ಕಾಡಾನೆ ದಾಳಿಗೆ ಕಾರ್ಮಿಕ ಬಲಿ

ತಾಲೂಕಿನ ಉಯಂಬಳ್ಳಿ ಹೋಬಳಿ ಶಿವಾಲದಪ್ಪನ ಬೆಟ್ಟದ ಕಾಡಂಚಿನ ಗ್ರಾಮ ಚಿಲಂದವಾಡಿಯ ಶಿವು (55) ಆನೆದಾಳಿಗೆ ಮೃತ.

ಹಾರೋಹಳ್ಳಿ ಸಮೀಪದ ಜಮೀನು ಮಾಲೀಕರೊಬ್ಬರ ಬಳಿ ಕೂಲಿ ಮಾಡುತ್ತಿದ್ದ ಶಿವು ಶನಿವಾರ ಕೆಲಸ ಮುಗಿಸಿ ಚಿಲಂದವಾಡಿ ನ್ಯಾಯಬೆಲೆ ಅಂಗಡಿಯಲ್ಲಿ ಪಡಿತರ ಪಡೆಯಲು ನಡೆದುಕೊಂಡು ತೆರಳುತ್ತಿದ್ದರು. ಮಾರ್ಗಮಧ್ಯೆ ಕಾಡಾನೆ ದಾಳಿ ಮಾಡಿದೆ.

ಗಂಭೀರಗಾಯಗೊಂಡಿದ್ದ ಶಿವು ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆೆ. ಭಾನುವಾರ ಬೆಳಗ್ಗೆ ಕುರಿ ಕಾಯಲು ಹೋದವರು ಮೃತದೇಹ ಕಂಡು ಗ್ರಾಮಸ್ಥರಿಗೆ ವಿಷಯ ತಿಳಿಸಿದ್ದಾರೆ. ಗ್ರಾಮಸ್ಥರು ಕೂಡಲೇ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಮಾಹಿತಿ ಮುಟ್ಟಿಸಿದ್ದು, ಸಂಗಮ ವಲಯ ಅರಣ್ಯಾಧಿಕಾರಿ ಅನಿಲ್​ ಕುಮಾರ್​ ಹಾಗೂ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ಮೃತ ದೇಹವನ್ನು ನಗರದ ಸರ್ಕಾರಿ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀೆ ನಡೆಸಿ ಕುಟುಂಬಸ್ಥರಿಗೆ ಹಸ್ತಾಂತರಿಸಲಾಗಿದೆ.

ಮಾಜಿ ಸಂಸದ ಡಿ.ಕೆ.ಸುರೇಶ್​ ಆಸ್ಪತ್ರೆಗೆ ಭೇಟಿ ನೀಡಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿ, ವೈಯಕ್ತಿಕ ಪರಿಹಾರ ನೀಡಿದ್ದಾರೆ.

ರಾಜ್ಯ ರೈತ ಸಂದ ತಾಲೂಕು ಅಧ್ಯಕ್ಷ ಸತೀಶ್​ ಮಾತನಾಡಿ, ಚಿಲಂದವಾಡಿ ಕೂಲಿ ಕಾರ್ಮಿಕ ಶಿವುಗೆ ಪತ್ನಿ, ಇಬ್ಬರು ಪುತ್ರರು, ಇಬ್ಬರು ಪುತ್ರಿಯರು ಇದ್ದಾರೆ. ಕುಟುಂಬಕ್ಕೆ ಆಸರೆಯಾಗಿದ್ದ ಶಿವು ಅವರ ಸಾವಿನಿಂದ ಕುಟುಂಬ ಅತಂತ್ರಗೊಂಡಿದೆ. ಸರ್ಕಾರ ನಿಗದಿತ ಪರಿಹಾರಕ್ಕಿಂತ ಹೆಚ್ಚಿನ ಪರಿಹಾರ ನೀಡಬೇಕು ಎಂದು ಆಗ್ರಹಿಸಿದರು.