ಇಂತಹ ಕಠಿಣ ನಿಮಯಗಳಿಂದ ಅನಧಿಕೃತ ಕಟ್ಟಡಗಳಿಗೆ ಬ್ರೇಕ್ ಬೀಳಲಿದೆ. ನಗರ ಹಾಗೂ ಗ್ರಾಮೀಣ ಸ್ಥಳಿಯ ಸಂಸ್ಥೆಗಳಾದ ಮಹಾನಗರ ಪಾಲಿಕೆ, ನಗರಸಭೆ, ಪುರಸಭೆ, ಪಟ್ಟಣ ಪಂಚಾಯಿತಿ ಹಾಗೂ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಕಠಿಣ ಕಾನೂನು ಜಾರಿಗೆ ಬಂದಿದೆ. ಇದು ಮನೆ ಹಾಗೂ ಹಲವು ಬಗೆಯ ಕಟ್ಟಡ ನಿರ್ಮಾಣಕ್ಕೆ ಮುಂದಾಗುತ್ತಿರುವವರಿಗೆ ನಿಯಮಗಳ ಜಾಲದಲ್ಲಿ ಬೀಳುವಂತೆ ಮಾಡಿದೆ. ಅದರಲ್ಲೂ ಹೊಸ ಕಟ್ಟಡಗಳ ಜತೆಗೆ ಹಾಲಿ ಕಟ್ಟಡಗಳಿಗೂ ನಿಯಮ ಅನ್ವಯವಾಗಿದೆ. ಮತ್ತೊಂದೆಡೆ, ಕಟ್ಟಡ ಮಾಲೀಕರು ಸಿಸಿ ಮತ್ತು ಒಸಿ ದಾಖಲೆಗಳನ್ನು ಮಾಡಿಸಿಕೊಳ್ಳಲು ಸಾಧ್ಯವಾಗದೆ, ಅನುಮೋದನೆಯೂ ಸಿಗದೆ ಒದ್ದಾಡುತ್ತಿದ್ದು, ಈ ಕಠಿಣ ನಿಯಮಗಳಿಂದಾಗಿ ನಿರ್ಮಾಣ ಕ್ಷೇತ್ರಕ್ಕೆ ತೊಡಕಾಗಿದೆ.
