ಶಾಸಕ ಚವ್ಹಾಣ್ ವಿರುದ್ಧ ಅರ್ಜಿ ಸುಪ್ರೀಂ ವಜಾ

ಔರಾದ್: ಮೂಲ ನಿವಾಸ ಸ್ಥಳ ಹಾಗೂ ಜಾತಿ ಮೂಲ ಪ್ರಶ್ನಿಸಿ ಸಲ್ಲಿಸಿದ್ದ ಮಾಜಿ ಸಚಿವ, ಔರಾದ್ ಶಾಸಕ ಪ್ರಭು ಚವ್ಹಾಣ್ ವಿರುದ್ಧದ ಅರ್ಜಿ ಮತ್ತೊಮ್ಮೆ ಸುಪ್ರೀಂಕೋರ್ಟ್ ನಲ್ಲಿ ವಜಾಗೊಂಡಿದೆ. ಹೀಗಾಗಿ ಒಂದೇ ವಿವಾದದ ತಕರಾರಿನಲ್ಲಿ ಶಾಸಕರಿಗೆ ಎರಡು ಬಾರಿ ಸುಪ್ರೀಂಕೋರ್ಟ್ ನಲ್ಲಿ ಜಯ ದೊರಕಿರುವುದು ಭಾರಿ ಮಹತ್ವ ಪಡೆದಿದೆ.

ಹಿಂದಿನ ಹಂತದ ವಿಚಾರಣೆಯಲ್ಲಿ ವಿವಾದಕ್ಕೆ ಅಂತಿಮ ತೀರ್ಮಾನ ದೊರೆತಿದೆ. ಆದರೂ ನರಸಿಂಗ ಎನ್ನುವರು ಸಲ್ಲಿಸಿದ ಅಪೀಲ್ ಸ್ವೀಕರಿಸಿ, ಅದರ ಮೇಲೆ ನೋಟಿಸ್ ನೀಡುವ ಮೂಲಕ ನಾಲ್ಕನೇ ಹಂತದ ವಾದ ಪ್ರಕ್ರಿಯೆಗೆ ಅವಕಾಶ ನೀಡುವುದು ಕಾನೂನು ಪ್ರಕ್ರಿಯೆಯ ದುರುಪಯೋಗವಾಗುತ್ತದೆ ಎಂದು ಹೇಳಿದೆ. ಅಷ್ಟೇ ಅಲ್ಲ ವಿವಾದಕ್ಕೆ ಪೂರ್ಣ ವಿರಾಮ ನೀಡಬೇಕಾಗಿದೆ ಎಂದು ಹೇಳಿ ಅರ್ಜಿ ತಿರಸ್ಕರಿಸಿದೆ. ಸಾಕಷ್ಟು ದೀರ್ಘ ಅವಧಿಯ ನಂತರ ಸಲ್ಲಿಸಿದ ಈ ಮೇಲ್ಮನವಿ ರಾಜಕೀಯಪ್ರೇರಿತ ಪ್ರತೀಕಾರದ ಹೊರತಾಗಿ ಮತ್ತೇನೂ ಅಲ್ಲ ಎಂದು ಹೇಳಿರುವುದು ವಿಶೇಷವಾಗಿದೆ.