ಕೃಷಿ ಬೆಳೆಗಳಿಗೆ ಸರಿಯಾದ ಬೆಲೆ ಇಲ್ಲದಿದ್ದರೆ ರೈತ ಸಂಕಷ್ಟಕ್ಕೆ ಸಿಲುಕುತ್ತಾನೆ. ಬೆಳೆ ತೆಗೆಯುವುದಕ್ಕೆ ಮಾಡುವ ಖರ್ಚು ಬಂದರೆ ತೃಪ್ತನಾಗುತ್ತಾನೆ. ರಾಗಿ, ಭತ್ತ, ಕಬ್ಬು, ಕೊಬ್ಬರಿ ಇರಬಹುದು. ನಾವು ಖರ್ಚು ಮಾಡಿದ ದುಡ್ಡು ಹುಟ್ಟುತ್ತಿಲ್ಲ.ಹಾಗಾಗಿ, ಆತ್ಮಹತ್ಯೆ ಮಾಡಿಕೊಳ್ಳುವ ಪ್ರಯತ್ನ ಕ್ಕೆ ರೈತ ಹೋಗುತ್ತಾನೆ. ಕೇಂದ್ರ, ರಾಜ್ಯ ಸರ್ಕಾರ ಅನ್ನದಾತನ ರಕ್ಷಣೆ ಮಾಡಬೇಕು ಎಂದು ತಿಳಿಸಿದರು. ಕೊಬ್ಬರಿಗೆ ಬೆಂಬಲ ಬೆಲೆ ಕೊಡಬೇಕು. 11 ಸಾವಿರ ರೂ., ಕ್ವಿಂಟಾಲ್ ಕೊಬ್ಬರಿಗೆ ಇದೆ. ನಾವು ರಾಜ್ಯ ಸರ್ಕಾರ 1250 ರಿಂದ 1500 ರೂ., ಕೊಡುತ್ತಾ ಇದ್ದೀವಿ. ಇದು ಸಾಕಾಗುತ್ತಾ? ಕನಿಷ್ಟ 18 ಸಾವಿರ ರೂ., ಬೆಂಬಲ ಬೆಲೆ ಹೆಚ್ಚಳ ಮಾಡಬೇಕು.15 ಸಾವಿರ ಕೇಂದ್ರ ಕೊಡಲಿ, 3 ಸಾವಿರ ರಾಜ್ಯ ಕೊಡಲಿದೆ. ಒಟ್ಟು 18ಸಾವಿರ ರೂ., ರೈತನಿಗೆ ಸಿಗಲಿದೆ ಎಂದರು.
