ಸಾಹಿತ್ಯ ಕ್ಷೇತ್ರಕ್ಕೆ ಮೂರ್ತಿರಾವ್ ಕೊಡುಗೆ ಅಪಾರ

ನಗರ ಕನ್ನಡ ಸಾಹಿತ್ಯ ಪರಿಷತ್ತಿನ ಸಂಸ ಸಭಾಂಗಣದಲ್ಲಿ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ವತಿಯಿಂದ ಗುರುವಾರ ಹಮ್ಮಿಕೊಂಡಿದ್ದ ಶತಾಯುಷಿ ಡಾ.ಎ.ಎನ್.ಮೂರ್ತಿರಾವ್ ಸಾಹಿತ್ಯ ಕೊಡುಗೆಗಳ ಕುರಿತು ಮಾತನಾಡಿದರು. ಪ್ರಬಂಧ ಸಾಹಿತ್ಯ ಕ್ಷೇತ್ರದಲ್ಲಿ ಅಗ್ರಗಣ್ಯ ಕೊಡುಗೆ ನೀಡಿದ ಮೂರ್ತಿರಾವ್ ಲಲಿತ ಪ್ರಬಂಧ ಸೊಗಡನ್ನು ಜಗತ್ತಿಗೆ ಪರಿಚಯಿಸಿದ ಶ್ರೇಷ್ಠ ಸಾಹಿತಿಗಳು. ಲೇಖಕರಾಗಿ, ವಿಮರ್ಶಕರಾಗಿ, ಚಿಂತಕರಾಗಿ, ಅನುವಾದ, ವಿಡಂಬನೆ, ಶಿಶು ಸಾಹಿತ್ಯದಲ್ಲಿ ಹೆಸರುವಾಸಿಯಾಗಿದ್ದಾರೆ. ಮಂಡ್ಯ ಜಿಲ್ಲೆಯ ಅಕ್ಕಿಹೆಬ್ಬಾಳಿನಲ್ಲಿ ಜನಿಸಿದ ಇವರು ತಮ್ಮ ವೈಚಾರಿಕತೆ, ಪ್ರಗತಿಪರ ಚಿಂತನೆಗೆ ಹೆಸರು ಮಾಡಿದವರು ಎಂದು ಹೇಳಿದರು.

ಕನ್ನಡ ಸಾಹಿತ್ಯವನ್ನು ವಿಶಾಲಗೊಳಿಸಿದ ಮೂರ್ತಿರಾವ್ ದೇವರು, ಚಿತ್ರಗಳು ಮತ್ತು ಪತ್ರಗಳು, ಪ್ರಸಿದ್ಧ ಕೃತಿಗಳಾಗಿವೆ. ಇವರ ಇತಿಹಾಸ ಪ್ರಬಂಧ ಸಂಕಲನಕ್ಕೆ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿ ಕೂಡ ದೊರೆಕಿತು. ಸಂಜೆಗತ್ತಲು, ಭಾಗ್ಯದೇವತೆ, ಆಷಾಡಭೂತಿ, ಅಪೂರ್ವ ಪಶ್ಚಿಮ, ಹಗಲುಗನಸು ಮುಂತಾದ ಕೊಡುಗೆಗಳನ್ನು ನೀಡಿದ ಮೂರ್ತಿರಾಯರು ಸಾಹಿತ್ಯ ಕ್ಷೇತ್ರದಲ್ಲಿ ನೆಲೆ ಕಂಡುಕೊಂಡ ಶ್ರೇಷ್ಠ ಕವಿಗಳು. ಇವರ ನಾಟಕಗಳಲ್ಲಿ ವಿಶೇಷವಾದ ಪಾತ್ರ ಸೃಷ್ಟಿಗಳು, ಹಾಸ್ಯ, ಕುತೂಹಲದ ಅಂಶಗಳನ್ನು ವಿಶೇಷವಾಗಿ ಗಮನಿಸಬಹುದು. 56ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದ ಮೂರ್ತಿರಾವ್ ಕನ್ನಡ ಸಾಹಿತ್ಯ ಪ್ರಪಂಚದಲ್ಲಿ ಮರೆಯಲಾಗದ ಅಪೂರ್ವ ರತ್ನ ಎಂದರು.

ಬರಹಗಾರ ಲಕ್ಷ್ಮಿನರಸಿಂಹ ಮಾತನಾಡಿ, ಮೂರ್ತಿರಾವ್ ಮಿತ ಭಾಷೆಗಳು. ಸರಳ ಜೀವನದ ಮೂಲಕ ಉತ್ಕೃಷ್ಟ ಸಾಹಿತ್ಯವನ್ನು ಬರೆದವರು. ಇವರ ದೇವರು ಕೃತಿ ಹಲವು ರೀತಿಯಲ್ಲಿ ಚಿಂತನೆಗೆ ಅವಕಾಶ ಮಾಡಿದ ಸಾಹಿತ್ಯವಾಗಿದೆ. ಪ್ರಗತಿ ಚಿಂತನೆ, ವೈಚಾರಿಕತೆ ಮನೋಭಾವ ಹಾಗೂ ಧಾರ್ಮಿಕತೆಯ ಆಳವಾದ ಸ್ಥಿತಿ-ಗತಿಯನ್ನು ಅದು ತಿಳಿಸುತ್ತದೆ. ಅಧ್ಯಾಪಕರಾಗಿ ಸೇವೆ ಸಲ್ಲಿಸಿದ ಮೂರ್ತಿರಾಯರು ಸಾವಿರಾರು ವಿದ್ಯಾರ್ಥಿಗಳಿಗೆ ಉತ್ತಮ ಮಾರ್ಗದರ್ಶಕರು, ಚಿಂತನಾಶೀಲರು, ಜ್ಞಾನಿಗಳು ಆಗಿದ್ದವರು ಎಂದು ತಿಳಿಸಿದರು.

ಕನ್ನಡ ಸಾಹಿತ್ಯ ಪರಿಷತ್ತಿನ ನಿರ್ದೇಶಕ ರವಿಚಂದ್ರ ಪ್ರಸಾದ್ ಮಾತಣಾಡಿ, ಮೂರ್ತಿರಾವ್ ಮೈಸೂರು ವಿಶ್ವವಿದ್ಯಾಲಯದ ಇಂಗ್ಲೀಷ್ ಪ್ರಾಧ್ಯಾಪಕರಾಗಿ, ಕನ್ನಡ ಸಂಸ್ಕೃತಿ ಇಲಾಖೆಯ ಮೊದಲ ನಿರ್ದೇಶಕರಾಗಿ ಸೇವೆಯನ್ನು ಸಲ್ಲಿಸಿದರು. ಪ್ರಗತಿಪರ ಚಿಂತನೆಗೆ ಹೆಸರು ಮಾಡಿದವರು ಎಂದರು. ಕನ್ನಡ ಸಾಹಿತ್ಯ ಪರಿಷತ್ತಿನ ನಿರ್ದೇಶಕರಾದ ಸರಸ್ವತಿ, ಬಿ.ಕೆ.ಆರಾಧ್ಯ, ಸಂಜು, ಕೀರ್ತಿ, ಕುಮಾರ, ಅಭಿಜಿತ್, ನಾಗಶೆಟ್ಟಿ, ಹನುಮಂತ ನಾಯಕ ಇದ್ದರು.