ಸೋಮವಾರ ಸಂಜೆ 4ರಲ್ಲಿ ಪಟ್ಟಣ ಸೇರಿದಂತೆ ಮಲೆ ಮಹದೇಶ್ವರ ಬೆಟ್ಟ, ಮಿಣ್ಯಂ, ಕೊಪ್ಪ, ಗಾಜನೂರು, ರಾಮಾಪುರ, ಅಜ್ಜೀಪುರ, ಮಂಗಲ, ಕಣ್ಣೂರು, ಗುಂಡಾಪುರ, ಚಿಂಚಳ್ಳಿ ಹಾಗೂ ಈ ಭಾಗದ ಇನ್ನಿತರ ಕಡೆಗಳಲ್ಲಿ ಗುಡುಗು ಸಹಿತ ಸುಮಾರು ಒಂದು ಗಂಟೆ ಕಾಲ ಜೋರು ಮಳೆಯಾಯಿತು. ಮಿಣ್ಯಂ ಭಾಗದ ಮಿನ್ನತ್ತು ಹಳ್ಳದಲ್ಲಿ ಯಥೇಚ್ಛವಾದ ನೀರು ಹರಿದರೆ, ಕೆಲವು ಕೆರೆ ಕಟ್ಟೆಗಳಿಗೆ ಅಲ್ಪ ಪ್ರಮಾಣದಲ್ಲಿ ನೀರು ಸಂಗ್ರಹವಾಗಿದೆ. ಹೊಲ, ರಸ್ತೆಗಳಲ್ಲೂ ನೀರು ಹರಿಯಿತು. ಬಿಸಿಲಿನ ತಾಪಕ್ಕೆ ಕಾದಿದ್ದ ಭೂಮಿ ತಂಪು ಅನುಭವವನ್ನು ನೀಡಿತು. ರೈತರು ಹಾಗೂ ಜನರಲ್ಲಿ ಕೊಂಚ ಸಮಾಧಾನವನ್ನು ಮೂಡಿಸಿದೆ. ಈಗಾಗಲೇ ಭೂಮಿಯನ್ನು ಉಳುಮೆ ಮಾಡಿಸಿದ್ದ ಕೆಲ ರೈತರು ಬಿತ್ತನೆಗೆ ಚಿಂತನೆ ನಡೆಸಿದ್ದಾರೆ. ಆದರೆ ಇನ್ನು ಮಳೆಯ ಆಗತ್ಯವಿದೆ.
