ನಾನಾ ಕಡೆಗಳಿಂದ ಆಗಮಿಸಿದ ಸಿಖ್ ಭಕ್ತಾದಿಗಳು ಗುರುದ್ವಾರ ಪರಿಸರದಲ್ಲಿ ವಿವಿಧ ಸೇವಾ ಕಾರ್ಯಗಳಲ್ಲಿ ಪಾಲ್ಗೊಂಡಿದ್ದು ವಿಶೇಷವೆನಿಸಿತು. ಸಿಖ್ಖರು ಜಯಂತಿ ಸೇರಿ ವಿವಿಧ ಧಾರ್ಮಿಕ ಕಾರ್ಯಕ್ರಮ ವೇಳೆ ಸ್ವಚ್ಛತೆ, ಅಡುಗೆ ಮಾಡುವುದು, ಊಟ ಬಡಿಸುವುದು, ಪ್ಲೇಟು ತೊಳೆಯುವಿಕೆ ಮತ್ತಿತರ ಸೇವೆ ಮಾಡುವುದು ಸಾಮಾನ್ಯ. ಮಹಿಳೆಯರು, ಮಕ್ಕಳು, ವೃದ್ಧರೆನ್ನದೆ ನೂರಾರು ಮಂದಿ ಸ್ವ ಇಚ್ಛೆಯಿಂದ ಸೇವಾ ಕಾರ್ಯಗಳÀಲ್ಲಿ ಭಾಗಿಯಾಗಿ ಧನ್ಯತೆ ಮೆರೆದರು. ಇಂಥ ಸೇವಾ ಕಾರ್ಯದಲ್ಲಿ ತೊಡಗಿದವರಲ್ಲಿ ಅನೇಕರು ಉನ್ನತ ಅಧಿಕಾರಿಗಳು, ಗಣ್ಯರು, ಉದ್ಯಮಿಗಳು, ರಾಜಕೀಯ ನೇತಾರರು ಸಹ ಸೇರಿರುವುದು ಗಮನಾರ್ಹ. ತಮ್ಮ ಹುದ್ದೆ ಮತ್ತು ಶ್ರೀಮಂತಿಕೆಯನ್ನು ಗುರು ಚರಣದಲ್ಲಿ ಸಮರ್ಪಿಸಿ ಸೇವಾಭಾವ ಮೆರೆದಿದ್ದು ವಿಶೇಷ ಹಾಗೂ ಮಾದರಿ. ಗುರುವಿಗಿಂತ ಶ್ರೇಷ್ಠ ಯಾರೂ ಇಲ್ಲ ಎಂಬ ಸಂದೇಶವನ್ನು ಈ ಮೂಲಕ ಸಾರಿದರು.
