ಈ ಮಾರ್ಗವು ಗಾಣಿಗಮಂಗಲಕ್ಕೆ ಸಂಪರ್ಕ ಕಲ್ಪಿಸುವ ಮುಖ್ಯರಸ್ತೆಯಾಗಿದ್ದು, ಕಾವೇರಿ ವನ್ಯಜೀವಿ ಧಾಮದ ಮೂಲಕ ಹಾದುಹೋಗಿದೆ. ಈ ಗ್ರಾಮವು ಕಾಡಂಚಿಗೆ ಹೊಂದಿಕೊಂಡಿದೆ. ಹೆಚ್ಚು ಸ್ಥಳೀಯರೇ ಈ ರಸ್ತೆಯಲ್ಲೇ ಸಂಚರಿಸುತ್ತಾರೆ. ಈ ಅರಣ್ಯ ಪ್ರದೇಶದಲ್ಲಿ ಕಾಡಾನೆಗಳಿದ್ದು, ಒಂಟಿಕಾಡಾನೆ ಆಗಾಗ್ಗೆ ರಸ್ತೆಬದಿ ಕಾಣಿಸಿಕೊಳ್ಳುತ್ತಿತ್ತು. ಕಾಡಾನೆಗಳ ಹಿಂಡು ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರಲಿಲ್ಲ. ಆದರೆ ಸಂಜೆ ಮೂರು ಮರಿ ಆನೆಗಳು ಸೇರಿದಂತೆ 8ಕ್ಕೂ ಹೆಚ್ಚು ಕಾಡಾನೆಗಳ ಹಿಂಡು ಅರಣ್ಯ ಪ್ರದೇಶದಿಂದ ಒಂದಾದರ ಮೇಲೋಂದರಂತೆ ರಸ್ತೆ ಮಧ್ಯಕ್ಕೆ ಬಂದು ಕೆಲಕಾಲ ಅಡ್ಡಲಾಗಿ ನಿಂತಿದ್ದವು. ಇದರಿಂದ ಈ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಸಾರ್ವಜನಿಕರಲ್ಲಿ ಆತಂಕ ಉಂಟು ಮಾಡಿತು. ಕಾಡಾಣೆಗಳ ಹಿಂಡು ಅರಣ್ಯ ಪ್ರದೇಶದೊಳಗೆ ತೆರಳುವುದನ್ನೇ ಕಾದು ನಿಂತಿದ್ದರು. ಆದರೆ ಕಾಡಾನೆಗಳು ಆಚೀಚೆ ದೃಷ್ಟಿಯನ್ನು ಹಾಯಿಸುತ್ತಾ ನಿಂತಲ್ಲೇ ನಿಂತಿದ್ದವು. ಈ ವೇಳೆ ಬೈಕ್ನಲ್ಲಿ ಸಂಚರಿಸುತ್ತಿದ್ದ ಸ್ಥಳೀಯರು ಶಬ್ದ ಮಾಡಿದ ಕೆಲ ಹೊತ್ತಿನ ಬಳಿಕ ಕಾಡಿನತ್ತ ತೆರಳಿದವು. ಈ ದೃಶ್ಯವನ್ನು ಸಾರ್ವಜನಿಕರೊಬ್ಬರೂ ಮೊಬೈಲ್ನಲ್ಲಿ ಸೆರೆ ಹಿಡಿದು ಸಾಮಾಜಿಕಜಾಲ ತಾಣದಲ್ಲಿ ಹರಿಬಿಟ್ಟಿದ್ದಾರೆ.
