ಕಾಂಚಿ ಶ್ರೀಗಳಿಂದ ಮಂದಿರಕ್ಕೆ ಭೂಮಿಪೂಜೆ

ಮುಳ್ಳೇರಿಯ: ಐವತ್ತು ವರ್ಷಗಳ ಇತಿಹಾಸವಿರುವ, ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಅವರಿಂದ ಉದ್ಘಾಟಿಸಲ್ಪಟ್ಟಿದ್ದ, ಮುಳ್ಳೇರಿಯ ವೀರೇಂದ್ರ ನಗರದ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂದಿರ ಶಿಥಿಲಾವಸ್ಥೆಯಲ್ಲಿದ್ದು, ಇದರ ನವೀಕರಣ ಕಾರ್ಯಗಳನ್ನು ಪ್ರಾರಂಭಿಸುವ ಪ್ರಯುಕ್ತ ಶ್ರೀ ಕಾಂಚಿ ಕಾಮಕೋಟಿ ಪೀಠಾಧೀಶ ಶ್ರೀ ಶಂಕರವಿಜಯೇಂದ್ರ ಸರಸ್ವತಿ ಮಹಾಸ್ವಾಮಿ ಸೋಮವಾರ ಮುಂಜಾನೆ ಭೇಟಿ ನೀಡಿದರು.

ಋತ್ವಿಜರಿಂದ ವೇದಘೋಷದ ಮೂಲಕ ಪೂರ್ಣಕುಂಭ ಸ್ವಾಗತ ನೀಡಲಾಯಿತು. ಬಳಿಕ ಸ್ವಾಮೀಜಿ ಜೀರ್ಣೋದ್ಧಾರಗೊಳ್ಳಲಿರುವ ಮಂದಿರದ ಭೂಮಿಪೂಜೆ ನೆರವೇರಿಸಿ ಆಶೀರ್ವದಿಸಿದರು.

ಮಂದಿರವು ಇನ್ನು ಮುಂದೆ ಕಾಂಚಿ ಕಾಮಕೋಟಿ ದುರ್ಗಾಪರಮೇಶ್ವರಿ ಭಜನಾ ಮಂದಿರ ಎಂದು ಕರೆಯಲ್ಪಡುತ್ತದೆ ಮತ್ತು ನಮ್ಮ ಮಠದ ಸಹಾಯ, ಸಹಕಾರ ಇರುತ್ತದೆ ಎಂದು ಶುಭಹಾರೈಸಿದರು.

https://www.vijayavani.net/mangalore-bishophouse-meeting

https://www.vijayavani.net/iti-volleyball-match