ಕೃತಿಯ ಲೇಖಕ, ಹಿರಿಯ ಸಾಹಿತಿ ಬರಗೂರು ರಾಮಚಂದ್ರಪ್ಪ ಮಾತನಾಡಿ, ಕುವೆಂಪು ಅವರು ನಂಬಿದ ಧರ್ಮ ಸಾಂಸ್ಥಿಕ ಧರ್ಮ ಅಲ್ಲ, ಆಧ್ಯಾತ್ಮಿಕವಾಗಿದೆ. ಜಾತಿ ವಿಷಯಕ್ಕೆ ಬಂದಾಗ ಕುವೆಂಪು ಅವರನ್ನು ಬ್ರಾಹ್ಮಣ ವಿರೋಧಿ ಎನ್ನುವ ಸಂಪ್ರದಾಯದವರಿದ್ದಾರೆ. ಆದರೆ, ಅವರು ಪುರೋಹಿತ ಶಾಹಿ ಎಲ್ಲ ಧರ್ಮಗಳಿಗೂ ಅನ್ವಯಿಸುತ್ತದೆ ಎಂದಿದ್ದರು. ತಾನು ಯಾವುದೇ ಜಾತಿಯ ವಿರುದ್ಧವಾಗಿ ಮಾತನಾಡುವುದಿಲ್ಲ ಎಂದು ಹೇಳಿದ್ದರು. ಪ್ರಸ್ತುತ ಸಮಸ್ಯೆಗಳಿಗೆ ಕುವೆಂಪು ಸಾಹಿತ್ಯದಿಂದ ಪರಿಹಾರ ಕಂಡುಕೊಳ್ಳಲು ಸಾಧ್ಯ. ಆದ್ದರಿಂದ ಈ ಕೃತಿಗೆ ಜಾನಾರ್ಪಣೆ ಎಂದು ನಾನೇ ಇಟ್ಟಿರುತ್ತೇನೆ, ಅದೇ ಮುಖ್ಯವಾಗಿದೆ. ಇದು ಒಂದು ಉದ್ದೇಶ ಬದ್ಧವಾದ ಕೃತಿಯಾಗಿದ್ದು, ಕುವೆಂಪು ಅವರ ವಿಚಾರಧಾರೆ ಎಲ್ಲರಿಗೂ ತಲುಪಬೇಕು ಎಂದು ತಿಳಿಸಿದರು.
ನ್ಯಾಯಮೂರ್ತಿ ಎಚ್.ಎನ್.ನಾಗಮೋಹನ್ದಾಸ್, ಹಿರಿಯ ಸಾಹಿತಿ ಡಾ.ಹಂ.ಪ.ನಾಗರಾಜಯ್ಯ, ವಿಶ್ರಾಂತ ಕುಲಪತಿ ಡಾ.ಚಿದಾನಂದ ಗೌಡ, ಕುವೆಂಪು ಪುತ್ರಿ ತಾರಿಣಿ ಚಿದಾನಂದಗೌಡ, ಜನಪ್ರಕಾಶನದ ಜಿ.ರಾಜಶೇಖರಮೂರ್ತಿ ಮತ್ತಿತರರು ಉಪಸ್ಥಿತರಿದ್ದರು.
