ನಟಿಯಾಗಿ ಗಂಭೀರ ಪಾತ್ರಗಳನ್ನು ನಿರ್ವಹಿಸಿದ್ದ ಅಪರ್ಣಾ ಅವರು, ಜನರನ್ನು ನಕ್ಕು ನಲಿಸುವ ದಿನವೂ ಮುಂದೊಂದು ದಿನ ಬರುತ್ತದೆ ಎಂದು ಯಾರೂ ಸಹ ಊಹಿಸಿರಲಿಲ್ಲ. ಯಾಕಂದರೆ, ‘ಮಸಣದ ಹೂವು’ ಸಿನಿಮಾದಿಂದ ಧಾರವಾಹಿಗಳಲ್ಲಿ ಅಭಿನಯಿಸಿದ ಅಪರ್ಣಾ, ಸರ್ಕಾರಿ ಕಾರ್ಯಕ್ರಮಗಳು ಸೇರಿದಂತೆ ಹಲವಾರು ಕಾರ್ಯಕ್ರಮಗಳ ನಿರೂಪಣೆ ಮಾಡಿದವರು. ತೂಕದ ವ್ಯಕ್ತಿತ್ವ, ಸ್ಪಷ್ಟ ಉಚ್ಚಾರಣೆ, ಸ್ವಚ್ಛ ಕನ್ನಡದಿಂದಲೇ ಎಲ್ಲರ ಮನಸೂರೆಗೊಳಿಸುತ್ತಿದ್ದ ನಟಿ, ‘ಮಜಾ ಟಾಕೀಸ್’ನಂತಹ ಕಾಮಿಡಿ ಕಾರ್ಯಕ್ರಮದ ಮೂಲಕ ಜನರ ಮುಖದಲ್ಲಿ ಮಂದಹಾಸ ತಂದಿದ್ದು, ನಿಜಕ್ಕೂ ಮರೆಯಲು ಸಾಧ್ಯವಿಲ್ಲ. ಇದೀಗ ಕನ್ನಡದ ಧ್ವನಿ ಪಂಚಭೂತಗಳಲ್ಲಿ ಲೀನರಾಗಿರಯವ ವಿಚಾರ ಚಿತ್ರರಂಗಕ್ಕೆ ದೊಡ್ಡ ಆಘಾತವನ್ನುಂಟು ಮಾಡಿದೆ.
