ಕೆ.ಟಿ. ಅಪ್ಪಣ್ಣ ಸ್ಮಾರಕ ದತ್ತಿ ಉಪನ್ಯಾಸದಲ್ಲಿ 'ಆಹಾರಗಳಲ್ಲಿ ವಿಷ ಸೇರ್ಪಡೆ' ಕುರಿತು ತಜ್ಞೆ ಡಾ.ಪ್ರೇಮಾ ಮಾತನಾಡಿ, ಸಮಕಾಲೀನ ಜಗತ್ತಿನಲ್ಲಿ ಸಾಂಪ್ರದಾಯಿಕ ಆಹಾರ ಪದ್ಧತಿ ಸಂಪೂರ್ಣವಾಗಿ ಬದಲಾಗಿದ್ದು, ಯಾಂತ್ರೀಕರಣದ ಮೂಲಕ ಆಹಾರ ವ್ಯವಸ್ಥೆಯ ನಿರ್ವಹಣೆ ಪ್ರಾರಂಭವಾಗಿದೆ ಎಂದರು. ವಿಶ್ವ ಆರೋಗ್ಯ ಸಂಸ್ಥೆ, ಆಹಾರ ಮತ್ತು ಕೃಷಿ ಸಂಸ್ಥೆಗಳೂ ಕೂಡ ಬಹುರಾಷ್ಟ್ರೀಯ ಕಂಪನಿಗಳ ಕೈಗೊಂಬೆಯಾಗಿವೆ. ಪರಿಣಾಮ, ನಾವು ಬಳಸುತ್ತಿರುವ ಶಾಕಾಹಾರ ಮತ್ತು ಮಾಂಸಾಹಾರದಲ್ಲಿ ವಿಷದ ಪ್ರಮಾಣ ಹೆಚ್ಚಾಗುತ್ತಿದೆ. ದ್ವೀತಿಯ ಮಹಾಯುದ್ಧದ ನಂತರ ಎದುರಾದ ಆಹಾರದ ಕೊರತೆ, ಆಹಾರ ಉತ್ಪಾದನೆಯ ಯಾಂತ್ರೀಕರಣ ಮತ್ತು ವ್ಯಾಪಾರೀಕರಣಕ್ಕೆ ಕಾರಣವಾಯಿತು. ಇದರ ಕುರಿತು ತೀವ್ರ ಚಿಂತನೆ ಅವಶ್ಯಕತೆಯಿದೆ ಎಂದರು.
