ಕೊಳ್ಳೇಗಾಲ ಕ್ಷೇತ್ರದ ನೀರಾವರಿಗೆ 150 ಕೋಟಿ ರೂ.

ಅವರು ಶನಿವಾರ ತಾಲೂಕಿನ ಕಟ್ನವಾಡಿ, ಕೆಸ್ತೂರು, ರಾಮಾಪುರ, ಅರೇಪಾಳ್ಯ, ಚಾಟೀಪುರ, ವೈ.ಕೆ.ಮೋಳೆ ಸೇರಿದಂತೆ ವಿವಿಧ ಗ್ರಾಮಗಳಲ್ಲಿ ಕಾಡಾ ಸೇರಿದಂತೆ ವಿವಿಧ ರಸ್ತೆ, ಚೆಕ್‌ಡ್ಯಾಂ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು. ನನ್ನ ಕ್ಷೇತ್ರ ವ್ಯಾಪ್ತಿಯಲ್ಲಿ ಸಣ್ಣ ನೀರಾವರಿ ಇಲಾಖೆಯ ವತಿಯಿಂದ 19.50 ಕೋಟಿ ರೂ., ಚೆಕ್ ಡ್ಯಾಂ ನಿರ್ಮಾಣಕ್ಕೆ 5.55 ಕೋಟಿ ರೂ., ಗಂಗಾ ಕಲ್ಯಾಣ ಇಲಾಖೆಯ ವತಿಯಿಂದ 100 ಕೊಳವೆ ಬಾವಿ, ಕೆರೆಗಳ ಅಭಿವೃದ್ಧಿಗೆ 29.02 ಕೋಟಿ ರೂ., ಹಿರೀಕೆರೆ ಅಭಿವೃದ್ಧಿಗೆ 14.5 ಕೋಟಿ ರೂ. ಹಣವೂ ಸೇರಿದೆ.

ಕೈಗಾರಿಕೆಗೆ ಒತ್ತು ನೀಡಲು ಕ್ರಮ: ಕೊಳ್ಳೇಗಾಲ ಸಮೀಪದ ಸಿಲ್ಕಲ್‌ಪುರ ಗ್ರಾಮದ ಬಳಿ 15 ಎಕರೆ ಜಮೀನನ್ನು ಈಗಾಗಲೇ ಸಂಬಂಧಪಟ್ಟ ತಹಸೀಲ್ದಾರ್‌ರಿಂದ ಪರಿಶೀಲನೆ ನಡೆಸಿ ಕಾಯ್ದಿರಿಸಲಾಗಿದೆ. ಇಲ್ಲಿ ಜವಳಿ ಉದ್ಯಮ ಸ್ಥಾಪಿಸುವ ಉದ್ದೇಶ ಹೊಂದಲಾಗಿದೆ. ಅಲ್ಲದೆ ಸಂತೆಮರಹಳ್ಳಿ ಸಮೀಪದಲ್ಲೂ ಕೈಗಾರಿಕೆಗಳ ಸ್ಥಾಪನೆಗೆ ಮುಂದಿನ ದಿನಗಳಲ್ಲಿ ಯೋಜನೆ ರೂಪಿಸಲಾಗುವುದು ಇದರಿಂದ ಸ್ಥಳೀಯ ಸಾವಿರಾರು ಮಂದಿಗೆ ಉದ್ಯೋಗ ಲಭಿಸುತ್ತದೆ ಹಾಗಾಗಿ ಇದರ ಬಗ್ಗೆ ಗಂಭೀರ ಚಿಂತನೆ ನಡೆಸಲಾಗಿದೆ ಎಂದು ಹೇಳಿದರು.

ಕಾಡಾ ಅಧ್ಯಕ್ಷ ಪಿ.ಮರಿಸ್ವಾಮಿ ಮಾತನಾಡಿ, ಈ ವರ್ಷ ಮುಖ್ಯಮಂತ್ರಿ ವಿಶೇಷ ಅನುದಾನದಡಿಯಲ್ಲಿ 25 ಕೊಟಿ ರೂ. ಹಾಗೂ ಉಪಮುಖ್ಯಮಂತ್ರಿ ಹಾಗೂ ನೀರಾವರಿ ಸಚಿವರೂ ಆಗಿರುವ ಡಿ.ಕೆ. ಶಿವಕುಮಾರ್ ಅವರು ನಮ್ಮ ವ್ಯಾಪ್ತಿಯ ಕಾಡಾಕ್ಕೆ 20 ಕೋಟಿ ರೂ. ಅನುದಾನ ಸೇರಿ ಒಟ್ಟು 45 ಕೋಟಿ ರೂ. ಅನುದಾನವನ್ನು ನೀಡಿದ್ದು ಇದಕ್ಕೆ ಸಹಕರಿಸಿದ ಎಲ್ಲ ಶಾಸಕರಿಗೂ ನಾನು ಅಭಿನಂದನೆಯನ್ನು ಸಲ್ಲಿಸುತ್ತೇನೆ. ನಮ್ಮ ವ್ಯಾಪ್ತಿಯ ಕಾಡಾಕ್ಕೆ 7 ಜಿಲ್ಲೆಗಳು ಸೇರಲಿದ್ದು, 34 ವಿಧಾನಸಭಾ ಕ್ಷೇತ್ರಗಳಿಗೂ ರೈತರ ಜಮೀನುಗಳಿಗೆ ತೆರಳುವ ರಸ್ತೆ, ಚೆಕ್ ಡ್ಯಾಂ ನಿರ್ಮಾಣಕ್ಕೆ ಅನುದಾನ ನೀಡಲಾಗುತ್ತದೆ. ಕೊಳ್ಳೇಗಾಲ ಮೀಸಲು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಗೆ 1.5 ಕೋಟಿ ರೂ. ಹಣವನ್ನು ಇದಕ್ಕೆ ವಿನಿಯೋಗಿಸಲಾಗುವುದು ಎಂದು ಮಾಹಿತಿ ನೀಡಿದರು.

ಗ್ಯಾರಂಟಿ ಯೋಜನೆ ಅನುಷ್ಠಾನ ಪ್ರಾಧಿಕಾರದ ಜಿಲ್ಲಾಧ್ಯಕ್ಷ ಎಚ್.ವಿ. ಚಂದ್ರು, ತಾಲೂಕು ಅಧ್ಯಕ್ಷ ಕಿನಕಹಳ್ಳಿ ಪ್ರಭುಪ್ರಸಾದ್, ರಾಜೇಂದ್ರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ತೋಟೇಶ್, ಮುಖಂಡರಾದ ಕಂದಹಳ್ಳಿ ನಂಜುಂಡಸ್ವಾಮಿ, ಚೇತನ್ ದೊರೆರಾಜ್ ನೀರಾವರಿ ಎಇಇ ಅಭಿಲಾಶ್ ಜೆಇ ಪ್ರತಾಪ್, ಗುತ್ತಿಗೆದಾರ ಭಾನುಪ್ರತಾಪ್ ಸೇರಿದಂತೆ ಅನೇಕರು ಇದ್ದರು.