ಕಾಂಗ್ರೆಸ್​ ವಿರುದ್ಧ ಕೇಸ್ ದಾಖಲು, ಡೋಂಟ್​ ಕೇರ್​ ಎಂದ ಡಿಕೆಶಿ

ಬೆಂಗಳೂರು: ಸೈಕಲ್​ ಜಾಥಾ ನೆಪದಲ್ಲಿ ಸಾರ್ವಜನಿಕರಿಗೆ ಟ್ರಾಫಿಕ್​ ಕಿರಿಕಿರಿ ಉಂಟು ಮಾಡಿದ್ದಲ್ಲದೆ, ಕರೊನಾ ನಿಯಮ ಉಲ್ಲಂಘಿಸಿ ಸಾವಿರಾರು ಸಂಖ್ಯೆಯಲ್ಲಿ ಒಂದೆಡೆ ಸೇರಿದ್ದ ಕಾಂಗ್ರೆಸ್​ ಮುಖಂಡರಿಗೆ ಕಾನೂನಿನ ಬಿಸಿ ಮುಟ್ಟಿಸಲು ಡಿಸಿಪಿ ಚೇತನ್ ಸಿಂಗ್ ರಾಠೋರ್ ಸಜ್ಜಾಗಿದ್ದಾರೆ.

ಪಕ್ಷದ ವಿರುದ್ಧ ಕೇಸ್ ದಾಖಲಾಗುತ್ತಿರುವ ಬಗ್ಗೆ ಪ್ರತಿಕ್ರಿಯಿಸಿರುವ ಕೆಪಿಸಿಸಿ ನಿಯೋಜಿತ ಅಧ್ಯಕ್ಷ ಡಿ.ಕೆ. ಶಿವಕುಮಾರ್, ಎಡಗಡೆಯ ಆಫೀಸು ಏನು ಮಾಡ್ತಿದೆ? ಬಲಗಡೆಯ ಆಫೀಸ್ ಏನು ಮಾಡ್ತಿದೆ ಎಂಬುದು ಗೊತ್ತಿದೆ. ಇವರ ಕೇಸ್​ಗಳಿಗೆ ಹೆದರಿ ಕೂತರೆ ನಾನು ಈ ಸ್ಥಾನಕ್ಕೆ ಅರ್ಹನಾಗುವುದಿಲ್ಲ. ಡಿಸಿಪಿ ಯಾವ ಕೇಸ್ ಬೇಕಾದ್ರೂ ಹಾಕಿಕೊಳ್ಳಲಿ ಎಂದು ಕಿಡಿಕಾರಿದ್ದಾರೆ. ಇದನ್ನೂ ಓದಿರಿ ಕರೊನಾ ಹಾಟ್ ಸ್ಪಾಟ್ ಆಯ್ತು ಕೆಪಿಸಿಸಿ, ಅಂತರವಿಲ್ಲದೆ ಇದೆಂಥಾ ಅವಾಂತರ?

ಸಾಮಾನ್ಯ ಜನರ ಬದುಕು ಉಳಿಸುವ ಕೆಲಸಕ್ಕಾಗಿ ಹೋರಾಡುತ್ತಿದ್ದೇವೆ. ಪೆಟ್ರೋಲ್ ಮತ್ತು ಡಿಸೇಲ್ ಬೆಲೆಯಿಂದಲೇ ಸಾಮಾನ್ಯ ಜನರನ್ನು ಸುಡ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿರುವ ಡಿಕೆಶಿ, ಇಂದಿನ ಪ್ರತಿಭಟನೆ ಕುರಿತಾಗಿ ಯಾವ ಕೇಸ್​ ಬೇಕಾದರೂ ದಾಖಲಿಸಿಕೊಳ್ಳಲಿ ಎಂದಿದ್ದಾರೆ.

'ಕೈ' ಮುಖಂಡರಿಂದಲೇ ರೂಲ್ಸ್​ ಬ್ರೇಕ್​ ಆಗಿರುವ ಬಗ್ಗೆ ಪ್ರತಿಕ್ರಿಯಿಸಿರುವ ಡಿಸಿಪಿ ಚೇತನ್ ಸಿಂಗ್ ರಾಠೋರ್, ಸೈಕಲ್ ಜಾಥಾ ನಡೆಸಲು ಕಾಂಗ್ರೆಸ್ ಕಾರ್ಯದರ್ಶಿಯಿಂದ ಮನವಿ ಬಂದಿತ್ತು. ಈ ಸಮಯದಲ್ಲಿ ಜಾಥಾ ಮಾಡಲು ಅನುಮತಿ ನೀಡಿಲ್ಲ. ಜಾಥಾ ನಡೆಸದಂತೆ ಕಾಂಗ್ರೆಸ್​ಗೆ ನೋಟಿಸ್ ಕೂಡ ನೀಡಲಾಗಿದೆ. ಇದನ್ನು ಉಲ್ಲಂಘಿಸಿ ಜಾಥ ನಡೆಸಿದ್ದಾರೆ. ಈ ಸಂಬಂಧ ಕಾನೂನು ತಜ್ಞರೊಂದಿಗೆ ಚರ್ಚಿಸಿ ಕೇಸ್ ದಾಖಲಿಸುತ್ತೇವೆ ಎಂದು ತಿಳಿದ್ದಾರೆ.

https://www.vijayavani.net/congress-will-protest-today-against-the-state-government/