ರಸ್ತೆ ಮಧ್ಯೆ ತೆರೆದ ಮ್ಯಾನ್‌ಹೋಲ್

ಡಾ.ವಿಷ್ಣುವರ್ದನ್ ರಸ್ತೆ ಕೊಳ್ಳೇಗಾಲ ನಗರಸಭೆ ವ್ಯಾಪ್ತಿಯ ಪ್ರಮುಖ ರಸ್ತೆಯಾಗಿದ್ದು, ಸದಾ ಜನ-ಜಂಗುಳಿ ರಸ್ತೆಯಲ್ಲಿರುತ್ತದೆ. ಇನ್ನೂ ಬಸ್‌ಗಳು ಬಸ್ ನಿಲ್ದಾಣಕ್ಕೆ ಪ್ರವೇಶಿಸಲು ಈ ರಸ್ತೆಯಲ್ಲಿಯೇ ಬರಬೇಕು. ಬಟ್ಟೆ ಅಂಗಡಿ, ಹೋಟೆಲ್, ಬೇಕರಿ, ಮೊಬೈಲ್ ಶಾಪ್, ವೈನ್ ಶಾಪ್ ಸೇರಿದಂತೆ ಇನ್ನಿತರ ವಾಣಿಜ್ಯ ಮಳಿಗೆಗಳು ರಸ್ತೆಯಲ್ಲಿರುವುದರಿಂದ ಜನ ಹಾಗೂ ವಾಹನ ಸಂಚಾರ ದಟ್ಟವಾಗಿರುತ್ತದೆ.

ನಗರಸಭೆ ತೆರೆದ ಮ್ಯಾನ್‌ಹೋಲ್‌ಗೆ ತಾತ್ಕಾಲಿಕವಾಗಿ ಬ್ಯಾರಿಕೇಡ್ ನಿಲ್ಲಿಸಿ ಸಮಸ್ಯೆ ಬಗೆಹರಿಯಿತು ಎಂದು ಕೈಕಟ್ಟಿ ಕುಳಿತಿದೆ. ರಸ್ತೆ ಮಧ್ಯೆದಲ್ಲಿರುವ ಬ್ಯಾರಿಕೇಡ್‌ನಿಂದ ವಾಹನ ಸಂಚಾರಕ್ಕೂ ತೊಂದರೆಯಾಗಿದೆ. ಈ ತೆರೆದ ಮ್ಯಾನ್‌ಹೋಲ್‌ನಿಂದ ಯಾವುದಾದರೂ ಅನಾಹುತ ಸಂಭವಿಸುವ ಮುನ್ನ ಮ್ಯಾನ್ ಹೋಲ್ ಮುಚ್ಚಬೇಕೆಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.