ಪರಿಸರ ಇಲ್ಲದ ಬದುಕು ಅಸಾಧ್ಯ

ಕೊಳ್ಳೇಗಾಲ:

ಪರಿಸರ ದಿನದ ಪ್ರಯುಕ್ತ ಪಟ್ಟಣದ ಎಂಜಿಎಸ್‌ವಿ ಜೂನಿಯರ್ ಕಾಲೇಜು ಎದುರು ರಸ್ತೆ ಬದಿಯಲ್ಲಿ ಇತ್ತೀಚೆಗೆ ಲಯನ್ಸ್ ಕ್ಲಬ್ ಪದಾಧಿಕಾರಿಗಳು ಸಸಿಗಳನ್ನು ನೆಟ್ಟರು.

ಸಸಿ ನೆಡುವುದಕ್ಕೆ ಕ್ಲಬ್ ಅಧ್ಯಕ್ಷ ಬಿ.ಎಂ.ಪುಟ್ಟಮಾದಪ್ಪ ಚಾಲನೆ ನೀಡಿದರು. ಬ್ರಹ್ಮಾಕುಮಾರಿ ಈಶ್ವರೀಯ ವಿಶ್ವವಿದ್ಯಾಲಯದ ರಾಜಯೋಗಿನಿ ಬಿ.ಕೆ.ಶಿವಮಣಿ ಮಾತನಾಡಿ, ಪರಿಸರ ಇಲ್ಲದ ಬದುಕನ್ನು ಊಹೆ ಮಾಡಿಕೊಳ್ಳುವುದೂ ಅಸಾಧ್ಯ. ಹೀಗಾಗಿ ಪ್ರಕೃತಿ ರಕ್ಷಣೆ ಪ್ರತಿಯೊಬ್ಬರಿಗೂ ಮುಖ್ಯವಾಗಬೇಕು ಎಂದು ತಿಳಿಸಿದರು.

ಲಯನ್ಸ್ ಸಂಸ್ಥೆ ಸದಸ್ಯ ಚನ್ನಮಾದೇಗೌಡ, ಜಿ.ಎಸ್.ಎಂ.ಪ್ರಸಾದ್, ಕಾರ್ಯದರ್ಶಿ ಎಸ್.ನಾಗರಾಜು, ನಾಗಬಸವಲಿಂಗಪ್ಪ, ಪಿ.ಮಂಜುನಾಥ್, ಜಯಪ್ರಕಾಶ್ ನಾರಾಯಣ್, ವೆಂಕಟೇಶ್ ಬಾಬು, ನವೀನ್‌ಗೌಡ, ಟಿ.ಎನ್.ಸತ್ಯನಾರಾಯಣ ಶೆಟ್ಟಿ, ಜಗದೀಶ್ ಕುಮಾರ್, ಆನಂದರಾಮ ಶೆಟ್ಟಿ, ಎ.ಟಿ,ವಿಶ್ವನಾಥ್, ಎಸ್.ಸುಂದ್ರಪ್ಪ, ಮಾಜಿ ಅಧ್ಯಕ್ಷ ಪಿ.ಮಾದೇಶ್, ಮಹಿಳಾ ಸದಸ್ಯರಾದ ಗುಣರತ್ನಾ, ಎನ್ ಪಲ್ಲವಿ, ಜಿ.ಹರ್ಷಾ ಇತರರು ಇದ್ದರು.