ಪ್ರತಿ ವರ್ಷ ದೊಡ್ಡ ಜಾತ್ರೆ ಮುಗಿದ 1 ತಿಂಗಳ ನಂತರ ಮೇ 31 ರಿಂದ ಜೂ. 7ರವರಗೆ ರಂಗಪ್ಪನ ತೆಪ್ಪೋತ್ಸವ 7 ದಿನಗಳ ಕಾಲ ಜರುಗಲಿದೆ. ನಂತರ ಕೊನೇ ದಿನ ಮಾತ್ರ ಗಂಗಾಧರೇಶ್ವರ ದೇವರ ಉತ್ಸವ ನೆರವೇರಿಸುವ ಮೂಲಕ ಎಲ್ಲ ಉತ್ಸವಗಳಿಗೆ ನಾಂದಿ ಹಾಡಲಾಗುತ್ತದೆ. ಈ ಸಮಯದಲ್ಲಿ ಬುಡಕಟ್ಟು ಸಮುದಾಯಗಳ ಜನರು ದೇವರಿಗೆ ಮರದ ತೆಪ್ಪವನ್ನು ಸಿದ್ಧಪಡಿಸುವ ಮೂಲಕ ದೇವರ ಉತ್ಸವ ಮೂರ್ತಿಯನ್ನು ದೇವಸ್ಥಾನದಿಂದ ಮೆರವಣಿಗೆ ಮಾಡಿಕೊಂಡು ಸೋಮೇಶ್ವರ ಕೆರೆಯಲ್ಲಿ 8 ದಿನಗಳ ಕಾಲ ವಿವಿಧ ವಿಶೇಷ ಪೂಜೆ, ಜತೆಗೆ ಗೊರುಕನ ನೃತ್ಯ ಮಾಡುವ ಮೂಲಕ ಉತ್ಸವಕ್ಕೆ ಸಾಂಸ್ಕೃತಿಕ ಮೆರಗು ನೀಡುವುದು ವಿಶೇಷವಾಗಿದೆ. ನೂರಾರು ವರ್ಷಗಳಿಂದ ಈ ಸಂಪ್ರದಾಯ ನಡೆದುಕೊಂಡು ಬಂದಿದೆ.
