ಬಿಆರ್ಟಿ ಅರಣ್ಯದಿಂದ ಆನೆ, ಜಿಂಕೆ, ಕಾಡೆಮ್ಮೆ, ಚಿರತೆಗಳು ಸೇರಿದಂತೆ ಅನೇಕ ಪ್ರಾಣಿಗಳು ಸಂಜೆ, ರಾತ್ರಿ ವೇಳೆ ನೀರು ಕುಡಿಯಲು ಹಳ್ಳ-ಕೊಳ್ಳಗಳಿಗೆ ಬರುತ್ತವೆ. ಈ ತಾಣಗಳಲ್ಲಿ ನೀರಿನ ಮಟ್ಟ ಕುಸಿದಿರುವುದರಿಂದ ಪ್ರಾಣಿಗಳು ನೀರು ಅರಸಿ ಗ್ರಾಮಗಳಿಗೂ ದಾಳಿ ಇಡುವ ಆತಂಕ ಎದುರಾಗಿದೆ.ವಿವಿಧ ಕಾಮಗಾರಿ ನಡೆಸುವವರು, ಗುತ್ತಿಗೆದಾರರು ನಿರಂತರವಾಗಿ ಹಳ್ಳ, ಕೊಳ್ಳ, ಕ್ವಾರಿಗಳಿಂದ ನೀರು ತೆಗೆಯುವುದರಿಂದ ನೀರಿನ ಮಟ್ಟ ಕೆಳಕ್ಕೆ ಇಳಿದಿದೆ. ಮಳೆಗಾಲ ಇದ್ದರೂ ಈ ಬಾರಿ ಸಮರ್ಪಕವಾಗಿ ಮಳೆಯಾಗದ ಕಾರಣ ಕೊಳ್ಳ ಮತ್ತು ಹೊಂಡದ ನೀರು ವನ್ಯ ಜೀವಿಗಳಿಗೆ ಆಸರೆಯಾಗಲಿದೆ. ಇವೆಲ್ಲವೂ ಜಲಕಳ್ಳರಿಂದ ಬತ್ತಿಹೋದರೆ ಅದರ ಅಪಾಯವನ್ನು ಕಾಡಂಚಿನ ಗ್ರಾಮದ ಜನರೇ ಅನುಭವಿಸಬೇಕಾಗಿದೆ.
