ಸೇವಾ ಕಾರ್ಯದಲ್ಲಿ ಪ್ರಾಮಾಣಿಕತೆ ಮುಖ್ಯ

ಇತ್ತೀಚೆಗೆ ಪಟ್ಟಣದ ಶಂಕರ ಸಭಾ ಭವನದಲ್ಲಿ ಆಯೋಜಿಸಿದ್ದ ರೋಟರಿ ಸಂಸ್ಥೆ ಯಳಂದೂರು ಗ್ರೀನ್ ವೇ ಸಂಸ್ಥೆಯ ನೂತನ ಪದಾಧಿಕಾರಿಗಳಿಗೆ ಪದವಿ ಪ್ರದಾನ ಸಮಾರಂಭದಲ್ಲಿ ಭಾಗವಹಿಸಿ ಮಾತನಾಡಿದರು.

ರೋಟರಿ ಸಂಸ್ಥೆಯು ಜಾಗತಿಕ ಮಟ್ಟದಲ್ಲಿ ಸೇವೆ ಸಲ್ಲಿಸುವ ದೊಡ್ಡ ಸಂಸ್ಥೆಯಾಗಿದೆ. ಪೊಲೀಯೋ ನಿರ್ಮೂಲನೆಗಾಗಿ ನಮ್ಮ ಸಂಸ್ಥೆ ವಿಶ್ವಸಂಸ್ಥೆಯೊಂದಿಗೆ ಸಹಕರಿಸುತ್ತಿದೆ. ಇದನ್ನು ವಿಶ್ವದಿಂದ ನಿರ್ಮೂಲನೆ ಮಾಡಲು ಪಣತೊಟ್ಟಿದ್ದು ಈಗಾಗಲೇ ಇದರಲ್ಲಿ ಯಶಸ್ವಿಯೂ ಆಗಿದೆ. ಅಲ್ಲದೆ ಆರೋಗ್ಯ, ಶಿಕ್ಷಣ, ಜಾಗತಿಕ ತಾಪಮಾನ ಹೆಚ್ಚಳದಂತಹ ಕ್ಷೇತ್ರಗಳಲ್ಲೂ ಗಮನಾರ್ಹ ಕೆಲಸ ಮಾಡುತ್ತಿದೆ. ಕೋಟ್ಯಂತರ ರೂ.ಗಳನ್ನು ವಾರ್ಷಿಕವಾಗಿ ಸಂಘದ ಸದಸ್ಯರಿಂದ ದೇಣಿಗೆಯಾಗಿ ಸಂಗ್ರಹಿಸಿ ಇದನ್ನು ಸಮಾಜ ಸೇವೆಗೆ ಬಳಸಿಕೊಳ್ಳುತ್ತಿರುವುದು ನಮ್ಮ ಸಂಸ್ಥೆಯ ಹೆಮ್ಮೆಯಾಗಿದೆ. ಈ ನಿಟ್ಟಿನಲ್ಲಿ ನೂತನವಾಗಿ ಪದ ಗ್ರಹಣ ಮಾಡುತ್ತಿರುವ ಅಧ್ಯಕ್ಷರು, ಕಾರ್ಯದರ್ಶಿ ಸೇರಿದಂತೆ ಪ್ರತಿಯೊಬ್ಬರೂ ಕೂಡ ತಮ್ಮ ಸೇವೆಯನ್ನು ಪ್ರಮಾಣಿಕವಾಗಿ ಸಲ್ಲಿಸಬೇಕು ಎಂದು ಸಲಹೆ ನೀಡಿದರು.

ಈ ಸಂದರ್ಭದಲ್ಲಿ ನೂತನ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ ಎಂ.ಎಸ್.ರಿತೇಶ್ ಮಾತನಾಡಿದರು. ನೂತನ ಕಾರ್ಯದರ್ಶಿ ವೈ.ಕೆ.ಮೋಳೆ ನಾಗರಾಜು ಅಧಿಕಾರ ಸ್ವೀಕರಿಸಿ ಮಾತನಾಡಿದರು.

ಈ ಸಂದರ್ಭದಲ್ಲಿ ಸಹಾಯಕ ವಲಯ ಪ್ರಾಂತಪಾಲ ವೈ.ಎಚ್. ಹನುಮಂತೇಗೌಡ, ಆರ್.ದಕ್ಷಿಣ ಮೂರ್ತಿ, ವೈ.ಜಿ.ನಿರಂಜನಸ್ವಾಮಿ, ಸಿ.ಪುಟ್ಟರಾಜು, ವೈ.ಬಿ.ನಟರಾಜು, ಎನ್.ಶಿವಕುಮಾರ್, ಆರ್.ಬಂಗಾರಸ್ವಾಮಿ, ಎಸ್.ಮಹಾದೇವ, ಎಸ್.ರವಿ, ಎಂ.ದೇವರಾಜು, ಎಂ. ನಟರಾಜು, ಬಿ.ಟಿ.ಶ್ರೀನಿವಾಸ್, ಅನಿಲ್‌ಕುಮಾರ್, ಡಾ.ಸಾಗರ್, ವೈ.ಡಿ.ಸೂರ್ಯನಾರಾಯಣ, ಕೃಷ್ಣಪುರ ದೇವರಾಜು, ಮಹೇಂದ್ರ, ಚಂದ್ರಮೌಳಿ ಇತರರು ಇದ್ದರು.