ಗಲಭೆ ಸೃಷ್ಟಿಸುವವರು ಸಿಎಂಗೆ ಶಾಂತಿದೂತರು : ಡಾ.ಭರತ್ ಶೆಟ್ಟಿ ಟೀಕೆ

ಗುರುಪುರ: ಗಣೇಶೋತ್ಸವ ಸಂದರ್ಭ ಮದ್ದೂರು ಸಹಿತ ವಿವಿಧೆಡೆ ನಡೆದ ಕಲ್ಲು ತೂರಾಟ, ಚಪ್ಪಲಿ ಎಸೆತದಿಂದ ಹಿಂದುಗಳ ಧಾರ್ಮಿಕ ಭಾವನೆಗೆ ನೋವು ಉಂಟಾಗಿದ್ದು, ಗಲಭೆ ಉಂಟು ಮಾಡುವವರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಶಾಂತಿದೂತರಂತೆ ಕಂಡು ಬರುತ್ತಿದ್ದಾರೆ ಎಂದು ಮಂಗಳೂರು ಉತ್ತರ ಶಾಸಕ ಡಾ.ಭರತ್ ಶೆಟ್ಟಿ ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು.

ಕಾವೂರಿನ ಬಿಜೆಪಿ ಕಚೇರಿಯಲ್ಲಿ ಮಾಧ್ಯಮದೊಂದಿಗೆ ಮಾತನಾಡಿ, ಹಿಂದುಗಳ ಹಬ್ಬ, ಮೆರವಣಿಗೆ ಮೇಲೆ ಪೊಲೀಸ್ ಇಲಾಖೆಯ ಮೂಲಕ ಕಾಂಗ್ರೆಸ್ ಸರ್ಕಾರ ಅಂಕುಶ ಹೇರುತ್ತಿದೆ. ಕಾನೂನು ಪಾಲಿಸಿ ಹಬ್ಬ ಆಚರಿಸಿದರೆ ಸಿಎಂ ಶಾಂತಿದೂತರು ಕಾನೂನು ಕೈಗೆತ್ತಿಕೊಂಡು ಗಲಭೆ ಸೃಷ್ಟಿಸುತ್ತಿದ್ದಾರೆ. ಕಾಂಗ್ರೆಸ್ ಸರ್ಕಾರ ಪೊಲೀಸರ ಕೈಕಟ್ಟಿ ಹಾಕಿದೆ. ಪೊಲೀಸ್ ಠಾಣೆ, ಪೊಲೀಸರ ಮೇಲೆ ದಾಳಿ ನಡೆದರೂ ಪೊಲೀಸರು ಮೂಕಪ್ರೇಕ್ಷಕರಂತೆ ಇರುತ್ತಾರೆ. ಸರ್ಕಾರದ ಪಕ್ಷಪಾತ, ಮೃದು ಧೋರಣೆಯಿಂದ ರಾಜ್ಯದಲ್ಲಿ ಅರಾಜಕತೆ ಸೃಷ್ಟಿಯಾಗಿದ್ದು, ಜನರೇ ಕಾನೂನು ಕೈಗೆತ್ತಿಕೊಳ್ಳಲು ಕಾರಣವಾಗುತ್ತಿದೆ ಎಂದರು.

https://www.vijayavani.net/badminton-tournament-at-sharda-pu-college

https://www.vijayavani.net/cash-checks-stolen-from-house