ಜಗತ್ತಿಗೆ ಶಾಂತಿ ಸಂದೇಶ ಸಾರಿದ ಬುದ್ಧ

* ಜಾನಪದ ಲೋಕದ ಕ್ಯೂರೇಟರ್ ಡಾ. ರವಿ ಅಭಿಪ್ರಾಯ

ರಾಮನಗರ

ಜಗತ್ತಿನ ಬೆಳಕು ಎಂಬ ಅಬಿದಾಮಕ್ಕೆ ಪಾತ್ರನಾದ ಗೌತಮ ಬುದ್ಧ ಶಾಂತಿಯ ನೇತಾರ, ಸತ್ಯ ಅಹಿಂಸೆಯ ಪ್ರತಿರೂಪ, ಜಗತ್ತಿನ ಮೊದಲ ಸಮಾಜ ಸುಧಾರಣೆಯ ಹರಿಕಾರ. ಕ್ರಿ.ಪೂ 6ನೇ ಶತಮಾನದಿಂದಲೇ ಭಾರತದಲ್ಲಿ ಜನಸಾಮಾನ್ಯರ ಆಕರ್ಷಣೆಯ ವ್ಯಕ್ತಿತ್ವ, ಹಾಗಾಗಿ ಬುದ್ಧ ಹುಟ್ಟಿದ ಊರು, ನೆಲೆ ನಿಂತ ಸ್ಥಳ, ಭೇಟಿ ನೀಡಿದ ಹಳ್ಳಿಗಳು, ನಡೆದಾಡಿದ ದಾರಿ ಎಲ್ಲವೂ ಪೂಜನೀಯ ಮತ್ತು ಪವಿತ್ರ ಎಂದು ಜಾನಪದ ಲೋಕದ ಕ್ಯೂರೇಟರ್ ಡಾ. ರವಿ ಅಭಿಪ್ರಾಯಪಟ್ಟರು.

ನಗರದ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಕಚೇರಿಯಲ್ಲಿ  ಹಮ್ಮಿಕೊಂಡಿದ್ದ ಭಗವಾನ್ ಬುದ್ಧರ ಜಯಂತಿ ಕಾರ್ಯಕ್ರಮದಲ್ಲಿ ಉಪನ್ಯಾಸ ನೀಡಿದರು.

ಭಗವಾನ್ ಬುದ್ಧರು ಹುಟ್ಟಿದ ದಿನದಂದು ಪ್ರಕೃತಿಯೇ ತನ್ನ ಮೂಲ ರೂಪದ ಬದಲಾವಣೆಯೊಂದಿಗೆ ಹೂ ಅರಳಿ ದುಂಬಿಗಳು ಝೇಂಕರಿಸುವ ಕಾಲ, ಅದುವೇ ಮೇ ತಿಂಗಳ ಈ ಸುದಿನ ಬುದ್ಧ ಪೂರ್ಣಿಮೆ, ಅಂದರೆ ಬುದ್ಧ ಜಯಂತಿ ಎಂದೂ ಕರೆಯಲ್ಪಡುತ್ತದೆ, ಬುದ್ಧ ಎಂದು ಪ್ರಸಿದ್ಧನಾದ ಮತ್ತು ಬೌದ್ಧಧರ್ಮವನ್ನು ಸ್ಥಾಪಿಸಿದ ರಾಜಕುಮಾರ ಸಿದ್ಧಾರ್ಥ ಗೌತಮನ ಜನನವನ್ನು ಸೂಚಿಸುತ್ತದೆ. ಪೂರ್ಣಿಮೆ ಎಂಬ ಪದವು ಸಂಸ್ಕೃತದಲ್ಲಿ ಹುಣ್ಣಿಮೆ ಎಂದು ಅನುವಾದಿಸುತ್ತದೆ. ಹಿಂದು ಮತ್ತು ಬೌದ್ಧ ಧರ್ಮದ ಚಂದ್ರಮಾನ ಕ್ಯಾಲೆಂಡರ್‌ಗಳಲ್ಲಿ ವೈಶಾಖ ಮಾಸದ ಹುಣ್ಣಿಮೆಯ ದಿನದಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ ಎಂದರು.

ಬುದ್ಧ ಪೂರ್ಣಿಮೆಯು ಬುದ್ಧನು ಬೋಧಿಸಿದಂತೆ ಎಲ್ಲ ಜೀವಿಗಳ ಬಗ್ಗೆ ಕರುಣೆ ಮತ್ತು ದಯೆಯ ಬೋಧನೆಗಳನ್ನು ಪ್ರತಿಬಿಂಬಿಸುವ ಸಮಯ. ಜನರು ತಮ್ಮ ಬಗ್ಗೆ ಮತ್ತು ಇತರರ ಬಗ್ಗೆ ದಯೆಯನ್ನು ಅಭ್ಯಾಸ ಮಾಡಲು ಈ ಅವಕಾಶ ಬಳಸಿಕೊಳ್ಳುತ್ತಾರೆ. ಅವರು ಅಪರಿಚಿತರನ್ನು ನೋಡಿ ನಗುವುದು, ಸ್ವಯಂಸೇವಕರಾಗುವುದು ಅಥವಾ ಅಗತ್ಯವಿರುವ ಯಾರಿಗಾದರೂ ಸರಳವಾಗಿ ಸಹಾಯ ಮಾಡುವುದು ಮುಂತಾದ ಸಣ್ಣ ದಯೆಯ ಕಾರ್ಯಗಳನ್ನು ಮಾಡಲು ಪ್ರಯತ್ನಿಸುತ್ತಾರೆ. ದಕ್ಷಿಣ ಕೊರಿಯಾದಲ್ಲಿ ಅಗತ್ಯವಿರುವವರಿಗೆ ಉಚಿತ ಆಹಾರ ವಿತರಿಸುವ ಮೂಲಕ ಮತ್ತು ಕಮಲದ ಲ್ಯಾಟಿನ್‌ಗಳನ್ನು ಬೆಳಗಿಸುವ ಮೂಲಕ ಹಬ್ಬವನ್ನು ಆಚರಿಸಲಾಗುತ್ತದೆ ಎಂದು ಹೇಳಿದರು.

ಬುದ್ಧ ಪೂರ್ಣಿಮೆಯನ್ನು ಭಗವಾನ್ ಬುದ್ಧನ ಜನ್ಮ, ಸತ್ಯದ ಜ್ಞಾನ ಮತ್ತು ಮಹಾಪರಿನಿರ್ವಾಣ ಎಂದು ಪರಿಗಣಿಸಲಾಗಿದೆ. ಬುದ್ಧ ಪೂರ್ಣಿಮೆಯು ಬುದ್ಧನ ಜೀವನಕ್ಕೆ ಸಂಬಂಧಿಸಿಲ್ಲ, ಆದರೆ, ಈ ಪೂರ್ಣಿಮಾ ದಿನಾಂಕದಂದು ಕಾಡಿನಲ್ಲಿ ಅಲೆದಾಡುವ ಮತ್ತು ಕಠಿಣ ತಪಸ್ಸು ಮಾಡಿದ ನಂತರ ಬುದ್ಧನು ಬೋಧಗಯಾದಲ್ಲಿನ ಬೋಧಿ ವೃಕ್ಷದ ಕೆಳಗೆ ಸತ್ಯದ ಜ್ಞಾನವನ್ನು ಪಡೆದನು ಎನ್ನುವ ಕಾರಣಕ್ಕಾಗಿ ಆಚರಿಸಲಾಗುತ್ತದೆ ಎಂದರು.

ಅಂತಾರಾಷ್ಟ್ರೀಯ ಟೆಕ್ವಾಂಡೊ ಸ್ಪರ್ಧೆಯಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿ, ವಿವಿಧ ಪದಕ ಗೆದ್ದು ಜಿಲ್ಲೆಗೆ ಕೀರ್ತಿ ತಂದಿರುವ ರಾಮನಗರ ಜಿಲ್ಲೆಯ ಶಾನ್ವಿ ಸತೀಶ್ ಅವರನ್ನು ಸನ್ಮಾನಿಸಲಾಯಿತು.

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಕೆ. ಸತೀಶ್, ಮುಖಂಡರಾದ ಶಿವಶಂಕರ್ ಹಾಗೂ ಲೋಕೇಶ್ ಮೌರ್ಯ ಮಾತನಾಡಿದರು. ಜಿಲ್ಲಾ ಶಸ್ತ್ರ ಚಿಕಿತ್ಸಕ ಡಾ. ಮಂಜುನಾಥ್, ಜಿಲ್ಲಾ ಆರೋಗ್ಯ ಶಿಕ್ಷಣಾಧಿಕಾರಿ ಅರ್ಪಿತಾ, ನಾಗರತ್ನ ಬಂತೇಜಿ, ಸಮುದಾಯದ ಮುಖಂಡರು, ಜಿಲ್ಲಾ ಹಾಗೂ ತಾಲೂಕು ಮಟ್ಟದ ಅಧಿಕಾರಿಗಳು ಹಾಗೂ ಇತರರು ಇದ್ದರು.