಡೂರು: ಬಿ.ಮಲ್ಲೇನಹಳ್ಳಿ ಗ್ರಾಮದಲ್ಲಿರುವ ಶುದ್ದ ಗಂಗಾ ಘಟಕಕ್ಕೆ ಅಳವಡಿಸಿರುವ ಉದ್ಘಾಟನೆ ನಾಮಲಕ ಗ್ರಾಮದ ನೆಮ್ಮದಿಗೆ ಭಂಗತರುತ್ತಿದೆ ಎಂದು ಗ್ರಾಮಸ್ಥರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಗ್ರಾಮದ ಹಾಲು ಉತ್ಪಾದಕರ ಮಹಿಳಾ ಸಹಕಾರ ಸಂಘದಿಂದ ಗ್ರಾಮದಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕ ಸ್ಥಾಪಿಸಲಾಗಿದೆ. ಅಪೆಕ್ಸ್ ಬ್ಯಾಂಕ್‌ಅಧ್ಯಕ್ಷ ಬೆಳ್ಳಿಪ್ರಕಾಶ್ ಶುದ್ದ ಗಂಗಾ ಘಟಕ ಸ್ಥಾಪನೆಗೆ 3 ಲಕ್ಷ ರೂ.ಅನುದಾನ ಒದಗಿಸಿದ್ದಾರೆ. ಈ ಘಟಕಕ್ಕೆ ಅಳವಡಿಸಿರುವ ಲಕವೇ ಇದೀಗ ಇಡೀ ವಿವಾದದ ಕೇಂದ್ರ ಬಿಂದುವಾಗಿದೆ.

ಶುದ್ದ ಗಂಗಾ ಘಟಕ ಸ್ಥಾಪನೆ ನಂತರ ಉದ್ಘಾಟಿಸಬೇಕಿತ್ತು. ಆದರೆ ಈ ಹಿಂದಿನ ಅವಧಿಯ ಅಧ್ಯಕ್ಷರ ಹತ್ತಿರದ ಸಂಬಂಧಿಯೊಬ್ಬರ ಹಸ್ತಕ್ಷೇಪದಿಂದ ಘಟಕ ಉದ್ಘಾಟನೆ ಆಗದಿದ್ದರೂ ಘಟಕ ಉದ್ಘಾಟನೆಯಾಗಿರುವ ಬಗ್ಗೆ ಸುಳ್ಳು ಮಾಹಿತಿ ಸೃಷ್ಟಿಸಿ ಹಾಸನ ಹಾಲು ಒಕ್ಕೂಟದ ನಿರ್ದೇಶಕ ಟಿ.ಕೆ.ಜಗದೀಶ್ ಘಟಕ ಉದ್ಘಾಟಿಸಿದ್ದಾರೆ. ಡಿಸಿಸಿ ಬ್ಯಾಂಕ್ ನಿರ್ದೇಶಕ ಎಸ್.ಜಿ.ರಾಮಪ್ಪ ಮುಖ್ಯಅತಿಥಿಯಾಗಿ ಆಗಮಿಸಿದ್ದರು ಎಂದು ಸುಳ್ಳು ಮಾಹಿತಿಯನ್ನು ಒಳಗೊಂಡ ಉದ್ಘಾಟನೆ ನಾಮಲಕವನ್ನು ಅಳವಡಿಸಿರುವುದು ಗ್ರಾಮಸ್ಥರ ತೀವ್ರ ಅಸಮಾಧಾನಕ್ಕೆ ಕಾರಣವಾಗಿದೆ.

ನಾನು ಶುದ್ದ ಗಂಗಾ ಘಟಕವನ್ನು ಉದ್ಘಾಟಿಸಿಲ್ಲ. ಯಾರು ಸುಳ್ಳು ಮಾಹಿತಿ ಒಳಗೊಂಡ ಲಕವನ್ನು ಅಳವಡಿಸಿದ್ದಾರೆ ಎಂಬ ಬಗ್ಗೆ ನನಗೆ ಮಾಹಿತಿ ಇಲ್ಲ. ಅದನ್ನು ತೆರವುಗೊಳಿಸುವಂತೆ ಡೈರಿ ಸಿಬ್ಬಂದಿಗೆ ಸೂಚಿಸಲಾಗಿದೆ ಎಂದು ಹಾಸನ ಹಾಲು ಒಕ್ಕೂಟದ ನಿರ್ದೇಶಕ ಬಿದರೆ ಜಗದೀಶ್ ಸ್ಪಷ್ಟನೆ ನೀಡಿದರು.

ನಾಮಫಲಕ ವಿವಾದ ಹೆಚ್ಚಾಗುತ್ತಿದ್ದಂತೆ ನಾಮಲಕ ಅಳವಡಿಸಿದ ವ್ಯಕ್ತಿಯೇ ರಾತ್ರೋ ರಾತ್ರಿ ಲಕವನ್ನು ಮುಚ್ಚಿದ್ದಾರೆ. ದಾನಿಗಳನ್ನು ಕರೆದು ಶುದ್ದ ಗಂಗಾ ಘಟಕ ಉದ್ಘಾಟಿಸಿದ ನಂತರ ನಾಮಲಕ ಅನಾವರಣ ಮಾಡುವುದಾಗಿ ಹೇಳುತ್ತಿರುವುದು ನಾಟಕೀಯ ಬೆಳವಣಿಗೆಗಳಿಗೆ ಸಾಕ್ಷಿಯಾಗಿವೆ.

ಲಕ ಅಳವಡಿಸಲು ನಮ್ಮ ತಕರಾರಿಲ್ಲ.ಆದರೆ ಲಕ ಅಳವಡಿಸುವ ಮುನ್ನ ಗ್ರಾಮಸ್ಥರನ್ನು ವಿಶ್ವಾಸಕ್ಕೆ ಪಡೆಬೇಕಿತ್ತು. ಘಟಕ ಸ್ಥಾಪನೆಗೆ ನೆರವು ನೀಡಿದವರಿಂದ ಶುದ್ದಗಂಗಾ ಘಟಕ ಉದ್ಘಾಟನೆ ಮಾಡಿಸಿ ನಂತರ ಲಕ ಅಳವಡಿಸಬಹುದಿತ್ತು. ಅದನ್ನು ಬಿಟ್ಟು ವ್ಯಕ್ತಿಯೊಬ್ಬ ತನ್ನ ಸ್ವಪ್ರತಿಷ್ಠೆಗೆ ಸುಳ್ಳು ಮಾಹಿತಿಯ ಲಕ ಅಳವಡಿಸಿರುವುದು ಸರಿಯಲ್ಲ ಎನ್ನುತ್ತಿದ್ದಾರೆ ಗ್ರಾಮಸ್ಥರು.