ಬೆಸ್ಕಾಂ ಸಾಫ್ಟ್​ವೇರ್​ ಉನ್ನತಿಕರಣ; ಅ.5, 6ರಂದು ಆನ್​ಲೈನ್​ ಸೇವೆ ಅಲಭ್ಯ

ಬೆಂಗಳೂರು: ಬೆಸ್ಕಾಂ ಮಾಹಿತಿ ತಂತ್ರಜ್ಞಾನ ವ್ಯವಸ್ಥೆಯ ಉನ್ನತಿಕರಣದ(ಅಪ್ಡೇಟ್​) ಹಿನ್ನೆಲೆ ಅ.5, 6 ರಂದು ಆನ್​ಲೈನ್ ಸೇವೆಗಳು ಲಭ್ಯ ಇರುವುದಿಲ್ಲ ಎಂದು ಬೆಸ್ಕಾಂ ಪ್ರಕಟಣೆ ತಿಳಿಸಿದೆ.

ಐಪಿಡಿಎಸ್​ ಐಟಿ ಹಂತ-2ರ ಯೋಜನೆಯ ಭಾಗವಾಗಿ ಆರ್​ಎಪಿಡಿಆರ್​ಪಿ ಅಪ್ಲಿಕೇಷನ್​ ಸೇವೆ ಲಭ್ಯ ಇರುವುದಿಲ್ಲ. ಸಿಸ್ಟಂ ಡೌನ್​ಟೈಮ್​ ಅ.4ರ ರಾತ್ರಿ 9 ರಿಂದ ಆರಂಭವಾಗಿ ಅ.7ರ ಬೆಳಗ್ಗೆ 6ಕ್ಕೆ ಕೊನೆಗೊಳ್ಳುತ್ತದೆ. ಸೇವೆಯ ಗುಣಮಟ್ಟ ಸುಧಾರಿಸುವ ನಿಟ್ಟಿನಲ್ಲಿ ಬೆಸ್ಕಾಂ ಈ ಕಾರ್ಯ ಕೈಗೊಂಡಿದೆ.

30 ಸಾವಿರಕ್ಕಿಂತ ಹೆಚ್ಚು ಜನಸಂಖ್ಯೆ ಹೊಂದಿರುವ ಪಟ್ಟಣಗಳನ್ನು ಒಳಗೊಂಡಿರುವ ರಾಜ್ಯದ ಎಲ್ಲಾ ಎಸ್ಕಾಂಗಳಿಗೆ ಭಾಗ-ಎ ಐಟಿ ಯೋಜನೆಯ ಅನುಷ್ಠಾನಕ್ಕೆ ಬೆಸ್ಕಾಂ ನೋಡಲ್​ ಏಜೆನ್ಸಿಯಾಗಿದೆ. ಹೊಸ ಅಪ್ಲಿಕೇಶನ್​ಗಳು ಅ.7ರ ಬೆಳಗ್ಗೆ 6ರವರೆಗೆ ಕಾರ್ಯನಿರ್ವಹಿಸಿದ ನಂತರ ಅಪ್ಲಿಕೇಶನ್​ ದತೆ ಹೆಚ್ಚಲಿದೆ. ಇದರಿಂ ಬಳಕೆದಾರರಿಗೂ ಉತ್ತಮ ಸೇವೆ ಲಭ್ಯವಾಗಲಿದೆ ಎಂದು ಬೆಸ್ಕಾಂ ವ್ಯವಸ್ಥಾಪಕ ನಿರ್ದೇಶಕ ಮಹಾಂತೇಶ್​ ಬೀಳಗಿ ತಿಳಿಸಿದ್ದಾರೆ.

ಸ್ಥಗಿತದ ಸಮಯದಲ್ಲಿ ಈ ಸೇವೆಗಳು ಅಲಭ್ಯ

ಹೊಸ ಸಂಪರ್ಕಗಳ ಪ್ರಕ್ರಿಯೆ, ಹೆಸರು ಮತ್ತು ಸುಂಕ ಬದಲಾವಣೆಗಳು, ಹೆಸರು ವರ್ಗಾವಣೆ ಮತ್ತು ತಾತ್ಕಾಲಿಕ ಸಂಪರ್ಕಗಳಂತಹ ಕಾರ್ಯಾಚರಣೆಗಳಿಗೆ 'ಆರ್​ಎಪಿಡಿಆರ್​ಪಿ' ಅಪ್ಲಿಕೇಶನ್​ ಲಭ್ಯವಿರುವುದಿಲ್ಲ. ಬೆಸ್ಕಾಂ ನಗದು ವಿಭಾಗಗಳಲ್ಲಿ (ಕ್ಯಾಶ್​ ಕೌಂಟರ್​) ಪಾವತಿ ಇರುವುದಿಲ್ಲ. ಹೊಸ ಸಂಪರ್ಕಗಳು, ಹೆಸರು ಮತ್ತು ವಿಳಾಸ ಬದಲಾವಣೆ ಸೇರಿದಂತೆ ಇತರೆ ಸೇವೆಗಳಿಗಾಗಿ ಗ್ರಾಹಕ ಪೋರ್ಟಲ್​ ಲಭ್ಯವಿರುವುದಿಲ್ಲ. ಗ್ರಾಹಕ ಪೋರ್ಟಲ್​ ಮತ್ತು ಥರ್ಡ್​ ಪಾರ್ಟಿ ಪಾವತಿ ಚಾನಲ್​ಗಳ ಮೂಲಕ ಆನ್​ಲೈನ್​ ಬಿಲ್​ ಪಾವತಿಗಳು ಅ.4ರ ರಾತ್ರಿ 9ರಿಂದ ಅ.5ರ ಬೆಳಗ್ಗೆ 11ರವರೆಗೆ ಲಭ್ಯವಿರುವುದಿಲ್ಲ. "ಆರ್​ಎಪಿಡಿಆರ್​ಪಿ' ಸೇವೆ ಇಲ್ಲದ ಕಾರಣ, ಮೊಬೈಲ್​ ಅಪ್ಲಿಕೇಶನ್​ ಸೇವೆ ಅಲಭ್ಯ.

ಯಾವ ನಗರಗಳಲ್ಲಿ ಆನ್​ಲೈನ್​ ಸೇವೆ ಇರುವುದಿಲ್ಲ?

ಬೆಂಗಳೂರು, ಶಿಡ್ಲಟ್ಟ, ಚಿಕ್ಕಬಳ್ಳಾಪುರ, ಕೋಲಾರ, ಚಿಂತಾಮಣಿ, ಕನಕಪುರ, ರಾಮನಗರ, ದಾವಣಗೆರೆ, ಚಿತ್ರದುರ್ಗ, ತುಮಕೂರು, ಸಿರಾ, ಚನ್ನಪಟ್ಟಣ, ಆನೇಕಲ್​, ಮುಳುಬಾಗಿಲು, ಬಂಗಾರಪೇಟೆ, ಹೊಸಕೋಟೆ, ದೊಡ್ಡಬಳ್ಳಾಪುರ, ಕೆ.ಜಿ.ಎ್​, ಚಳ್ಳಕೆರೆ, ಕುಣಿಗಲ್​, ಹರಪ್ಪನಹಳ್ಳಿ, ಹರಿಹರ, ಹಿರಿಯೂರು,ತಿಪಟೂರು ಹಾಗೂ ಗೌರಿಬಿದನೂರು ನಗರಗಳಲ್ಲಿ ಆನ್​ಲೈನ್​ ಸೇವೆ ಇರುವುದಿಲ್ಲ. ಹೆಚ್ಚಿನ ಮಾಹಿತಿಗಾಗಿ ಬೆಸ್ಕಾಂ ಸಹಾಯವಾಣಿ 1912 ಸಂಪರ್ಕಿಸಬಹುದು.