ಹಬ್ಬದ ದಿನವೂ ಕುಡಿಯುವ ನೀರಿಗಾಗಿ ಪರದಾಟ

ನಗರಸಭೆ ವ್ಯಾಪ್ತಿಯ 31ನೇ ವಾರ್ಡ್‌ನ ನಿವಾಸಿಗಳು ಬಡಾವಣೆಯ ನೀರಿನ ತೊಂಬೆ ಮುಂಭಾಗ ಜಮಾಯಿಸಿ ಕೆಲಕಾಲ ಪ್ರತಿಭಟನೆ ನಡೆಸಿದರು. ನಗರಸಭೆ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ನಿವಾಸಿ ಗುರುಸಿದ್ದಯ್ಯ ಮಾತನಾಡಿ, ನಮ್ಮ ಬಡಾವಣೆಯಲ್ಲಿ ಒಂದು ಬೋರ್‌ವೆಲ್ ಇದ್ದು, ಅದು ನಾಲ್ಕೂ ದಿನಗಳ ಹಿಂದೆ ಕೆಟ್ಟು ಹೋಗಿದೆ. ಕಾವೇರಿ ನೀರನ್ನು ವಾರಕ್ಕೊಮ್ಮೆ ಮಾತ್ರ ಬಿಡುತ್ತಿದ್ದು, ನೀರಿಗೆ ಹಾಹಾಕಾರ ಉಂಟಾಗಿದೆ. ಮಹಿಳೆಯರು, ಮಕ್ಕಳು ಹಾಗೂ ಹಿರಿಯ ನಾಗರೀಕರು ತುಂಬಾ ತೊಂದರೆ ಅನುಭವಿಸುತ್ತಿದ್ದಾರೆ ಎಂದು ಆರೋಪಿಸಿದರು.

ಪ್ರತಿಭಟನೆಯಲ್ಲಿ ರಾಜೇಶ್ವರಿ, ಮಾದಮ್ಮ, ಕಮಲಮ್ಮ, ತೊಳಸಮ್ಮ, ಕವಿತಾ, ರೋಜಾ, ಪಾರ್ವತಮ್ಮ, ಆಟೋ ಗುರುಸಿದ್ದ, ಚೇತನ್, ಕೇಶವ ಹಾಗೂ ಇತರರು ಭಾಗವಹಿಸಿದ್ದರು.