ಗುಳ್ಯದ ಅಂಚೆ ಕಚೇರಿಯಲ್ಲಿ ಹಿಂದೆ ಕಾಲಕಾಲಕ್ಕೆ ಪಿಂಚಣಿ ವಿತರಣೆಯಾಗುತ್ತಿತ್ತು. ಯಾವುದೇ ಸಮಸ್ಯೆ ಇರಲಿಲ್ಲ. ಆದರೆ 2 ವರ್ಷದಿಂದೀಚೆಗೆ ಇಲ್ಲಿನ ಪೋಸ್ಟ್ಮೆನ್ ಸಮರ್ಪಕವಾಗಿ ಪಿಂಚಣಿ ಹಣ ನೀಡುತ್ತಿಲ್ಲ. 4 ತಿಂಗಳ ಹಣ ನೀಡಬೇಕಿದ್ದು, ಕಳೆದ ಮೂರು ದಿನಗಳಿಂದ ನಾನು ಸೇರಿದಂತೆ ಇತರ ಫಲಾನುಭವಿಗಳು ಕಚೇರಿಗೆ ಆಗಮಿಸುತ್ತಿದ್ದಾರೆ. ಆದರೆ ಪೋಸ್ಟ್ಮೆನ್ ಹಣ ನೀಡದೆ ಸತಾಯಿಸುತ್ತಿದ್ದಾರೆ. ಮಹಿಳೆಯರ ಜತೆ ಸೌಜನ್ಯದಿಂದ ವರ್ತಿಸದೆ ಉಡಾಫೆಯಿಂದ ಉತ್ತರಿಸುತ್ತಾರೆ. ಕೂಲಿ ಕೆಲಸ ಬಿಟ್ಟು ಪಿಂಚಣಿ ಪಡೆಯಲು ಆಗಮಿಸಿ ಕಾದು ಕುಳಿತರೂ ಹಣ ನೀಡುತ್ತಿಲ್ಲ. ಆದ್ದರಿಂದ ಸಂಬಂಧಪಟ್ಟ ಅಧಿಕಾರಿಗಳು ಇತ್ತ ಗಮನಹರಿಸಿ ಸಮರ್ಪಕವಾಗಿ ಪಿಂಚಣಿ ಹಣ ವಿತರಿಸುವಂತೆ ಹಾಗೂ ಇಲ್ಲಿನ ಸಿಬ್ಬಂದಿಯನ್ನು ವರ್ಗಾಯಿಸುವಂತೆ ಹೊಸದೊಡ್ಡಿಯ ಕಮಲಮ್ಮ ಒತ್ತಾಯಿಸಿದರು.
