ಅದರಂತೆ, ತಹಸೀಲ್ದಾರ್ ಅವರು ಕೊಳ್ಳೇಗಾಲ ಕಸಬಾ ಮತ್ತು ಪಾಳ್ಯ ಹೋಬಳಿಯ ರಾಜಸ್ವ ನಿರೀಕ್ಷಕರು ಮತ್ತು ಗ್ರಾಮ ಲೆಕ್ಕಿಗರು ಗ್ರಾಮ ಸಹಾಯಕರು ಪಾಳ್ಯ ಹೋಬಳಿಯ ಗ್ರಾಪಂ ಪಿಡಿಒಗಳು ನೌಕರರರ ತಂಡ ದೇವಾಲಯದ ಹುಂಡಿಗಳನ್ನು ಎಣಿಕೆ ಮಾಡಲು ವಾಹನದಲ್ಲಿ ಇರಿಸುವಾಗ ಚಿಕ್ಕಲ್ಲೂರು ಮಠದ ಭರತ್ರಾಜೇ ಅರಸ್ ಅವರು ಮತ್ತು ಅಕ್ಕಪಕ್ಕ ಗ್ರಾಮದ ಭಕ್ತರು, ರೈತ ಸಂಘದವರು ಹುಂಡಿಯನ್ನು ವಾಹನದಲ್ಲಿ ಇರಿಸಲು ತಡೆಯೊಡ್ಡಿದರು. ಈ ವೇಳೆ ಕೊಳ್ಳೇಗಾಲ ಗ್ರಾಮಾಂತರ ಪೊಲೀಸ್ ಠಾಣೆಯ ಪಿಎಸ್ಐ ಸುಪ್ರೀತ್ ಅವರು ವಾಹನದಲ್ಲಿ ಹುಂಡಿಗಳನ್ನು ತುಂಬಿಸಲು ಮುಂದಾದರು. ಈ ವೇಳೆ ವಾಹನ ಮುಂದೆ ಕುಳಿತ ಪ್ರತಿಭಟನಾಕಾರರು ಹುಂಡಿ ಎಣಿಕೆಗೆ ಅವಕಾಶ ನೀಡುವುದಿಲ್ಲ ಎಂದು ಪಟ್ಟುಹಿಡಿದರು.
