ತರೀಕೆರೆ: ಪ್ರಾಕೃತಿಕ ಸೊಬಗಿನ ಕೆಮ್ಮಣ್ಣುಗುಂಡಿ ಗಿರಿಧಾಮ, ಭಾಗಶಃ ನಿತ್ಯಧಾರೆ ಹರಿಸುವ ಹೆಬ್ಬೆ, ಕಲ್ಲತ್ತಿ ಜಲಪಾತ, ವನ್ಯಜೀವಿ ಜತೆ ಹಚ್ಚಹಸಿರಿನ ವನಸಿರಿಯಿಂದ ಕಂಗೊಳಿಸುತ್ತಿರುವ ಲಕ್ಕವಳ್ಳಿ ಭದ್ರಾ ಅಭಯಾರಣ್ಯ ತಾಲೂಕಿನ ಘನತೆ ಹೆಚ್ಚಿಸಿದೆ. ಆದರೆ ತಾಲೂಕು ಮಾತ್ರವಲ್ಲದೆ ರಾಷ್ಟ್ರ ಮಟ್ಟದಲ್ಲಿ ಪ್ರಖ್ಯಾತಿ ಪಡೆದು ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿರುವ ಪ್ರೇಕ್ಷಣೀಯ ತಾಣ ಕೆಮ್ಮಣ್ಣುಗುಂಡಿ ಗಿರಿಧಾಮ, ಲಕ್ಕವಳ್ಳಿ ಭದ್ರಾ ಅಭಯಾರಣ್ಯ, ರಾಜ್ಯದ ನಾನಾ ಭಾಗಗಳ ಜನ ಪವಿತ್ರ ತೀರ್ಥ ಸ್ನಾನ ಮಾಡಲು ಬಯಸುವ ಕಲ್ಲತ್ತಿ ಜಲಪಾತದ ಜತೆ ಶಿಲ್ಪಕಲೆ ನೋಡಲು ಬರುವ ಮಂದಿಗೆ ಅಲ್ಲಿ ಅವ್ಯವಸ್ಥೆಯಿಂದ ಕೂಡಿರುವ ಹಲವು ಸಮಸ್ಯೆಗಳು ನಿರಾಸೆ ಮೂಡಿಸುತ್ತಿವೆ.
