ನಿರೀಕ್ಷೆಯಲ್ಲಿ ನಾಡದೋಣಿ ಮೀನುಗಾರರು

ಗಂಗೊಳ್ಳಿ: ಮಳೆಗಾಲ ಆರಂಭವಾಗಿ ತಿಂಗಳು ಕಳೆಯುತ್ತಿದ್ದರೂ, ಉತ್ತಮ ಮಳೆಯಾಗದಿರುವುದರಿಂದ ಮತ್ತು ಕಡಲು ಪ್ರಕ್ಷುಬ್ಧಗೊಳ್ಳದಿರುವುದರಿಂದ ವಾತಾವರಣ ಮಳೆಗಾಲದ ಸಾಂಪ್ರದಾಯಿಕ ಮೀನುಗಾರಿಕೆಗೆ ಇನ್ನೂ ಪೂರಕವಾಗಿಲ್ಲ. ಹೀಗಾಗಿ ಜು.5ರ ಬಳಿಕ ಕಡಲಿಗಿಳಿಯಲು ಮೀನುಗಾರರು ಸಿದ್ಧತೆ ನಡೆಸುತ್ತಿದ್ದು, ಎಲ್ಲವೂ ಅಂದುಕೊಂಡಂತೆ ನಡೆದರೆ ಈ ಬಾರಿ ಉತ್ತಮ ನಾಡದೋಣಿ ಮೀನುಗಾರಿಕೆ ನಡೆಯುವ ಸಾಧ್ಯತೆಗಳಿವೆ.

ಗಂಗೊಳ್ಳಿ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಮೀನುಗಾರಿಕೆ ಪ್ರಧಾನ ಉದ್ಯೋಗವಾಗಿರುವುದರಿಂದ ಮೀನುಗಾರರು ನಾಡದೋಣಿಗಳ ಮೂಲಕ ಗಂಗೊಳ್ಳಿ, ಕಂಚುಗೋಡು, ಮರವಂತೆ, ಕೊಡೇರಿ, ಉಪ್ಪುಂದ ಭಾಗದ ಮೀನುಗಾರರು ಸಾಂಪ್ರದಾಯಿಕ ಮೀನುಗಾರಿಕೆಯಲ್ಲಿ ತೊಡಗಿಕೊಂಡಿದ್ದಾರೆ.

ಸಾಂಪ್ರದಾಯಿಕ ಮೀನುಗಾರಿಕೆಯಲ್ಲಿ ತೊಡಗಿಕೊಂಡ ಮೀನುಗಾರರು ಗಂಗೊಳ್ಳಿ ಲೈಟ್‌ಹೌಸ್ ಬಳಿಯ ಮಡಿಯಲ್ಲಿ ಮೀನನ್ನು ತಂದು ವ್ಯಾಪಾರ ವಾಡುತ್ತಾರೆ. ನೂರಾರು ಸಂಖ್ಯೆಯಲ್ಲಿ ದೋಣಿಗಳು ಮಡಿಯಲ್ಲಿ ಲಂಗರು ಹಾಕುತ್ತವೆ. ಮಳೆಗಾಲದ ಮೀನುಗಾರಿಕೆಗೆ ಲೈಟ್ ಹೌಸ್ ಬಳಿಯಲ್ಲಿರುವ ಮಡಿ ತುಂಬ ಫೇಮಸ್ ಆಗಿದೆ. ಹರಾಜು ಪ್ರಕ್ರಿಯೆ ಮೂಲಕ ವ್ಯಾಪಾರಸ್ಥರು ಮೀನುಗಳನ್ನು ಖರೀದಿಸಿ ರಾಜ್ಯದ ಇತರ ಜಿಲ್ಲೆಗಳಿಗೂ, ಅಂತಾರಾಜ್ಯಕ್ಕೂ ಸಾಗಾಟ ವಾಡುತ್ತಾರೆ. ಹವಾವಾನ ಅನುಕೂಲಕರವಾಗಿದ್ದರೆ ಸರಿ ಸುವಾರು ಒಂದು ತಿಂಗಳು ಸಾಂಪ್ರದಾಯಿಕ ಮೀನುಗಾರಿಕೆ ನಡೆಯುತ್ತದೆ. ಸ್ಥಳೀಯ ವಾರುಕಟ್ಟೆಯಲ್ಲಿಯೂ ವ್ಯಾಪಾರ ಚುರುಕುಗೊಳ್ಳುತ್ತದೆ.

ನಾಡದೋಣಿಗಳ ಮೂಲಕ ಹಿಡಿಯುವ ಮೀನುಗಳಿಗೆ ವಾರುಕಟ್ಟೆಯಲ್ಲಿ ಬಾರಿ ಡಿವ್ಯಾಂಡ್ ಕೂಡ ಇದೆ. ಸಾಂಪ್ರದಾಯಿಕ ಮೀನುಗಾರಿಕೆ ಆರಂಭಗೊಂಡಂತೆ ವಾರುಕಟ್ಟೆಯಲ್ಲಿ ತಾಜಾ ಮೀನುಗಳು ಲಗ್ಗೆ ಇಡುತ್ತದೆ. ವೈಟ್ ಚಟ್ಲಿ, ಕೆಂಪು ಚಟ್ಲಿ, ಜಾರಿ, ಬಗುಂಡೆ, ಪಾಪ್ಲೆಟ್, ಬೈಗೀ ಮೀನಿನ ಖರೀದಿಗೆ ಗ್ರಾಹಕರು ಮುಗಿ ಬೀಳುತ್ತಾರೆ.

ಸವಾಲುಗಳ ನಡುವೆ ಮೀನುಗಾರಿಕೆ

ಮಳೆಗಾಲದಲ್ಲಿ ಕಡಲು ಬಹಳಷ್ಟು ಪ್ರಕ್ಷುಬ್ಧಗೊಂಡಿರುತ್ತದೆ, ಅಲೆಗಳ ತೀವ್ರತೆ ಅಧಿಕವಾಗಿರುತ್ತದೆ. ಜೀವ ಭಯದಲ್ಲಿಯೆ ಹೊಟ್ಟೆ ಪಾಡಿಗಾಗಿ ಮೀನುಗಾರರು ಹಲವಾರು ಸವಾಲುಗಳ ನಡುವೆಯು ಕಡಲಿಗೆ ಇಳಿಯುತ್ತಾರೆ. ಈ ಹಿಂದೆ ನಡೆದ ಹಲವಾರು ಅಹಿತಕರ ಟನೆಗಳು ಮನಕಲಕುವಂತೆ ಇದೆ. ಉತ್ತಮ ಮಳೆಯಾಗಿ ಪ್ರತಿಕೂಲ ಹವಾವಾನ ಸೃಷ್ಟಿಯಾದರೆ ವಾತ್ರ ಮಳೆಗಾಲದ ನಾಡದೋಣಿ ಮೀನುಗಾರಿಕೆ ಉತ್ತಮವಾಗಿ ನಡೆಯಲು ಸಾಧ್ಯ.

https://www.vijayavani.net/change-must-be-for-the-better

https://www.vijayavani.net/talent-show-is-helpful-for-students