ಖಾಲಿ ಕೊಡಗಳನ್ನು ಹಿಡಿದು ಪ್ರತಿಭಟನೆ

ಏತ ನೀರಾವರಿ ಯೋಜನೆಯನ್ನು ರೂಪಿಸಬೇಕು ಎನ್ನುವುದು ಧರಣಿನಿರತ ರೈತರ ಮುಖ್ಯ ಬೇಡಿಕೆ. ಆದರೆ 49 ದಿನ ಕಳೆದರೂ ಈಡೇರಿಲ್ಲ. ಇದರಿಂದ ಬೇಸತ್ತ ಧರಣಿನಿರತ ರೈತರು ಗ್ರಾಮದ ಮುಖ್ಯರಸ್ತೆಗೆ ಆಗಮಿಸಿದರು. ಈ ವೇಳೆ ರೈತರು ನೇಗಿಲು ಹೊತ್ತರೆ, ಮಹಿಳೆಯರು ಖಾಲಿ ಬಿಂದಿಗೆಯನ್ನಿಡಿದು ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳ ವಿರುದ್ಧ ಘೋಷಣೆಗಳನ್ನು ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಬಳಿಕ ಮೆರವಣಿಗೆಯ ಮೂಲಕ ಧರಣಿ ಸ್ಥಳಕ್ಕೆ ಆಗಮಿಸಿದರು.

ಈ ಸಂದರ್ಭದಲ್ಲಿ ರೈತ ಸಂಘದ ಗ್ರಾಮ ಘಟಕದ ಅಧ್ಯಕ್ಷ ಅರ್ಪುದರಾಜ್, ಕಾರ್ಯದರ್ಶಿ ಲೂರ್ದುಸ್ವಾಮಿ, ರೈತ ಮುಖಂಡರಾದ ಜೋಸೆಫ್, ಜಪಮಾಲೆ, ಸಂದನಮೇರಿ, ರೋಜಾ, ಸಗಾಯಮೇರಿ, ಸೂಸೈಯಮ್ಮಾಳ್, ಸೆಲ್ವಮ್ಮ ಹಾಗೂ ಇನ್ನಿತರರು ಇದ್ದರು.