ಗ್ರಾಮದ ನಿವಾಸಿ ಜಿತೇಂದ್ರ ಗಾಯಗೊಂಡವ. ಗ್ರಾಮದಲ್ಲಿ ಹುಚ್ಚು ನಾಯಿ ಕಾಟ ಹೆಚ್ಚಾಗಿದ್ದು, 15 ದಿನಗಳ ಹಿಂದೆ ಬಾಬು, ನಾಗನಾಯಕ, ನಂಜುಂಡಯ್ಯ ಸೇರಿದಂತೆ 15 ಕ್ಕೂ ಹೆಚ್ಚು ಜನರನ್ನು ಕಡಿದು ಗಾಯಗೊಳಿಸಿತ್ತು. ಅಲ್ಲದೆ 5 ಕರುಗಳಿಗೂ ಕೂಡ ಕಚ್ಚಿ ಗಾಯಗೊಳಿಸಿತ್ತು. ಈಗ ಮತ್ತೆ ಈ ಘಟನೆ ಮರುಕಳಿಸಿದ್ದು ಗ್ರಾಮಸ್ಥರಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ. ವೃದ್ಧರು ಹಾಗೂ ಮಕ್ಕಳು ಗ್ರಾಮದಲ್ಲಿ ಓಡಾಡುವುದು ಕಷ್ಟವಾಗಿದೆ. ಗ್ರಾಮ ಪಂಚಾಯಿತಿಗೆ ಈ ಬಗ್ಗೆ ಹಲವು ಬಾರಿ ದೂರು ನೀಡಿದ್ದರೂ ಸೆರೆಹಿಡಿಯುವಲ್ಲಿ ನಿರ್ಲಕ್ಷ್ಯ ವಹಿಸಿದೆ. ಈಗ ಬಿರು ಬೇಸಿಗೆಯಾಗಿದ್ದು ನಾಯಿ ಕಡಿತದಿಂದ ರೋಗ ಭೀತಿ ಹೆಚ್ಚಾಗುವ ಆತಂಕವಿದೆ. ಕೂಡಲೇ ಸಂಬಂಧಪಟ್ಟವರು ಈ ಬಗ್ಗೆ ಕ್ರಮ ವಹಿಸಬೇಕು ಎಂಬುದು ಗ್ರಾಮಸ್ಥರ ಆಗ್ರಹವಾಗಿದೆ.
