ಉಳ್ಳಾಲ: ಪದವೀಧರರಿಗೆ ವೃತ್ತಿ ಜೀವನದಲ್ಲಿ ಸಾಕಷ್ಟು ಸವಾಲುಗಳಿದ್ದರೂ ತಾಳ್ಮೆ, ಬುದ್ಧಿವಂತಿಕೆ, ಜ್ಞಾನ ವೃದ್ಧಿ, ತಂಡವಾಗಿ ಕೆಲಸ ಮಾಡುವ ಮೂಲಕ ಮುಂದುವರಿಯಬೇಕು. ನೀರು, ಪರಿಸರ, ಇಂಧನ, ವಿದ್ಯುತ್ ಮುಂತಾದ ಸಂಪನ್ಮೂಲ ರಕ್ಷಿಸುವ ಜವಾಬ್ದಾರಿ ಹೊಂದಬೇಕು.ಪಾಲಕರ ಕನಸು, ಶಿಕ್ಷಕರ ಶ್ರಮ, ಸಮುದಾಯ ಮತ್ತು ದೇಶದ ಮೇಲಿರುವ ಋಣ ಎಂದಿಗೂ ಮರೆಯದಿರಿ. ಬ್ಯಾರೀಸ್ ಸಂಸ್ಥೆಯ ಘೋಷವಾಕ್ಯ, ಪರಿಸರ, ಪ್ರತಿಜ್ಞೆ ಎಲ್ಲವೂ ಭಿನ್ನವಾಗಿದ್ದು ಇಲ್ಲಿ ಕಲಿತ ವಿದ್ಯಾರ್ಥಿಗಳು ಪ್ರಯೋಜನ ಪಡೆಯಬೇಕು. ವೃತ್ತಿ ಜೀವನದಲ್ಲಿ ಯಶಸ್ಸು ಕಾಣಬೇಕು ಎಂದು ಸುರತ್ಕಲ್ ಎನ್ಐಟಿಕೆ ಇಲೆಕ್ಟ್ರಿಕಲ್ ಮತ್ತು ಇಲೆಕ್ಟ್ರಾನಿಕ್ಸ್ ವಿಭಾಗದ ಪ್ರೊ.ಉದಯ ಕುಮಾರ್ ಆರ್.ಯರಗಟ್ಟಿ ಕಿವಿಮಾತು ಹೇಳಿದರು.
