ಕಟ್ಟೆಹೊಳೆಯಮ್ಮ ದೇವಾಲಯದ ಎಡಪಾರ್ಶ್ವದಲ್ಲಿ ಹರಿಯುತ್ತಿರುವ ವೇದಾ ನದಿ ಹರಿವಿನ ಪಾತ್ರದಲ್ಲಿ ಸುಂದರವಾದ ಎರಡು ಶಿಲಾ ವಿಗ್ರಹಗಳು ಕಂಡು ಬಂದಿವೆ. ಇಲ್ಲಿರುವ ಎರಡೂ ವಿಗ್ರಹಗಳ ಬಲಭಾಗದ ಮೊದಲನೆಯ ವಿಗ್ರಹ ಸಿಂಹಪೀಠದ ಮೇಲೆ ಪದ್ಮಾಸನ ಭಂಗಿಯಲ್ಲಿ ಕುಳಿತಿದ್ದು, ಹಿಂಭಾಗದಲ್ಲಿ ಇಬ್ಬರು ಚಾಮರಧಾರಿಗಳ ಶಿಲ್ಪಗಳಿವೆ. ವಿಗ್ರಹದ ಮುಖದ ಮುಂಭಾಗ ಸವೆದಿದೆ. ಬಳಪದ ಕಲ್ಲಿನ ವಿಗ್ರಹವು 1.34 ಮೀ. ಎತ್ತರ ಹಾಗೂ 0.90 ಮೀ. ಅಗಲವಿದೆ. ಸ್ಥಳೀಯ ಗ್ರಾಮಸ್ಥರು ಮೊದಲಿನಿಂದಲೂ ಸಂತಾನ ಲ ನೀಡುವ ಗಂಗಮ್ಮ ಎಂದು ಕರೆಯುತ್ತಿದ್ದು ಸಂತಾನ ಭಾಗ್ಯವಿಲ್ಲದ ಮಹಿಳೆಯರು ಈ ವಿಗ್ರಹವನ್ನು ಶ್ರದ್ಧಾಭಕ್ತಿಯಿಂದ ಬೆಳಗಿನ ಜಾವ ಪೂಜೆ ಮಾಡುವುದರಿಂದ ಸಂತಾನ ಭಾಗ್ಯ ದೊರೆಯುತ್ತದೆ ಎಂಬ ಅನೂಚಾನವಾದ ನಂಬಿಕೆಯಿಂದ ಇಂದಿಗೂ ಪೂಜಿಸುತ್ತಿರುವ ಈ ವಿಗ್ರಹದ ಶಿಲ್ಪಲಕ್ಷಣದ ಆಧಾರವಾಗಿದೆ.
