ಕ್ರಿಕೆಟ್‌ನಿಂದ ಬಾಂಧವ್ಯ ವೃದ್ಧಿ

ಬಾಳೆಹೊನ್ನೂರು: ಕ್ರಿಕೆಟ್‌ನಲ್ಲಿ ಯುವಜನರು ತೊಡಗಿಸಿಕೊಳ್ಳುವುದರಿಂದ ಬಾಂಧವ್ಯ ವೃದ್ಧಿಯಾಗುತ್ತದೆ ಎಂದು ಮೇಲ್ಪಾಲ್ ಕ್ರಿಕೆಟ್ ಕ್ಲಬ್ ಅಧ್ಯಕ್ಷ ಮಂಜುನಾಥ್ ಬಂಗೇರಾ ಹೇಳಿದರು.

ಕರ್ಕೇಶ್ವರ ಗ್ರಾಪಂ ವ್ಯಾಪ್ತಿಯ ಮೇಲ್ಪಾಲ್ ಕ್ರೀಡಾಂಗಣದಲ್ಲಿ ಮೇಲ್ಪಾಲ್ ಕ್ರಿಕೆಟ್ ಕ್ಲಬ್ ಆಯೋಜಿಸಿದ್ದ ಯುಗಾದಿ ಕಪ್ ಟೆನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಮಾತನಾಡಿದರು.

ಯುವಜನರು ಕ್ರೀಡಾಕೂಟಗಳಲ್ಲಿ ಭಾಗವಹಿಸುವುದರಿಂದ ದೇಹ ಸದೃಢತೆಯೊಂದಿಗೆ ಗ್ರಾಮದಲ್ಲಿ ಶಾಂತಿ, ಸೌಹಾರ್ದಕ್ಕೆ  ಪೂರಕವಾಗಲಿದೆ. ಈ ನಿಟ್ಟಿನಲ್ಲಿ ಗ್ರಾಮೀಣ ಯುವಕರಿಗೆ ಉತ್ತಮ ವೇದಿಕೆ ಒದಗಿಸಬೇಕೆಂಬ ಉದ್ದೇಶದಿಂದ ಮೇಲ್ಪಾಲ್ ಕ್ರಿಕೆಟ್ ಮೊದಲ ಬಾರಿಗೆ ಯುಗಾದಿ ಕಪ್ ಹೆಸರಿನಲ್ಲಿ ಕ್ರಿಕೆಟ್ ಟೂರ್ನಿ ಆಯೋಜಿಸಲಾಗಿದೆ ಎಂದರು.

ಪಂದ್ಯಾವಳಿಯಲ್ಲಿ ಮಂತ್ರಾಕ್ಷಿ ತಂಡ ಪ್ರಥಮ, ವಿವಿಎಂ ತಂಡ ದ್ವಿತೀಯ, ಭೂಮಿ ಕ್ರಿಕೆಟರ್ಸ್‌ ತೃತೀಯ, ದುರ್ಗಾಂಬ ತಂಡ ಚತುರ್ಥ ಸ್ಥಾನ ಪಡೆಯಿತು.

ಕರ್ಕೇಶ್ವರ ಗ್ರಾಪಂ ಅಧ್ಯಕ್ಷ ಕೆ.ಎಸ್.ರಾಜೇಶ್, ತಾಪಂ ಕೆಡಿಪಿ ಸದಸ್ಯ ಶಶಿಕುಮಾರ್, ವಿದ್ಯಾಗಣಪತಿ ಸಮಿತಿ ಅಧ್ಯಕ್ಷ ಎಂ.ನಾರಾಯಣ, ಲಯನ್ಸ್ ಕ್ಲಬ್ ಮಾಜಿ ಅಧ್ಯಕ್ಷ ಎ.ಸಿ.ಕೃಷ್ಣಮೂರ್ತಿ, ಗ್ರಾಪಂ ಮಾಜಿ ಅಧ್ಯಕ್ಷ ಎಂ.ಆರ್.ದಿನಕರ್, ಶಾಸಕರ ಆಪ್ತಸಹಾಯಕ ಕಾರ್ತಿಕ್ ಹುಣಸೇಕೊಪ್ಪ, ಮೇಲ್ಪಾಲ್ ಕ್ರಿಕೆಟ್ ಕ್ಲಬ್ ಉಪಾಧ್ಯಕ್ಷ ಹರೀಶ್ ಗಂಗೋಜಿ, ಕಾರ್ಯದರ್ಶಿ ವೀರಮಣಿ ಕರ್ಕೇಶ್ವರ, ಸಹ ಕಾರ್ಯದರ್ಶಿ ವಿಠ್ಠಲ, ಖಜಾಂಚಿ ರಜಿತ್ ಜತ್ತನ್, ಸಹ ಖಜಾಂಚಿ ಪ್ರಜ್ವಲ್ ಕೆರೆಹಕ್ಲು, ಮುಖ್ಯ ಸಲಹೆಗಾರ ಭರತ್ ಮೇಲ್ಪಾಲ್, ಸುದರ್ಶನ ಮತ್ತಿತರರಿದ್ದರು.