ಪೊನ್ನಾಚಿ ಶ್ರೀ ವೀರೇಶ್ವರ ತಂಡಕ್ಕೆ ಪ್ರಥಮ ಸ್ಥಾನ

ಪಂದ್ಯಾವಳಿಯಲ್ಲಿ ಮರೂರು ಸೇರಿದಂತೆ ಪೊನ್ನಾಚಿ ಅಸ್ತೂರು, ದಂಟಳ್ಳಿ, ಕೋಣನಕೆರೆ, ರಾಮೇಗೌಡನಹಳ್ಳಿ, ಚಿಕ್ಕ ಮರೂರು, ಹಾಗೂ ಜಯಮ್ಮನ ದೊಡ್ಡಿಯಿಂದ 9 ತಂಡಗಳು ಭಾಗವಹಿಸಿದ್ದವು. ಫೈನಲ್ ಪಂದ್ಯದಲ್ಲಿ ರಾಮೇಗೌಡನಹಳ್ಳಿ ಹಾಗೂ ಪೊನ್ನಾಚಿ ಶ್ರೀ ವೀರೇಶ್ವರ ತಂಡಗಳು ಸೆಣಸಾಟ ನಡೆಸಿದವು. 5 ಓವರ್‌ಗೆ ನಿಗಧಿಪಡಿಸಿದ್ದ ಈ ಪಂದ್ಯದಲ್ಲಿ ರಾಮೇಗೌಡನಹಳ್ಳಿ ತಂಡ 6 ವಿಕೆಟ್‌ಗೆ 28 ರನ್ ಪಡೆದರೆ, ಶ್ರೀ ವೀರೇಶ್ವರ ತಂಡ 4 ವಿಕೆಟ್‌ಗೆ 29 ರನ್ ಗಳಿಸುವುದರ ಮೂಲಕ ಪ್ರಥಮ ಸ್ಥಾನ ಪಡೆಯಿತು. ಪ್ರಥಮ ಹಾಗೂ ದ್ವಿತೀಯ ಬಹುಮಾನವಾಗಿ ಆಕರ್ಷಕ ಟ್ರೋಪಿ ಹಾಗೂ ನಗದನ್ನು ವಿತರಿಸಲಾಯಿತು.