ನಗರದ ನಿವಾಸಿ ಅನ್ವರ್ ಖಾನ್ ದಂಡನೆಗೊಳಗಾದ ವ್ಯಕ್ತಿ. ಈತ ನಾಲ್ಕು ತಿಂಗಳ ಹಿಂದೆ ಸಂಬಂಧಿಕರ ಮಗನಿಗೆ ಬೈಕ್ ಚಾಲನೆ ವಾಡಲು ನೀಡಿದ್ದರು. ಆತ ಬೈಕ್ ಚಲಾಯಿಸುವಾಗ ನಗರದ ಕೆಎಸ್ಆರ್ಟಿಸಿ ಬಸ್ ಡಿಪೋ ಎದುರು ಆಯತಪ್ಪಿ ಬಿದ್ದು ಮೃತಪಟ್ಟಿದ್ದ. ಈ ಸಂಬಂಧ ಸಂಚಾರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದರು. ಈ ಪ್ರಕರಣದ ವಿಚಾರಣೆ ನಡೆಸಿದ ಜೆಎಂಎಫ್ಸಿ ಪ್ರಧಾನ ಸಿವಿಲ್ ನ್ಯಾಯಾಧೀಶ ನ್ಯಾ. ಮಹೇಂದ್ರಕುವಾರ್ ಅವರು, ಬಾಲಕನಿಗೆ ವಾಹನ ಚಲಾಯಿಸಲು ನೀಡಿದ್ದಕ್ಕೆ ಬೈಕ್ ವಾಲೀಕನಿಗೆ 25 ಸಾವಿರ ರೂ. ದಂಡ, ವಾಹನಕ್ಕೆ ವಿಮೆ ಇಲ್ಲದ್ದಕ್ಕೆ 5 ಸಾವಿರ ರೂ. ದಂಡ ಹಾಗೂ ಚಾಲನಾ ಪರವಾನಗಿ ಇಲ್ಲದಕ್ಕೆ 4 ಸಾವಿರ ರೂ. ದಂಡ ವಿಧಿಸಿ ಆದೇಶಿಸಿದ್ದಾರೆ. ಜತೆಗೆ ಒಂದು ದಿನ ಸಜೆಯನ್ನೂ ವಿಧಿಸಿದ್ದಾರೆ. ಈ ತೀರ್ಪು ಅಪ್ರಾಪ್ತರಿಗೆ ವಾಹನಗಳನ್ನು ನೀಡುವ ಪಾಲಕರು ಹಾಗೂ ಸಂಬಂಧಿಕರಿಗೆ ಎಚ್ಚರಿಕೆ ಗಂಟೆಯಾಗಿದೆ.
