ತೆರೆದ ಜೀಪ್ ಸಾರಿಗೆ ಮುಸುಕು

ಕೊಡಗು ಜಿಲ್ಲೆಯ ದುಬಾರಿ ಶಿಬಿರದಲ್ಲಿ ಸಾಕಾನೆ ಮಾರ್ತಾಂಡನ ಮೇಲೆ ಮತ್ತೊಂದು ಆನೆ ಕಂಜನ್ ದಾಳಿ ಮಾಡಿದಾಗ ನಡುವೆ ಪ್ರವಾಸಿಗ ಮಹಿಳೆ ಸಿಲುಕಿ ಮೃತಪಟ್ಟ ಘಟನೆ ಹಿನ್ನೆಲೆಯಲ್ಲಿ ಎಚ್ಚೆತ್ತಿರುವ ಅರಣ್ಯ ಇಲಾಖೆ ಸಫಾರಿ ಬರುವ ಪ್ರವಾಸಿಗರ ಜೀವರಕ್ಷಣೆಯತ್ತ ಗಮನ ಹರಿಸಿದೆ.

ಈ ಸಂಬಂಧ ಬೆಂಗಳೂರಿನಲ್ಲಿ ಅರಣ್ಯ ಸಚಿವ ಈಶ್ವರ ಖಂಡ್ರೆ ಮಾಧ್ಯಮದವರೊಂದಿಗೆ ಮಾತನಾಡಿ, ಬಂಡೀಪುರ, ನಾಗರಹೊಳೆ, ಕಾಳಿ, ಬಿಳಿಗಿರಿರಂಗನಬೆಟ್ಟ ಮತ್ತು ಭದ್ರಾ ಹುಲಿ ಸಂರಕ್ಷಿತ ಪ್ರದೇಶ ಹಾಗೂ ಮಲೆ ಮಹದೇಶ್ವರ ಬೆಟ್ಟ, ದಾಂಡೇಲಿ, ಕೆ.ಗುಡಿ ಸೇರಿದಂತೆ ರಾಜ್ಯದ ವಿವಿಧ ವನ್ಯಜೀವಿಧಾಮ ಮತ್ತು ಕಾನನಗಳಲ್ಲಿ ಸಫಾರಿ ನಡೆಯುತ್ತಿದ್ದು, ರಾಜ್ಯದ ಮೂಲೆಮೂಲೆಗಳಿಂದ ಅಷ್ಟೇ ಅಲ್ಲದೆ ದೇಶ ವಿದೇಶಗಳಿಂದಲೂ ಪ್ರವಾಸಿಗರು ಆಗಮಿಸುತ್ತಾರೆ. ಅದೃಷ್ಟವಶಾತ್ ಈವರೆಗೆ ಸಫಾರಿ ಪ್ರದೇಶಗಳಲ್ಲಿ ಆನೆಗಳು, ಹುಲಿಗಳು ಸೇರಿದಂತೆ ಯಾವುದೇ ವನ್ಯಮೃಗಗಳು ಸಫಾರಿ ವಾಹನಗಳ ಮೇಲೆ ದಾಳಿ ಮಾಡಿ ಜೀವಹಾನಿ ಮಾಡಿದ ಘಟನೆಗಳು ಸಂಭವಿಸಿರುವುದಿಲ್ಲ. ಆದಾಗ್ಯೂ ಅನಾಹುತ ಸಂಭವಿಸುವ ಮೊದಲೇ ಎಚ್ಚೆತ್ತುಕೊಳ್ಳುವ ಅಗತ್ಯವಿದೆ. ಪ್ರವಾಸಿಗರ ಸುರಕ್ಷತಾ ದೃಷ್ಟಿಯಿಂದ ತೆರೆದ ವಾಹನಗಳಿಗೆ ಅವಕಾಶ ಮಾಡಿಕೊಡುವುದು ಬೇಡ, ಬಸ್ ಸಫಾರಿ ನಡೆಸಲು ತೀರ್ಮಾನ ಮಾಡಲಾಗಿದೆ ಎಂದಿದ್ದಾರೆ.

ಜಿಲ್ಲೆಯಲ್ಲಿ ಬಂಡೀಪುರದ ಮೇಲುಕಾಮನಹಳ್ಳಿ, ಬಿಆರ್‌ಟಿಯ ಕೆ.ಗುಡಿ, ಮಲೆ ಮಹದೇಶ್ವರ ವನ್ಯಜೀವಿಧಾಮದ ಅಜ್ಜೀಪುರ ಮತ್ತು ಪಿ.ಜಿ.ಪಾಳ್ಯ ಕೇಂದ್ರಗಳಲ್ಲಿ ಕ್ಯಾಂಪರ್‌ಗಳಲ್ಲಿ ನಡೆಯುವ ಸಾರಿಗೆ ತೆರೆ ಬೀಳುವ ಸಾಧ್ಯತೆ ಇದೆ. ಕೆಲವು ಕೇಂದ್ರಗಳಲ್ಲಿ ಬಸ್‌ಗಳಿಲ್ಲ ಕ್ಯಾಂಪರ್‌ಗಳು ಮಾತ್ರ ಇವೆ. ಬಂಡೀಪುರದಲ್ಲಿ 19 ವಾಹನಗಳಿವೆ. ಜೆಎಲ್‌ಆರ್ ವಾಹನಗಳು ಪ್ರತ್ಯೇಕವಾಗಿವೆ. ರಾಜ್ಯ ಸರ್ಕಾರ ಸಾರಿ ಸಂಖ್ಯೆಯನ್ನು ತಗ್ಗಿಸಿ ಪುನರಾರಂಭಿಸಿದ ಮೇಲೆ ಒಟ್ಟು 10 ಸಾರಿ ವಾಹನಗಳಿದ್ದು ಸಂಚಾರ ಮಾಡುತ್ತಿವೆ. ಇವುಗಳಲ್ಲಿ 8 ಬಸ್‌ಗಳು, ಎರಡು ಕ್ಯಾಂಪರ್‌ಗಳು ಪ್ರವಾಸಿಗರನ್ನು ಸಾರಿ ಮಾಡಿಸುತ್ತಿವೆ. ಬಂಡೀಪುರದಲ್ಲಿ ಸಾರಿ ವಾಹನಗಳ ಮೇಲೆ ನಿಗಾವಹಿಸಲು ಮತ್ತು ಪ್ರವಾಸಿಗರ ಸುರಕ್ಷತೆ ದೃಷ್ಟಿಯಿಂದ ಅರಣ್ಯ ಇಲಾಖೆ ಬಘೀರಾ ಎಂಬ ಆ್ಯಪ್ ಬಳಕೆ ಮಾಡಲಾಗುತ್ತಿದೆ. ಇದರ ಮೂಲಕ ವಾಹನಗಳ ಚಲನವಲನ ಮತ್ತು ಸಾರಿ ವೇಳೆ ಎಲ್ಲಾದರೂ ಕಾಡುಪ್ರಾಣಿಗಳ ದಾಳಿಯಾದರೆ ಸಂದೇಶ ರವಾನೆಯಾಗುವ ವ್ಯವಸ್ಥೆ ಇದೆ. ಪ್ರವಾಸಿಗರಿಗೆ ವಿಮೆ ಸೌಲಭ್ಯ ನೀಡಿದೆ.

ಬಿಆರ್‌ಟಿ ಹುಲಿ ಸಂರಕ್ಷಿತಾರಣ್ಯ ಪ್ರದೇಶದ ಕೆ.ಗುಡಿ ಕೇಂದ್ರದಲ್ಲಿ ಅರಣ್ಯ ಇಲಾಖೆ ಮತ್ತು ಜೆಎಲ್‌ಆರ್‌ನ ಒಟ್ಟು 7 ಜೀಪ್‌ಗಳು ಸಾರಿ ಮಾಡುತ್ತಿವೆ. ಮಲೆ ಮಹದೇಶ್ವರ ವನ್ಯಜೀವಿಧಾಮದ ಪಿ.ಜಿ.ಪಾಳ್ಯ ಸಾರಿ ಕೇಂದ್ರದಲ್ಲಿ 1, ಅಜ್ಜೀಪುರ ಕೇಂದ್ರದಲ್ಲಿ 1, ಗೋಪಿನಾಥಂ ಸಾರಿ ಕೇಂದ್ರದಲ್ಲಿ 1 ಜೀಪ್ ಇದೆ. ಅರಣ್ಯ ಸಚಿವ ಈಶ್ವರ ಖಂಡ್ರೆ ಸೂಚನೆ ಮೇರೆಗೆ ಇವುಗಳನ್ನು ಯಾರ ರೀತಿ ಬಳಕೆ ಮಾಡುತ್ತಾರೆ ಎನ್ನುವುದನ್ನು ಕಾದುನೋಡಬೇಕಾಗಿದೆ. ಈ ಕೇಂದ್ರಗಳಲ್ಲಿ ಸಾರಿ ಬಸ್‌ಗಳು ಇಲ್ಲ.

ಜಿಲ್ಲೆಯ ಅರಣ್ಯಗಳಲ್ಲಿ ನಡೆಯುವ ಸಾರಿಗಳಲ್ಲಿ ಪ್ರವಾಸಿಗರ ಮೇಲೆ ವನ್ಯಜೀವಿಗಳು ದಾಳಿ ಮಾಡಿದ ಘಟನೆಗಳು ಇಲ್ಲ. ಆದರೆ ಕಾಡಿನ ದಾರಿಯಲ್ಲಿ ವನ್ಯಜೀವಿಗಳಿಗೆ ಪ್ರವಾಸಿಗರೇ ಕೀಟಲೆ ಮಾಡಿ ದಂಡ ಹಾಕಿಸಿಕೊಂಡಿರುವ ಪ್ರಕರಣಗಳು ತುಂಬಾ ಇವೆ. ಈ ಘಟನೆಗಳು ಬಂಡೀಪುರ ಹುಲಿ ಸಂರಕ್ಷಿತಾರಣ್ಯ ಪ್ರದೇಶಗಳಲ್ಲೇ ಹೆಚ್ಚಾಗಿ ನಡೆದಿವೆ. ಕಾಡು ನೋಡಲು ಬರುವ ಪ್ರವಾಸಿಗರು ನಿಯಮ ಮೀರಿ ಪ್ರಾಣಕ್ಕೆ ಸಂಚಕಾರ ಬರುವ ರೀತಿಯಲ್ಲಿ ಪುಂಡಾಟ ಮೆರೆದಿರುವ ಉದಾಹರಣೆಗಳಿವೆ. 2024ರಲ್ಲಿ ಮೂಲೆಹೊಳೆ ಬಳಿ ಕಾಡಾನೆ ನೋಡಿ ವಿಶಾಖಪಟ್ಟಣ ಮೂಲದ ಪ್ರವಾಸಿಗ ಮೂರ್ತಿ ಮತ್ತು ಸ್ನೇಹಿತ ಕಾರಿನಿಂದ ಕೆಳಗಿಳಿದಿದ್ದರು. ಕೂದಲೆಳೆ ಅಂತರದಲ್ಲಿ ಇಬ್ಬರೂ ಪ್ರಾಣ ಉಳಿಸಿಕೊಂಡಿದ್ದರು. 2025ರ ೆಬ್ರವರಿಯಲ್ಲಿ ಬಂಡೀಪುರದ ರಸ್ತೆ ಸಮೀಪ ನಿಂತಿದ್ದ ಆನೆಯೊಂದಿಗೆ ಶಾಹುಲ್ ಎಂಬಾತ ವಿಡಿಯೋ ಮಾಡಿದ್ದ. ಇದಾದ ಕೆಲವು ದಿನಗಳ ನಂತರ ಬೆಂಗಳೂರು ಮೂಲದ ಪಲ್ಲವಿ ಮತ್ತು ೋಷ್ ಅರಣ್ಯ ಪ್ರವೇಶಿಸಿ ಪೋಟೋಶೂಟ್ ಮಾಡಲು ಮುಂದಾಗಿದ್ದರು. ಈ ರೀತಿ ಮಾಡಿದವರಿಗೆ ಗರಿಷ್ಠವೆಂದರೆ 25 ಸಾವಿರ ರೂ. ದಂಡವನ್ನು ಅರಣ್ಯ ಇಲಾಖೆಯಿಂದ ವಿಧಿಸಲಾಗಿದೆ. ಈ ಸಂಬಂಧ ಅರಣ್ಯ ಇಲಾಖೆ ನೀಡಿರುವ ಮಾಹಿತಿ ಪ್ರಕಾರ, 2023-24ನೇ ಸಾಲಿನಲ್ಲಿ ದಾಖಲು ಮಾಡಿದ 330 ಪ್ರಕರಣಗಳಲ್ಲಿ 3,18,600 ರೂ. ದಂಡ ಸಂಗ್ರಹವಾಗಿತ್ತು. 2024-25ನೇ ಸಾಲಿನಲ್ಲಿ 422 ಕೇಸ್‌ಗಳಲ್ಲಿ ಒಟ್ಟು 6,29,900 ರೂ. ಕಲೆ ಹಾಕಲಾಗಿದೆ.

"

ರಾಜ್ಯದ ಐದು ಹುಲಿ ಸಂರಕ್ಷಿತ ಪ್ರದೇಶ ಹಾಗೂ ವನ್ಯಜೀವಿಧಾಮಗಳ ಸಫಾರಿಯಲ್ಲಿ ತೆರೆದ ಕ್ಯಾಂಪರ್ ಬದಲಿಗೆ ಸುರಕ್ಷಿತ ಬಸ್ ಬಳಕೆ ಮಾಡಬೇಕು. ದುಬಾರೆ ಆನೆ ಶಿಬಿರದಲ್ಲಿ ಎರಡು ಸಾಕಾನೆಗಳ ಕಾಳಗದ ವೇಳೆ ಪ್ರವಾಸಿ ಮಹಿಳೆ ಮೃತಪಟ್ಟ ಆಘಾತಕಾರಿ ಘಟನೆ ಹಿನ್ನೆಲೆಯಲ್ಲಿ ಸಫಾರಿಗಳಲ್ಲಿ ಪ್ರವಾಸಿಗರ ಸುರಕ್ಷತೆಗೂ ಹೆಚ್ಚಿನ ಗಮನ ಹರಿಸುವಂತೆ ಮುಖ್ಯ ವನ್ಯಜೀವಿ ಪರಿಪಾಲಕರಿಗೆ ಸ್ಪಷ್ಟ ನಿರ್ದೇಶನ ನೀಡಲಾಗಿದೆ.

— ಈಶ್ವರ ಖಂಡ್ರೆ, ಅರಣ್ಯ ಸಚಿವ