ಆಸ್ಪತ್ರೆ ನಗರದ ಹೃದಯಭಾಗದ ಸುಸಜ್ಜಿತವಾದ ಜಾಗದಲ್ಲಿದ್ದು, ಕಾಯಕಲ್ಪ ನೀಡಬೇಕಿದೆ. ಹಳೆಯ ಕಟ್ಟಡವಾದರೂ ಸದ್ಯ ಉತ್ತಮ ಸ್ಥಿತಿಯಲ್ಲಿದ್ದು, ಕನಿಷ್ಠ ಬಣ್ಣವನ್ನಾದರೂ ಕಾಣಿಸಲು ಮುಂದಾಗಬೇಕಿದೆ. ಕಟ್ಟಡದ ಮೇಲ್ಛಾವಣಿಗೆ ಚುರುಕಿ ಸೇರಿ ಹಲವು ಸಣ್ಣಪುಟ್ಟ ಕೆಲಸ ಅವಶ್ಯವಾಗಿವೆ. ಐಸಿಯೂ ವಾರ್ಡ್ ಆರಂಭವಾದ ಬಳಿಕ ವಾರ್ಡ್ಗಳ ಕೊರತೆಯೂ ಕಾಡುತ್ತಿದೆ. ತುರ್ತು ಚಿಕಿತ್ಸಾ ಘಟಕ ಕಿಷ್ಕಿಂದೆಯಂತ ಜಾಗದಲ್ಲಿದ್ದು, ಪ್ರತ್ಯೇಕ ಜಾಗದ ಅವಶ್ಯಕತೆಯಿದೆ. ಇನ್ನೂ ಆಸ್ಪತ್ರೆಯಲ್ಲಿ ಡಯಾಲಿಸಸ್ ಕೇಂದ್ರವಿದ್ದು, ರೋಗಿಗಳ ಸಂಖ್ಯೆ ಹೆಚ್ಚಿರುವ ಹಿನ್ನೆಲೆಯಲ್ಲಿ ಹೆಚ್ಚುವರಿ ಬೆಡ್ಗಳ ಅವಶ್ಯಕತೆಯಿದೆ. ಆಸ್ಪತ್ರೆಯಲ್ಲಿನ ಸಿಬ್ಬಂದಿ ಕೊರತೆ ಸೇರಿ ಮೂಲ ಸವಲತ್ತುಗಳ ನಿವಾರಣೆಗೆ ಸಂಬಂಧಿಸಿದವರು ಶ್ರಮಿಸಲಿ ಎಂಬುದೇ ಪತ್ರಿಕೆಯ ಆಶಯವಾಗಿದೆ.
