ಈ ರೀತಿಯ ಪರಿಶೀಲನೆಯ ವೇಳೆ ಐಟಿ ಮತ್ತು ಜಿಎಸ್ಟಿ ತೆರಿಗೆ ಪಾವತಿದಾರಲ್ಲದ 475 ಮಹಿಳೆಯರು ಇದ್ದಾರೆ. ಐಟಿ ಮತ್ತು ಜಿಎಸ್ಟಿ ಎಂದರೇನು ಎಂದು ಗೊತ್ತಿಲ್ಲದೆ ಬ್ಯಾಂಕ್ನಲ್ಲಿ ಸಾಲ ಪಡೆಯುವ ಕಾರಣಕ್ಕೆ ನಡೆಸಿದ ಪ್ರಕ್ರಿಯೆಯಿಂದ ಅನೇಕರು ಐಟಿ, ಜಿಎಸ್ಟಿದಾರರ ಪಟ್ಟಿಗೆ ಸೇರಿದ್ದಾರೆ. ಇಂತಹವರಿಂದ ಗೃಹಲಕ್ಷ್ಮಿ ಯೋಜನೆ ದೂರ ಉಳಿದಿದ್ದು, ಅರ್ಹರಿಗೆ ಹಣ ತಲುಪುತ್ತಿಲ್ಲ. 2 ಸಾವರ ಮಹಿಳೆಯರು ಹೊರಕ್ಕೆ: ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ನೀಡಿರುವ ಮಾಹಿತಿ ಪ್ರಕಾರ, ಜಿಲ್ಲೆಯಲ್ಲಿ 2026ರ ಏಪ್ರಿಲ್ವರೆಗೆ ಒಟ್ಟು 2,80860 ಮಹಿಳೆಯರು ಯೋಜನೆಗೆ ನೊಂದಣಿ ಮಾಡಿಕೊಂಡಿದ್ದಾರೆ. ಚಾಮರಾಜನಗರ ತಾಲೂಕಿನಲ್ಲಿ 98052, ಗುಂಡ್ಲುಪೇಟೆ ತಾಲೂಕಿನಲ್ಲಿ 62595, ಹನೂರು ತಾಲೂಕಿನಲ್ಲಿ 49894, ಕೊಳ್ಳೇಗಾಲ ತಾಲೂಕಿನಲ್ಲಿ 47497, ಯಳಂದೂರು ತಾಲೂಕಿನಲ್ಲಿ 22822 ಲಾನುಭವಿಗಳಿದ್ದಾರೆ. ಯೋಜನೆಯ ಪ್ರಯೋಜನ ಪಡೆಯಲು ಐಟಿ ಮತ್ತು ಜಿಎಸ್ಟಿ ತೆರಿಗೆ ಪಾವತಿದಾರಾಗಿರಬಾರದು. ಈ ರೀತಿಯಲ್ಲಿ ಪತ್ತೆಯಾದ 2038 ಮಹಿಳೆಯರನ್ನು ಯೋಜನೆಯಿಂದ ಕೈಬಿಡಲಾಗಿದೆ. ಚಾಮರಾಜನಗರ ತಾಲೂಕಿನ 700, ಗುಂಡ್ಲುಪೇಟೆ ತಾಲೂಕಿನ 297, ಹನೂರು ತಾಲೂಕಿನ 987, ಕೊಳ್ಳೇಗಾಲ ತಾಲೂಕಿನ 491, ಯಳಂದೂರು ತಾಲೂಕಿನ 161 ಮಹಿಳೆಯರನ್ನು ಅನರ್ಹರು ಎಂದು ಗುರುತಿಸಲಾಗಿದೆ. ಒಟ್ಟು 2038 ಮಹಿಳೆಯರಲ್ಲಿ ಐಟಿ ಮತ್ತು ಜಿಎಸ್ಟಿ ತೆರಿಗೆದಾರರಲ್ಲದ 475 ಮಹಿಳೆಯರೂ ಸೇರಿದ್ದಾರೆ. ಇವರಿಗೆ ಗೃಹಲಕ್ಷ್ಮಿ ಯೋಜನೆ ತಲುಪಿಸುವ ಸಂಬಂಧ ಸೂಕ್ತ ಜಿಲ್ಲಾ ಗ್ಯಾರಂಟಿ ಯೋಜನೆ ಅನುಷ್ಠಾನ ಸಮಿತಿ ದಾಖಲೆಗಳನ್ನು ಪಡೆದುಕೊಂಡು ಕ್ರಮವಹಿಸಿದೆ. ರಾಜ್ಯಮಟ್ಟದಲ್ಲಿ ನಡೆಯುವ ಗ್ಯಾರಂಟಿ ಯೋಜನೆಯ ಸಭೆಯಲ್ಲಿ ಮಹಿಳೆಯರಿಗೆ ಹಣ ಕೊಡಿಸಲು ನಿರ್ಧರ ಮಾಡಲಾಗಿದೆ.
