ಗುಂಡ್ಲುಪೇಟೆ ತಾಲೂಕಿನ ಮಲ್ಲಯ್ಯನಪುರ ಗ್ರಾಮದವರು ಚಿಕ್ಕಲ್ಲೂರು ದೇಗುಲಕ್ಕೆ ತೆರಳುತ್ತಿದ್ದ ಸಂದರ್ಭ ಈ ದುರ್ಘಟನೆ ನಡೆದಿದೆ. ಬೈಪಾಸ್ ರಸ್ತೆಯಲ್ಲಿ ಇವರು ಗೂಡ್ಸ್ ಆಟೋದಲ್ಲಿ ತೆರಳುತ್ತಿದ್ದ ವೇಳೆ ಹೊನ್ನೂರು ಗ್ರಾಮದಿಂದ ಬಂದ ವಾಹನವನ್ನು ಹಿಂದಿಕ್ಕಲು ವೇಗದ ಚಾಲನೆ ಮಾಡಿದ್ದರಿಂದ ಆಟೋ ಆಯತಪ್ಪಿ ಕೆಳಕ್ಕೆ ಬಿದ್ದಿದೆ. ಆಟೋದಲ್ಲಿದ್ದ ಜ್ಯೋತಿ, ತುಳಸಮ್ಮ, ಮಣಿ, ಲೋಕೇಶ್, ಪಾರ್ವತಮ್ಮ, ತಾಯಮ್ಮ, ರತ್ನಮ್ಮ, ಶೈಲಾ, ಕುಮಾರ್, ನಂಜುಂಡೆಗೌಡ, ಮಾದೇಗೌಡ , ರತ್ನಮ್ಮ ಗಾಯಗೊಂಡಿದ್ದು, ಪಟ್ಟಣದ ತಾಲೂಕು ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಕೊಡಿಸಿ, ಚಾಮರಾಜನಗರ ಸಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಸಂಬಂಧ ಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಮುಂದಿನ ಕ್ರಮ ವಹಿಸಲಾಗಿದೆ.
