ಪಟ್ಟಣದ ಬಡಾವಣೆಗಳಿಗೆ ಪಪಂನ ಕಸ ಸಂಗ್ರಹಿಸುವ ವಾಹನ ತೆರಳಿದರೂ ಕೆಲವರು ಕಸವನ್ನು ವಾಹನಕ್ಕೆ ನೀಡುತ್ತಿರಲಿಲ್ಲ. ಮುಸ್ಲಿಂ ಸ್ಮಶಾನದ ಬಳಿ ಸೇರಿದಂತೆ ಲೊಕ್ಕನಹಳ್ಳಿಗೆ ತೆರಳುವ ತಟ್ಟೆಹಳ್ಳದ ಬಳಿ, ದೇವಾಂಗ ಪೇಟೆ, ಆಂಜನೇಯ ಸ್ವಾಮಿ ದೇಗುಲದ ಹಳ್ಳದ ಬಳಿ, ಸೆಸ್ಕ್ ಇಲಾಖೆ ಸಮೀಪ, ಕ್ರಿಸ್ತರಾಜ ಶಾಲೆಯ ರಸ್ತೆ ಬದಿ ಹಾಗೂ ಇನ್ನಿತರ ಕಡೆಗಳಲ್ಲಿ ಕೆಲವರು ಹಿಂದಿನಿಂದಲೂ ಕಸವನ್ನು ಸುರಿಯುವುದನ್ನು ರೂಢಿಸಿಕೊಂಡು ಬಂದಿದ್ದಾರೆ. ಇದು ಅನೈರ್ಮಲ್ಯವನ್ನು ಉಂಟು ಮಾಡುವುದರ ಮೂಲಕ ರೋಗ-ರುಜಿನಗಳು ಹರಡುವುದಕ್ಕೆ ಕಾರಣವಾಗಿತ್ತು. ಇತ್ತ ಪಪಂ ಪೌರ ಕಾರ್ಮಿಕರು ಆಗ್ಗಾಗ್ಗೆ ರಾಶಿ ಬೀಳುತ್ತಿದ್ದ ಕಸವನ್ನು ವಿಲೇವಾರಿ ಮಾಡುವುದೇ ಒಂದು ಸವಾಲಾಗಿ ಪರಿಣಮಿಸುತ್ತಿತ್ತು. ಕೆಲ ಸಾರ್ವಜನಿಕರು ಪಪಂ ಆಡಳಿತ ಬಡಾವಣೆಗಲ್ಲಿ ಕಸವನ್ನು ಸಮರ್ಪಕವಾಗಿ ವಿಲೇವಾರಿಗೊಳಿಸುತ್ತಿಲ್ಲ ಎಂದು ದೂರುತ್ತಿದ್ದರು.
