ಮೊಂಡು ಬಾಲದ ಚಿರತೆ ಚಿತ್ರ ಸೆರೆ

ಈ ಭಾಗದಲ್ಲಿ ನೆಲೆಸಿರುವ ಮೊಂಡು ಬಾಲದ ಭಾರೀ ಗಾತ್ರದ ಚಿರತೆಯೊಂದು ಕೃಷಿ ಚಟುವಟಿಕೆ ನಡೆಸದೆ ಪಾಳು ಬಿದ್ದಿರುವ ಜಮೀನುಗಳಲ್ಲಿ ಬೆಳೆದಿರುವ ಪೊದೆಗಳ ನಡುವೆ ಆಶ್ರಯ ಪಡೆದಿದೆ. ದೂರದಿಂದ ನೋಡಿದರೆ ಹುಲಿಯಂತೆ ಕಾಣುವ ಚಿರತೆಯು ಆಗಾಗ ಸುತ್ತಮುತ್ತಲಿನ ಗ್ರಾಮಗಳ ರೈತರ ಸಾಕುಪ್ರಾಣಿಗಳನ್ನು ಕೊಲ್ಲುತ್ತಿದೆ.

ಡಿ.18ರಂದು ಗ್ರಾಮದ ಮಹದೇವಶೆಟ್ಟಿ ಎಂಬುವರ ಜಮೀನಿನಲ್ಲಿ ಮೇಯುತ್ತಿದ್ದ ಎರಡು ಹಸುಗಳನ್ನು ಕೊಂದುಹಾಕಿತ್ತು. ಮರುದಿನ ಈ ಮಾರ್ಗದಲ್ಲಿ ಕಾರಿನಲ್ಲಿ ಸಂಚರಿಸುತ್ತಿದ್ದ ಸಾರ್ವಜನಿಕರು ಚಿರತೆಯ ವಿಡಿಯೋವನ್ನು ವೈರಲ್ ಮಾಡಿದ್ದಾರೆ. ಜನ-ಜಾನುವಾರುಗಳಿಗೆ ಮಾರಕವಾಗಿರುವ ಚಿರತೆಯನ್ನು ಸೆರೆಹಿಡಿದು ಕಾಡಿಗೆ ಬಿಡುವಂತೆ ಸಾರ್ವಜನಿಕರು ಅರಣ್ಯ ಇಲಾಖೆಯನ್ನು ಒತ್ತಾಯಿಸಿದ್ದಾರೆ.