ಮಹಿಳೆಯರ ಜೀವನೋಪಾಯಕ್ಕೆ ‘ಚಾಮರಸಿ’

ಬಾಳೆ ದಿಂಡಿನ ನಾರಿನಿಂದ ಕರಕುಶಲ ವಸ್ತುಗಳನ್ನು ತಯಾರಿಸುವ ತರಬೇತಿಯಲ್ಲಿ ಮಹಿಳೆಯರು ಭಾಗವಹಿಸಿರುವುದು.

ಜಿಲ್ಲಾಡಳಿತ ವಿವಿಧ ಸಂಘ-ಸಂಸ್ಥೆಗಳ ಸಹಯೋಗದಲ್ಲಿ ರೂಪಿಸಿರುವ ವಿನೂತನ ಕಾರ್ಯಕ್ರಮವೇ ಈ ಚಾಮರಸಿ. ಸ್ಥಳೀಯವಾಗಿ ಸಿಗುವ ವಸ್ತುಗಳನ್ನು ಬಳಸಿಕೊಂಡು ಮಹಿಳೆಯರಿಗೆ ಕರಕುಶಲ ವಸ್ತುಗಳನ್ನು ತಯಾರಿಸಲು ತರಬೇತಿ ನೀಡಿ, ಮಾರುಕಟ್ಟೆ ಒದಗಿಸಿಕೊಡಲು ಸೃಷ್ಟಿಯಾಗಿರುವ ಬ್ರ್ಯಾಂಡ್ ಹೆಸರೇ ಚಾಮರಸಿ. ಸೀಯರ ಆರ್ಥಿಕ ಸ್ವಾವಲಂಬನೆಯ ಮೇಲೆ ಸಮಾಜದ ಪ್ರಗತಿ ಅಡಗಿದ್ದು, ಚಾಮರಸಿ ಬ್ರ್ಯಾಂಡ್ ಮಹಿಳಾ ಉದ್ಯಮಶೀಲತೆಯನ್ನು ಬೆಂಬಲಿಸುವ ಮಹತ್ವದ ಕಾರ್ಯಕ್ರಮವಾಗಿದೆ. ಇದಕ್ಕೆ ರೋಟರಿ ಸಂಸ್ಥೆ, ಸ್ನೇಹಜ್ಯೋತಿ ಮಹಿಳಾ ಸಂಘ, ಸಂಪೂರ್ಣ ನಯನ ೌಂಡೇಶನ್ ಸಹಕಾರ ನೀಡುತ್ತಿದೆ.

ಬಾಳೆ ದಿಂಡು, ರೇಷ್ಮೆ ಗೂಡಿನಲ್ಲಿ ಅರಳುವ ‘ಚಾಮರಸಿ’: ಮಾ.8ರಂದು ತಾಲೂಕಿನ ಉಡಿಗಾಲ ಗ್ರಾಮದಲ್ಲಿ ಆಚರಣೆ ಮಾಡಿದ ವಿಶ್ವ ಮಹಿಳಾ ದಿನದಂದು ಚಾಮರಸಿ ಉದ್ಘಾಟನೆ ಭಾಗ್ಯ ಕಂಡಿತು. ಈ ಕಾರ್ಯಕ್ರಮವನ್ನು ಸಿಎಸ್‌ಆರ್ ಸಂಯೋಜಕಿ ರಕ್ಷಿತಾ ನಾಯಕ್ ಮೇಲ್ವಿಚಾರಣೆ ಮಾಡುತ್ತಿದ್ದಾರೆ. ಉಡಿಗಾಲದ ಸಂಪೂರ್ಣ ನಯನ ೌಂಡೇಶನ್ ಆವರಣದಲ್ಲಿ 20 ಮಹಿಳೆಯರಿಗೆ ಬಾಳೆ ದಿಂಡಿನ ನಾರಿನಿಂದ ೈಲ್, ಬ್ಯಾಗ್, ಗ್‌ಟಿ ಐಟಂ ಇತರೆ ಕರಕುಶಲ ವಸ್ತುಗಳನ್ನು ತಯಾರಿಸಲು ತರಬೇತಿ ನೀಡಲಾಗುತ್ತಿದೆ. ಆನೆಗುಂದಿಯ ಸಂಪನ್ಮೂಲ ವ್ಯಕ್ತಿಗಳು ಮಹಿಳೆಯರಿಗೆ ಕೌಶಲ್ಯ ಕಲಿಸುತ್ತಿದ್ದಾರೆ.

ಇನ್ನು ರೇಷ್ಮೆ ಗೂಡುಗಳಿಂದ ಅಲಂಕಾರಿಕ ಹೂಗಳು, ಹೂವಿನ ಬೊಕ್ಕೆ ತಯಾರು ಮಾಡುವ ತರಬೇತಿಯನ್ನು ಏಪ್ರಿಲ್‌ನಿಂದ ಗುಂಡ್ಲುಪೇಟೆಯಲ್ಲಿ ಶುರು ಮಾಡಲಾಗುತ್ತಿದೆ. ರಾಜ್ಯ ರೇಷ್ಮೆ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯಿಂದ ಮೂವರು ಸಂಪನ್ಮೂಲ ವ್ಯಕ್ತಿಗಳು ಆಗಮಿಸಿ ರೇಷ್ಮೆ ಗೂಡಿನಿಂದ ಅಲಂಕಾರಿಕ ಹೂ, ಹೂವಿನ ಬೊಕ್ಕೆ ಮತ್ತು ವಿವಿಧ ಕರಕುಶಲ ವಸ್ತುಗಳನ್ನು ಸಿದ್ಧಪಡಿಸುವುದನ್ನು ಹೇಳಿಕೊಡಲಿದ್ದಾರೆ. ಜಿಲ್ಲೆಯ ಅರಣ್ಯದ ಗಿರಿಜನ ಮಹಿಳೆಯರು ಲಂಟಾನದಿಂದ ಕರಕುಶಲ ವಸ್ತುಗಳನ್ನು ತಯಾರಿಸುತ್ತಿದ್ದಾರೆ. ಈ ವಸ್ತುಗಳನ್ನು ಚಾಮರಸಿ ಬ್ರ್ಯಾಂಡ್ ಮೂಲಕ ಮಾರಾಟ ಮಾಡಲು ಮಾರುಕಟ್ಟೆ ಒದಗಿಸಲಾಗುತ್ತಿದೆ.

ಚಾಮರಸಿ ವತಿಯಿಂದ ನೀಡುತ್ತಿರುವ ತರಬೇತಿ ಕೇವಲ ತರಬೇತಿಯಾಗದೆ ಕಸದಿಂದ ರಸ ತಯಾರಿಸುವ ಕಲೆಗಾರಿಕೆಯೂ ಆಗಿದೆ. ತ್ಯಾಜ್ಯದಿಂದ ತಾಜಾತನ ಅರಳುವ ಕುಸುರಿ ಕೆಲಸವೂ ಆಗಿದೆ. ಬಾಳೆ ಬೆಳೆದ ಮೇಲೆ ದಿಂಡನ್ನು ಕತ್ತರಿಸಿ ಬಿಸಾಡಲಾಗುತ್ತದೆ. ಆದರೆ ಈ ದಿಂಡಿನಿಂದ ನಾರು ತೆಗೆದು ಕರಕುಶಲ ವಸ್ತು ಸಿದ್ಧಪಡಿಸುವುದನ್ನು ಕಲಿಸಲಾಗುತ್ತಿದೆ. ಬಾಳೆ ದಿಂಡಿನ ನಾರಿನಿಂದ ಕರಕುಶಲ ವಸ್ತು ತಯಾರಿಸುವುದು, ಪೊಟ್ಯಾಷ್ ಉತ್ಪಾದಿಸುವ ಮೂಲಕ ಉಮ್ಮತ್ತೂರಿನ ರೈತ ಮಹಿಳೆ ವರ್ಷಾ ಪ್ರಧಾನ ಮಂತ್ರಿ ನರೇಂದ್ರಮೋದಿ ಅವರ ಗಮನ ಸೆಳೆದಿದ್ದರು. ಇವರ ಕಾರ್ಯದ ಕುರಿತು ಮನ್ ಕಿ ಬಾನ್‌ನಲ್ಲಿ ಪಿಎಂ ಮಾತನಾಡಿ ಶ್ಲಾಸಿದ್ದರು. ಹಾಗೆ ನೋಡಿದರೆ, ಜಿಲ್ಲೆಯ ಪ್ರಮುಖ ಬೆಳೆಯಾಗಿರುವ ಬಾಳೆಯಿಂದ ಲ, ಇದರ ದಿಂಡಿನಿಂದ ಕರಕುಶಲ ವಸ್ತು ತಯಾರು ಮಾಡುವುದನ್ನು ಪರಿಚಯ ಮಾಡಿಕೊಟ್ಟ ಹೆಗ್ಗಳಿಕೆ ಜಿಲ್ಲೆಗೆ ಇದೆ. ಈಗ ಇನ್ನು ಇತರೆ ಮಹಿಳೆಯರಿಗೂ ಕಲಿಸಲು ತರಬೇತಿ ನೀಡುತ್ತಿರುವುದು ಉತ್ತಮ ವಿಚಾರ. ಹಾಳಾದ ರೇಷ್ಮೆ ಗೂಡು ಬಳಸಿಕೊಂಡು ಹೂ, ಹೂವಿನ ಬೊಕ್ಕೆ ಸೃಷ್ಟಿಸುವುದನ್ನು ಕಲಿಸಲಾಗುತ್ತದೆ. ಇನ್ನು ಲಂಟಾನಾ ಕಾಡಿನ ಪಾಲಿಗೆ ಕಂಟಕವಾಗಿದೆ. ಬೇರೆ ಸಸ್ಯವರ್ಗಗಳ ಬೆಳವಣಿಗೆಗೆ ಮಾರಕವಾಗಿದೆ. ಇದನ್ನು ತೆರೆವುಗೊಳಿಸಿ ಕರಕುಶಲ ವಸ್ತುವಾಗಿ ಸಿದ್ಧಪಡಿಸುವುದು ಕಸದಿಂದ ರಸ ತಯಾರು ಮಾಡಿದಂತೆಯೇ ಸರಿ. ಇನ್ನು ಈ ವಸ್ತುಗಳು ಪರಿಸರ ಸ್ನೇಹಿಯಾಗಿವೆ.

ಚಾಮರಸ ‘ಪ್ರಭುಲಿಂಗಲೀಲೆ’ ಬರೆದ ಕನ್ನಡದ ಪ್ರಸಿದ್ಧ ಕವಿ. ಈ ಹೆಸರನ್ನು ನೆನಪಿಸುವ ಚಾಮರಸಿ ಎಂದರೆ ‘ಚಾಮರಾಜನಗರದ ಅರಸಿಯರು’ ಎಂದರ್ಥ. ಈ ಬ್ರ್ಯಾಂಡ್‌ಗೆ ಈ ಹೆಸರನ್ನು ಇಟ್ಟಿರುವುದರ ಹಿಂದಿರುವ ವಿಶೇಷತೆ ಗಮನ ಸೆಳೆಯುತ್ತದೆ. ಮಹಿಳೆಯರು ಉದ್ಯಮಿಗಳಾಗಿ ರೂಪಗೊಳ್ಳಲು ಕಾರಣವಾಗುವ ಚಾಮರಸಿ ಬ್ರ್ಯಾಂಡ್ ಆರ್ಥಿಕ ಸ್ವಾವಲಂಬನೆಯ ಸಂಕೇತದಂತಿದೆ. ಈ ಬ್ರ್ಯಾಂಡ್‌ಗೆ ಲೋಗೋ ಕೂಡ ಸಿದ್ಧಪಡಿಸಲಾಗಿದೆ.

ಚಾಮರಸಿಗೆ ಮಾರುಕಟ್ಟೆ:

ಮಹಿಳೆಯರಿಗೆ ಕರಕುಶಲ ವಸ್ತುಗಳನ್ನು ತಯಾರಿಸುವುದನ್ನು ಮಾತ್ರ ಕಲಿಸಿದರೆ ಕಾರ್ಯಕ್ರಮ ಯಶಸ್ವಿಯಾಗುವುದಿಲ್ಲ. ವಸ್ತುಗಳಿಗೆ ಮಾರುಕಟ್ಟೆ ಒದಗಿಸಿಕೊಡುವುದು ಮುಖ್ಯ. ಈ ಪ್ರಮುಖ ಕಾರಣಕ್ಕಾಗಿಯೇ ಚಾಮರಸಿ ಬ್ರ್ಯಾಂಡ್ ಕೆಲಸ ಮಾಡಲಿದೆ. ಆನ್‌ಲೈನ್ ವೇದಿಕೆ, ಬೇಡಿಕೆ ಇರುವ ರಾಜ್ಯ, ಜಿಲ್ಲೆಗಳಿಗೆ ಮಾರಾಟ ಮಾಡಲು ಮಾರ್ಕೆಟಿಂಗ್ ಮಾಡಲಾಗುತ್ತದೆ. ಬಾಳೆದಿಂಡಿನ ನಾರಿನಿಂದ ತಯಾರಿಸುವ ೈಲ್‌ಗಳನ್ನು ವಿಶ್ವವಿದ್ಯಾಲಯಗಳು ಖರೀದಿ ಮಾಡಲು ಮಾರ್ಕೆಟಿಂಗ್ ಮಾಡಲಾಗಿದೆ. ಚಾಮರಾಜನಗರ ಜಿಲ್ಲಾಡಳಿತವೂ ಬಳಕೆ ಮಾಡಲಿದೆ. ಅಲ್ಲದೇ, ಜಿಲ್ಲಾಡಳಿತ ಭವನದಲ್ಲಿ ಒಂದು ಮಳಿಗೆ ತೆರೆಯುವ ಉದ್ದೇಶವೂ ಇದೆ. ಇದಲ್ಲಿ ಚಾಮರಸಿ ಬ್ರ್ಯಾಂಡ್‌ನ ಉತ್ಪನ್ನಗಳು ಸಿಗಲಿವೆ. ಒಟ್ಟಾರೆಯಾಗಿ ಚಾಮರಸಿ ಕಾರ್ಯಕ್ರಮ ತರಬೇತಿ ನೀಡುವುದು, ಉತ್ಪನ್ನಕ್ಕೆ ಮಾರುಕಟ್ಟೆ ಒದಗಿಸುವುದು ಮತ್ತು ತರಬೇತಿ ಪಡೆದವರಿಂದ ಮತ್ತೊಬ್ಬರಿಗೆ ತರಬೇತಿ ಕೊಡುಸುವುದಾಗಿದೆ.

ಕೃಷಿ ಪ್ರಧಾನ ಜಿಲ್ಲೆ ಚಾಮರಾಜನಗರ. ವ್ಯವಸಾಯದಲ್ಲಿ ಮಹಿಳೆಯರ ಪಾತ್ರ ಮಹತ್ವ ಕಳೆದುಕೊಂಡು ಕೂಲಿಗೆ ಸೀಮಿತವಾಗುತ್ತಿದೆ. ಸರ್ಕಾರಿ ವಲಯವನ್ನು ಹೊರತು ಪಡಿಸಿ ನೋಡುವುದಾದರೆ ್ಯಾಕ್ಟರಿಗಳು, ಖಾಸಗಿ ಕಂಪನಿಗಳು ಮತ್ತು ಇತರೆ ಕಡೆಗಳಲ್ಲಿ ಮಹಿಳೆಯರು ಉದ್ಯೋಗ ಮಾಡುತ್ತಿದ್ದಾರೆ. ಗ್ರಾಮೀಣ ಭಾಗದಲ್ಲಿ ಕೃಷಿ ಕೂಲಿ, ಹೈನುಗಾರಿಕೆಯಲ್ಲಿ ತೊಡಗಿದ್ದಾರೆ.

ಸಣ್ಣಪುಟ್ಟ ವ್ಯಾಪಾರ ವಹಿವಾಟುಗಳು ಇವರ ಬದುಕಿಗೆ ದಾರಿ ಮಾಡಿಕೊಟ್ಟಿವೆ. ಕೌಶಲ್ಯ ತರಬೇತಿ ಕೊಟ್ಟು ಮಾರುಕಟ್ಟೆ ಒದಗಿಸಿಕೊಡುವ ಚಾಮರಸಿ ಕಾರ್ಯಕ್ರಮ ಒಂದು ಕುಟುಂಬದ ಆದಾಯ ಹೆಚ್ಚಳ ಮಾಡಬಲ್ಲದು. ಆರ್ಥಿಕವಾಗಿ ಇತರರನ್ನು ಅವಲಂಬಿಸಿರುವ ಮಹಿಳೆಯರು ಕೊನೆ ಪಕ್ಷ ತಮಗೆ ತಾವು ಸಹಾಯ ಮಾಡಿಕೊಳ್ಳುವಷ್ಟು ಸಬಲರಾದರೂ ಚಾಮರಸಿ ಕಾರ್ಯಕ್ರಮ ಗೆಲ್ಲುತ್ತದೆ.

ಮುಂದಿನ ದಿನಗಳಲ್ಲಿ ಚಾಮರಸಿ ಕಾರ್ಯಕ್ರಮದ ಮೂಲಕ ತಯಾರಿಸುವ ಕರಕುಶಲ ವಸ್ತುಗಳಿಗೆ ಭೌಗೋಳಿಕ ಸೂಚಕ ಸ್ಥಾನಮಾನ (ಜಿಐ ಟ್ಯಾಗ್) ಕೊಡಿಸಬೇಕೆಂಬ ಚಿಂತನೆ ಜಿಲ್ಲಾಡಳಿತಕ್ಕಿದೆ. ಒಂದು ಉತ್ಪನ್ನದ ಭೌಗೋಳಿಕ ವಿಶೇಷತೆಯನ್ನು ಮಾನ್ಯ ಮಾಡಲು ಜಿಐ ಟ್ಯಾಗ್ ನೀಡಲಾಗುತ್ತದೆ. ದೇಶದಲ್ಲಿ 400ಕ್ಕೂ ಹೆಚ್ಚು ಉತ್ಪನ್ನಗಳಿಗೆ ಜಿಐ ಟ್ಯಾಗ್ ನೀಡಲಾಗಿದೆ. ದಕ್ಷಿಣ ಭಾರತದಲ್ಲಿ ರಾಜ್ಯಗಳು ಅಧಿಕ ಜಿಐ ಟ್ಯಾಗ್ ಪಡೆದ ಉತ್ಪನ್ನಗಳನ್ನು ಹೊಂದಿವೆ. ಜಿಐ ಟ್ಯಾಗ್ ವಿಷಯ ಬಂದಾಗ, ಹನೂರು ತಾಲೂಕಿನ ಮಹದೇಶ್ವರ ಬೆಟ್ಟದಲ್ಲಿ ಬೆಳೆಯುವ ದೊಡ್ಡ ರಾಗಿಗೆ ಜಿಐ ಟ್ಯಾಗ್ ನೀಡಬೇಕೆಂದು ರೈತರು ಒತ್ತಾಯಿಸುತ್ತಲೇ ಇರುವುದನ್ನು ಸ್ಮರಿಸಬಹುದು.

"