25 ವರ್ಷಗಳ ಸಮಸ್ಯೆ: ಪಟ್ಟಣದ ನ್ಯಾಯಾಲಯ ಮುಖ್ಯ ರಸ್ತೆಯಲ್ಲಿರುವ ಎಚ್.ನಾಗಪ್ಪ ಬಡಾವಣೆ, ಪೊಲೀಸ್ ಕ್ವಾರ್ಟರ್ಸ್ ಹಾಗೂ ಅರಣ್ಯ ಇಲಾಖೆ ಕ್ವಾರ್ಟರ್ಸ್ನಲ್ಲಿ ಯುಜಿಡಿ ಸಂಪರ್ಕವಿಲ್ಲದೆ ಸಮಸ್ಯೆ ಆಗಿರುವ ಬಗ್ಗೆ ನಗರಸಭೆ ಅಧಿಕಾರಿಗಳಿಂದ ಡಿಸಿ ಮಾಹಿತಿ ಪಡೆದರು. 25 ವರ್ಷದಿಂದ ಈ ಬಡಾವಣೆಯಲ್ಲಿ ವಾಸವಿದ್ದೇವೆ. ಶೌಚಗೃಹ ನೀರಿಗೆ ಯುಜಿಡಿ ಸಂಪರ್ಕವಿಲ್ಲ. ನಗರಸಭೆಯಿಂದ ರಸ್ತೆ ಮಾಡಲಾಗಿದೆ. ಮುಂದೆ ಹೋಗಲು ಸ್ಥಳವಿಲ್ಲದೆ ಕಲುಷಿತ ನೀರು ಬಡಾವಣೆಯಲ್ಲಿಯೇ ಉಳಿಯುತ್ತಿದೆ. ಗಬ್ಬು ನಾರುವ ವಾತಾವರಣದಲ್ಲಿಯೇ ಜೀವಿಸುತ್ತಿದ್ದೇವೆ ಎಂದು ಎಚ್.ನಾಗಪ್ಪ ಬಡಾವಣೆ ನಿವಾಸಿ ರಾಚಪ್ಪ ಅಳಲು ತೋಡಿಕೊಂಡರು. ಇದಕ್ಕೆ ಪ್ರತಿಕ್ರಿಯಿಸಿದ ಡಿಸಿ ಶ್ರೀರೂಪಾ, ಪೊಲೀಸ್, ಅರಣ್ಯ ಇಲಾಖೆ ಕ್ವಾರ್ಟರ್ಸ್, ನಾಗಪ್ಪ ಬಡಾವಣೆ ಮನೆಗಳ ಶೌಚಗೃಹ, ಚರಂಡಿ ನೀರು ಹೊರ ಹೋಗುವಂತೆ ಪೈಪ್ಲೈನ್ ಕಾಮಗಾರಿ, ಯುಜಿಡಿ ಕಾಮಗಾರಿ ನಡೆಸಲು ಯೋಜನೆ ರೂಪಿಸಬೇಕೆಂದು ಸಂಬಂಧಪಟ್ಟವರಿಗೆ ಸೂಚಿಸಿದರು.
